កូនឈឺមិនងាយជាទេ បើម៉ាក់ប៉ាឲ្យលេបថ្នាំបែបនេះ

ដោយ ត្រួតពិនិត្យដោយ ចាន់ ស៊ីណេត

បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ញឹប អង្គាបុស្ស ប្រធាន​មន្ទីរពេទ្យ​កុមារ​ជាតិ ថា​កូន​ឈឺ​ហើយ​មិន​ជា​សះស្បើយ ព្រោះតែ​ម៉ាក់ប៉ា​តែង​ធ្វើ​រឿង​ខុស​ឆ្គង​មួយ​ចំនួន​ដូច​ខាងក្រោម​នេះ។

១- ប្រើ​ថ្នាំ​តាម​គ្នា ហើយ​មិន​យក​កូន​ទៅ​ជួប​ពេទ្យ

ម៉ាក់ប៉ា​ខ្លះ​ពេល​កូន​ឈឺ បែរ​ជា​សួរនាំ​អ្នក​ជិតខាងដែល​មាន​កូន​ឈឺ ដោយមាន​​អាការៈ​ស្រដៀង​គ្នា រួច​ទៅ​ទិញ​ថ្នាំ​តាម ​យកមក​ឲ្យ​លេប។ ទង្វើ​បែប​នេះ​ហើយ​ទើប​បណ្ដាល​ឲ្យ​កូន​ឈឺ​ញឹក ឬ​ក៏​ពេល​ឈឺ​យូរ​ថ្ងៃ​ទម្រាំ​ជា ព្រោះនោះ​ជា​ការ​សន្និដ្ឋាន​ដោយ​ខ្លួនឯង គ្មាន​គ្រូពេទ្យ​ធ្វើ​រោគវិនិច្ឆ័យ​ត្រឹមត្រូវ ដែល​ថ្នាំខ្លះមិនត្រូវ​នឹង​ជំងឺ អាច​នាំឲ្យ​មាន​ផល​រំខាន​ផ្សេង​ៗ​ទៅ​វិញ។

២- ប្ដូរ​ថ្នាំ​តាម​ចិត្ត

ពេល​កូន​តូច​ឈឺ​ម៉ាក់ប៉ា​ច្បាស់​ជា​បារម្ភ​ណាស់​ហើយ ដូចនេះ​បើ​ទៅ​ជួប​ពេទ្យ​មួយ ហើយ​បាន​ថ្នាំ​មក​លេប​ម្ដង​មិន​ធូរ​សោះ ប្រាកដជា​ស្វែងរក​ពេទ្យ​ដទៃ​ទៀត​ដែល​ផ្សំថ្នាំ​លេប​ម្ដង​ ឬលេប​មួយ​ថ្ងៃជាភ្លាម។ ទម្លាប់​បែប​នេះ​គ្រោះថ្នាក់​ចំពោះ​សុខភាព​កូន ព្រោះ​គ្រូពេទ្យ​អាច​ឲ្យ​ថ្នាំ​​លើស​កម្រិត​អាយុ​កូន​ខ្លាំង ទើប​លេប​ម្ដង​ធូរ​ភ្លាម ហើយ​ផល​ប៉ះពាល់​ទៅ​ថ្ងៃ​មុខ​វិញ គឺ​កូន​ឆាប់​ស៊ាំ​នឹង​ថ្នាំ​ប្រភេទ​នោះ និង​ឈឺ​ម្ដង​ទៀត​ត្រូវ​លេប​ថ្នាំ​លើស​កម្រិត​មុន​ទៅ​ទៀត។

ថែទាំកូន

៣- មិន​ធ្វើតាម​វេជ្ជបញ្ជា

ថ្នាំ​ដែល​ពេទ្យ​ឲ្យ​លេប ៥ ឬ ៧ ថ្ងៃ ទៅ​តាម​ប្រភេទ​ជំងឺ បែរជា​ឈប់​ឲ្យ​កូន​លេប នៅពេលធូរ​បន្តិច ឬ​ខ្លះទៀត​គិតថាកូន​ជា​សះស្បើយ​ហើយ។ ណា​មួយ​ក្មេង​ពិបាក​លេប​ថ្នាំ​ផង ខ្លួនឯង​រវល់​ផង ភ្លេច​ផង ក៏​បញ្ឈប់​តែ​ម្ដង​ទៅ។ ការ​មិន​ឲ្យ​កូន​លេប​ថ្នាំ​គ្រប់​កម្រិត​ដែល​ពេទ្យ​ឲ្យ អាច​ធ្វើ​ឲ្យ​មេរោគ​ស៊ាំ​នឹង​ថ្នាំ​ទៅ​ថ្ងៃក្រោយ ពិបាក​ព្យាបាល។

៤- បញ្ចុក​ថ្នាំ​មិន​ចូល ឬមិនអស់

កូន​ក្មេង​តូច​ៗ​មិន​ងាយ​ស្រួល​រឿង​បញ្ចុក​ថ្នាំ​ឡើយ ដូចនេះ​ពេល​កូន​លេប​តែងតែ​ព្យាយាម​ព្រួស ឬ​ក្អួត​ឲ្យ​ចេញ​ពី​មាត់​វិញ​ខ្លះ។ ឃើញ​បែប​នេះ បើ​គិត​ជា​រឿង​ធម្មតា ហើយ​មិន​បញ្ចុក​ថែម​ថ្នាំ​ប្រាកដជា​មិន​គ្រប់​ចំនួន កូន​ក៏​មិន​ងាយ​ឆាប់​ជា​ដែរ។

អត្ថបទពាក់ព័ន្ធ៖ ក្មេងក្តៅខ្លួន មិនមែនមកពីឆ្លងរោគ១មុខទេ អាចពីមូលហេតុ២ផ្សេងទៀត

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy"
Share now :

ត្រួតពិនិត្យថ្ងៃទី 21/10/2019 | កែសម្រួលចុងក្រោយ 21/10/2019

អត្ថបទគួរអាន

រលូតកូន

ម៉ាក់ៗណាមានបញ្ហាគភ៌គំរាមរលូត ត្រូវប្រយ័ត្ន និងថែទាំខ្លួនបែបនេះ

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ចេញផ្សាយថ្ងៃទី 09/07/2020 . 2 mins read
ព័ត៌មានជាតិ

ហូបសាច់ឆ្កែមិនអាចប៉ូវ ឬ​ព្យាបាលជំងឺទេ តែថែមទាំងឆ្លងមេរោគពីឆ្កែមកវិញ

ត្រួតពិនិត្យដោយ គឹម កាណែល
ដោយ ទ្រី រ៉ាវី
ចេញផ្សាយថ្ងៃទី 09/07/2020 . 2 mins read
សម្រាលកូន

ម៉ាក់ៗទើបសម្រាលកូនរួច ធ្វើតាមប៉ុន្មានចំណុចនេះ ឆាប់មានកម្លាំង សម្បូរទឹកដោះឲ្យកូនម៉ឹម

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
ចេញផ្សាយថ្ងៃទី 09/07/2020 . 2 mins read
ថែទាំកូន

ម៉ាក់ប៉ាថ្មីថ្មោង ពេលកូនកើតមកភ្លាម ត្រូវដឹងរឿងសំខាន់ទាំងនេះ

ត្រួតពិនិត្យដោយ គឹម កាណែល
ដោយ ដេត ធន្នី
ចេញផ្សាយថ្ងៃទី 09/07/2020 . 2 mins read

អ្នកអាចចូលចិត្ត

ពេលកូនចេះអ្វីមួយតែងរមៀត (រាក) ជាធម្មជាតិ ឬមកពីឆ្លងមេរោគ?

រាក - បើ​តាម​ចាស់​ៗ​តែង​និយាយ​ថា ពេល​កូន​ចេះ​អ្វី​មួយ​តែង​រមៀត (រាក) ដូចជា​ពេល​ចេះ​អង្គុយ ចេះ​និយាយ ចេះ​ឈរ ជាដើម។ តើ​នោះ​ពិតជា​មក....

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី

រាជរដ្ឋាភិបាលសម្រេចសងថ្ងៃឈប់សម្រាកពេលចូលឆ្នាំខ្មែរ ចំនួន ៥ថ្ងៃ ក្នុងពេលឆាប់ៗ

COVID-19 - ឯកឧត្តម ផៃ ស៊ីផាន រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានអង្គភាពអ្នកនាំពាក្យរាជរដ្ឋាភិបាលកម្ពុជា បានផ្ដល់បទសម្ភាស...

ត្រួតពិនិត្យដោយ ដេត ធន្នី
ដោយ ទ្រី រ៉ាវី

នេះជាហេតុផលគួរចាក់វ៉ាក់សាំងអុតស្វាយឲ្យកូន ព្រោះបើកើតអាចឲ្យរលាកខួរក្បាល

អុតស្វាយ - ជំងឺ​អុតស្វាយ ជា​ជំងឺ​នៅ​លើ​ស្បែក ដែល​មនុស្ស​គ្រប់​រូប​ត្រូវតែ​កើត​វា​ម្ដង។ បើ​ទោះ​ជា​វា​កើត​នៅ​លើ​ស្បែក​ក៏​ពិត​មែន តែ​អុតស្វាយ​ផ្ដល់​ផល​វិបាក...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី

បើកូនមីញ៉ូបភ្នែកតាំងពីតូច ប៉ាម៉ាក់គួរធ្វើម៉េចទៅ?

ភ្នែក - បច្ចុប្បន្ន​​មាន​ក្មេង​ជា​ច្រើន ជួប​បញ្ហា​ភ្នែក​មីញ៉ូប។ បញ្ហា​មីញ៉ូប​ភ្នែកនេះ​ កើតឡើង​ពីការ​​វិវិត្ដ​ទៅ​មុខ​កាន់​តែ​ខ្លាំង​

ត្រួតពិនិត្យដោយ ចាន់ ស៊ីណេត
ដោយ ណៃ ទូច