home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ស្រ្តូក កើតលើមនុស្សវ័យក្មេង អាចមកពីមូលហេតុ​ទាំងនេះ

ស្រ្តូក កើតលើមនុស្សវ័យក្មេង អាចមកពីមូលហេតុ​ទាំងនេះ

គ្រោះ​ថ្នាក់​សរសៃ​ឈាម​ខួរក្បាល​ ឬ​ស្រ្តូក ជា​ទូ​ទៅ​មិន​កើត​លើ​មនុស្ស​វ័យ​ក្មេង​នោះ​ទេ ប៉ុន្តែ​បើ​វា​កើត​មាន​ នោះ​បាន​ន័យ​ថា​មាន​គ្រោះ​ថ្នាក់​ខ្លាំង​ហើយ​។ តើ​បញ្ហា​នេះ​កើត​លើ​មនុស្ស​វ័យ​ក្មេង​បាន​យ៉ាង​ដូច​ម្ដេច និង​ត្រូវ​ដោះ​ស្រាយ​បែប​ណា​?​

ហេតុ​អ្វី​មនុស្ស​វ័យ​ក្មេង​មាន​គ្រោះ​ថ្នាក់​សរសៃ​ឈាម​ខួរ​ក្បាល?​

ជា​ទូ​ទៅ​គ្រោះ​ថ្នាក់​សរសៃ​ឈាម​ខួរ​ក្បាល​ ច្រើន​តែ​កើត​លើ​មនុស្ស​វ័យ​ចំណាស់ ឬ​អ្នក​ដែល​មាន​បញ្ហា​សុខ​ភាព។ នេះ​មាន​ន័យ​ថា​មនុស្ស​មាន​វ័យ​កាន់​តែ​ចាស់ ហានិភ័យ​កើត​គ្រោះ​ថ្នាក់​សរសៃ​ឈាម​ខួរ​ក្បាល​ក៏​កើន​ឡើង​ដែរ​។

អ្វី​ដែល​គួរ​ឲ្យ​ភ្ញាក់​ផ្អើល​ គឺ​មនុស្ស​វ័យ​ក្មេង​នៅ​ពេល​នេះ​ក៏​ចាប់​ផ្ដើម​មាន​បញ្ហា​គ្រោះ​ថ្នាក់​សរសៃ​ឈាម​ខួរ​ក្បាល​ដែរ​។ តាម​ការ​ប៉ាន់​ប្រមាណ ​ក្នុង​ចំណោម​អ្នក​ជួប​បញ្ហា​គ្រោះ​ថ្នាក់​សរសៃ​ឈាម​ខួរ​ក្បាល​មាន​ចន្លោះ​ពី​៣,៧​ទៅ​១០​ភាគ​រយ ជា​មនុស្ស​មាន​វ័យ​៤៥​ឆ្នាំ ឬ​តិច​ជាង​នេះ​ ហើយ​ថា​ចំនួន​នេះ​បាន​កើន​ឡើង​រាល់​ឆ្នាំ​។​​

ដួលសន្លប់

តើ​អ្វី​ជា​មូល​ហេតុ​បង្ក​?

កត្តា​ប្រឈម​​ដែល​អាច​នាំ​ឲ្យ​មាន​ហានិភ័យ​កើត​បញ្ហា​គ្រោះ​ថ្នាក់​សរសៃ​ឈាម​ខួរ​ក្បាល​កើត​លើ​មនុស្ស​​វ័យ​​ចំណាស់​ ក៏​អាច​ជា​កត្តា​ប្រឈម​សម្រាប់​មនុស្ស​វ័យ​ក្មេង​ដែរ​។ កត្តា​ប្រឈម​ទាំង​​នោះ​មាន​ដូច​ជា​ការ​ជក់​បារី ​ធាត់​ លើស​សម្ពាធ​ឈាម ជំងឺ​ទឹក​នោម​ផ្អែម ឡើង​កម្រិត​កូលេស្តេរ៉ូល និង​ផឹក​គ្រឿង​ស្រវឹង​ច្រើន​ពេក​ជា​ដើម​។​

យ៉ាង​ណា អ្វី​ទាំង​នេះ​មិន​មែន​ជា​មូលហេតុ ឬ​កត្តា​ប្រឈម​​ផ្ដាច់​មុខ​នោះ​ទេ នៅ​មាន​កត្តា​មួយ​ចំនួន​ទៀត​ធ្វើ​ឲ្យ​មនុស្ស​វ័យក្មេង​ជួប​បញ្ហា​គ្រ​ថ្នាក់​សរសៃ​ឈាម​ខួរ​ក្បាល។

បញ្ហា​បេះ​ដូង​

មនុស្ស​មួយ​ចំនួន​មាន​បញ្ហា​បេះដូង​ពី​កំណើត ដែល​អាច​នាំ​ឲ្យ​មាន​​​ដុំ​កំណក​ឈាម​កើត​ឡើង​នៅ​ក្នុង​បេះ​ដូង និង​អាច​មាន​លទ្ធភាព​ខ្ពស់​ក្នុង​ការ​ធ្វើ​ដំណើរ​ទៅ​កាន់​ខួរក្បាល​។​

បញ្ហា​បេះ​ដូង​ផ្សេង​ទៀត គឺ​​បញ្ហា​ថត​បេះដូង​មិន​បិទ​ភ្លាម​ៗ​ក្រោយពេល​កើត​​ តែ​ថា​អ្នក​​មាន​​បញ្ហា​នេះ​ភាគ​ច្រើន​មិន​​បង្ក​ជា​បញ្ហា​សុខភាព​ទេ។ ថ្វី​បើ​យ៉ាង​នេះ​ក្ដី គ្រូពេទ្យ​នៅ​តែ​រក​ឃើញ​ថា​អ្នក​មាន​​ជួប​​គ្រោះ​ថ្នាក់​សរសៃឈាម​ខួរ​ក្បាល​មួយ​ចំនួន​តូច រងគ្រោះ​ព្រោះ​បញ្ហា​នេះ​ដែរ​។​​​​​​​

ជំងឺ​ឈាម​

គ្រោះ​ថ្នាក់​សរសៃ​ឈាម​ខួរ​ក្បាល​កើត​ឡើង​ដោយសារ​តែ​មាន​ដុំ​កំណក​ឈាម ដែល​អាច​ទៅ​បិទ​លំហូរ​ឈាម​ចូល​​ទៅ​ខួរ​ក្បាល​។ នៅ​ពេល​មនុស្ស​វ័យ​ក្មេង​​កើត​មាន​គ្រោះ​ថ្នាក់​សរសៃ​ឈាម​ខួរ​ក្បាល​ មូល​ហេតុ​ដែល​អាច​បង្ក​ឡើង​បាន​គឺ​ជំងឺ​ឈាម​នេះ​ដែរ​។

ជំងឺ​ឈាម​ជាក់​លាក់​មួយ​ចំនួន អាច​បង្ក​ជា​ហានិភ័យ​ខ្ពស់​នាំ​ឲ្យ​កើត​មាន​​បញ្ហា​ដុំ​កំណក​ឈាម ដែល​នេះ​មាន​ន័យ​ថា​​ដុំ​កំណក​ឈាម​ក៏​អាច​ធ្វើ​ដំណើរ​ទៅ​កាន់​ខួរ​ក្បាល និង​បង្ក​ជា​គ្រោះ​ថ្នាក់​សរសៃ​ឈាម​ខួរ​ក្បាល​បាន​។​
​​

ជំងឺ​ប៉ោង​សរសៃឈាម​ក្រហម

ជំងឺ​ប៉ោង​សរសៃ​ឈម​ក្រហម ជា​បញ្ហា​សុខ​ភាព​មួយ​ដែល​សរសៃ​ឈាម​អាក់ទែ​ចាប់​ផ្ដើម​ចុះ​ខ្សោយ និង​ឡើង​ប៉ោង​។ យូ​រ​ៗ​ទៅ ​សរសៃឈាម​ក្រហម​ដែល​​ប៉ោង នឹង​បែក​ធ្លាយ ហើយ​បង្ក​ជា​គ្រោះ​ថ្នាក់​សរសៃឈាម​ខួរ​ក្បាល​បាន​។​​

មនុស្ស​មួយ​ចំនួន​កើត​មក​មាន​បញ្ហា​នៅ​សរសៃ​ឈាម​អាក់ទែ ដែល​បង្ក​ឲ្យ​អ្នក​​ទាំង​នោះ​ខ្សោយ និង​ងាយ​កើត​ជំងឺ​ប៉ោង​សរសៃ​ឈាម​ក្រហម​។ ជាក់ស្ដែង បើ​សិន​ជា​សមាជិក​គ្រួសារ​យើង​មាន​ជំងឺ​បែប​នេះ យើង​ក៏​មាន​ហានិភ័យ​ដូច​គ្នា​។

រហែក​សរសៃឈាម​អាក់ទែ

ការ​រហែក​សរសៃ​ឈាម​អាក់ទែ ដែល​អាច​កើត​មាន​នៅ​ត្រង់​ក​របស់​មនុស្ស​យើង​ ក៏​អាច​បង្ក​ជា​​គ្រោះ​ថ្នាក់​សរសៃ​ឈាម​ខួរ​ក្បាល​សម្រាប់​មនុស្ស​វ័យ​ក្មេង​ដូច​គ្នា​។​

ឈឺ​ក្បាល​ប្រកាំង​ញឹក​ញាប់

ឈឺក្បាល​ប្រកាំង​ ​លើស​ពី​ការ​ឈឺ​ក្បាល​ធ្ងន់​ធ្ងរ​។ ឈឺ​ក្បាល​ប្រកាំង ជា​ប្រភេទ​ជំងឺ​ទាក់ទង​នឹង​ប្រព័ន្ធ​ប្រសាទ​ ហើយ​ការ​សិក្សា​ជា​ច្រើន​បាន​រក​ឃើញ​ថា អ្នក​ជួប​បញ្ហា​ប្រកាំង​ញឹក​ញាប់​ អាច​កើន​ឡើង​ហានិភ័យ​ជួប​គ្រោះ​ថ្នាក់​សរសៃឈាម​ខួរ​ក្បាល​ដែរ​។

នេះ​មាន​ន័យ​ថា​បើ​អ្នក​ណា​ម្នាក់ ​តែង​តែ​ឈឺ​ក្បាល​ប្រកាំង នោះ​ហានិភ័យ​កើត​គ្រោះ​ថ្នាក់​សរសៃឈាម​ខួរ​ក្បាល​ក៏​កាន់​តែ​ខ្ពស់​ដែរ​ ហើយ​នៅ​ពេល​មាន​វ័យ​កាន់​តែ​ចាស់ កត្តា​ប្រឈម​នេះ​ក៏​កាន់​តែ​ខ្ពស់​ថែម​ទៀត​។​​

ប្រើ​ប្រាស់​សារធាតុ​ញៀន​ខុស​ច្បាប់​

សារធាតុ​ញៀន​ខុស​ច្បាប់ អាច​បន្សល់​ទុក​នូវ​ផល​ប៉ះពាល់​ជា​ច្រើន​ដល់​រាង​កាយ​របស់​យើង​ ដោយ​មួយ​ក្នុង​ចំណោម​នោះ​ធ្វើ​ឲ្យ​មាន​គ្រោះ​ថ្នាក់​សរសៃឈាម​ខួរ​ក្បាល​។

មនុស្ស​វ័យ​ក្មេង ដែល​ប្រើ​ប្រាស់​សារធាតុ​ញៀន​ខុស​ច្បាប់ អាច​ជា​មូល​ហេតុ​មួយ​នាំ​ឲ្យ​មាន​បញ្ហា​គ្រោះ​ថ្នាក់​សរសៃ​ឈាម​ខួរ​ក្បាល​។

វិធី​ការពារ​

​ជាក់​ស្ដែង​គ្រោះ​ថ្នាក់​សរសៃឈាម​ខួរ​ក្បាល​កើត​លើ​មនុស្ស​វ័យ​ក្មេង​មិន​អាច​ការពារ​បាន​គ្រប់​ពេល​នោះ​​ទេ ពិសេស​បើ​បញ្ហា​នេះ​កើត​ឡើង​​ពេល​យើង​មិន​ដឹង​ថា​មាន​បញ្ហា​សុខ​ភាព​ណា​មួយ​ទៀត​​នោះ​។ យ៉ាងណា វិធី​បង្ការ​ទូ​ទៅ​មួយ​ចំនួន​ដើម្បី​បន្ថយ​ហានិភ័យ​​បញ្ហា​សុខភាព​មួយ​នេះ​ក៏​មាន​ខ្លះ​ដែរ។ ការ​ញ៉ាំ​អាហារ ​សុខភាព មាន​បន្លែ ផ្លែ​ឈើ រក្សា​ទម្ងន់​ខ្លួន​ឲ្យ​នៅ​ល្អ និង​ការពារ​ខ្លួន​ឲ្យ​មាន​កូលេស្តេរ៉ូល​ឡើង​ខ្ពស់។ ដូច​គ្នា​ដែរ ការ​ហាត់​ប្រាណ​បាន​ជាប់​ជាប្រចាំ ដូចជា​ហាត់​ប្រាណ​បាន​៣០​នាទី​ក្នុង​មួយ​ថ្ងៃ​សុទ្ធ​តែ​មាន​ប្រយោជន៍​ចំពោះ​សុខ​ភាព និង​អាច​កាត់​បន្ថយ​ហានិភ័យ​ជំងឺ​បេះដូង​។

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Stroke Before Age 45 | Sutter Health, https://www.sutterhealth.org/health/heart/stroke-before-age-forty-five, 

Strokes in young adults: epidemiology and prevention, https://www.ncbi.nlm.nih.gov/pmc/articles/PMC4348138/,

Recognition and management of stroke in young adults and adolescents, https://www.ncbi.nlm.nih.gov/pmc/articles/PMC3795593/

Stroke In Young People FAQs | Stanford Health Care, https://stanfordhealthcare.org/medical-conditions/brain-and-nerves/stroke/stroke-in-young-people.html

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ មួយសប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត
x