សញ្ញាសម្គាល់ក្មេងស្ទះបំពង់បង្ហូរទឹកភ្នែក និងវិធីម៉ាស្សាឲ្យឆាប់ជាសះស្បើយ

ដោយ ត្រួតពិនិត្យដោយ ចាន់ ស៊ីណេត

ក្មេង​ស្ទះ​បំពង់​បង្ហូរ​ទឹក​ភ្នែក បណ្តាល​ឲ្យ​ហូរ​ទឹក​ភ្នែក​រហូត ដោយ​ក្មេង​ខ្លះ​សន្ទះ​បំពង់​បង្ហូរ​ទឹក​ភ្នែក​តែ​មួយ​ចំហៀង ឯ​ខ្លះ​ទៀត​ស្ទះ​ទាំង​សង​ខាង។ លោកស្រី​វេជ្ជបណ្ឌិត​ឯកទេស​កុមារ គុជ ឆោមដាលីន ​ធ្លាប់​បម្រើ​ការងារ​នៅ​មន្ទីរពេទ្យ​កុមារ​អង្គរ ខេត្ត​សៀមរាប បាន​ឲ្យដឹង​ថា នៅ​ផ្នែក​ខាង​លើ​ភ្នែក​មាន​ក្រពេញ​មួយ​សម្រាប់ផលិត​ទឹក​ភ្នែក ហើយ​ពី​ភ្នែក​មក​ច្រមុះ​មាន​ប្រព័ន្ធ​បង្ហូរ​ទឹក​ភ្នែក​មួយ កាល​ណា​បំពង់​ទឹក​ភ្នែក​ស្ទះ ធ្វើ​ឲ្យ​មាន​ទឹក​ភ្នែក​ដក់​នៅ​នឹង​ភ្នែក។

លោកស្រី​វេជ្ជបណ្ឌិត​ដែល​បច្ចុប្បន្ន​បម្រើ​ការងារ​នៅ​មជ្ឈមណ្ឌល​វេជ្ជសាស្ត្រ​សិង្ហបុរី​រូប​នេះ​បន្ត​ថា ការ​ស្ទះ​បំពង់​បង្ហូរ​ទឹកភ្នែក​របស់​ក្មេង​តូចៗ ជា​ជំងឺ​មក​ពី​កំណើត វា​មិន​មែន​ជា​ជំងឺ​អី​ធ្ងន់ធ្ងរ​នោះទេ ក្នុង​នោះ​ជំងឺ​នេះ​នឹង​ជា​ទៅវិញ​សឹង​តែ ៩០% ពេល​ក្មេង​មាន​អាយុ​១​ឆ្នាំ ហើយ​ក្នុង​ចំណោម​ក្មេង ១០០ នាក់ មាន​ ៥ ​នាក់ ​កើត​ជំងឺ​ស្ទះ​បំពង់​បង្ហូរ​ទឹក​ភ្នែក។

១. រោគ​សញ្ញា​ក្មេងស្ទះ​បំពង់​បង្ហូរ​ទឹក​ភ្នែក

ក្មេង​មាន​ជំងឺ​ស្ទះ​បំពង់​បង្ហូរ​ទឹក​ភ្នែក មិន​ហើម​ភ្នែក មិន​ក្រហម​​ភ្នែក ឬ​មាន​អាចម៍​ភ្នែក​ជាប់​រហូត​នោះ​ទេ តែ​មាន​សញ្ញា​សម្គាល់​ខាង​ក្រោម​នេះ។

– ហៀរ​ទឹក​ភ្នែក​ជាប់​រហូត
– មាន​ទឹក​ភ្លែកថ្លា ឬ​ស្អិត​ជាប់​ភ្នែក។

២. ត្រូវ​ធ្វើ​ម៉េច បើ​ក្មេង​ស្ទះ​បំពង់​បង្ហូរ​ទឹកភ្នែក?

វិធីសាស្ត្រ​​​ព្យាបាល​​កូនក្មេងមានជំងឺ​ស្ទះ​បំពង់​បង្ហូរ​ទឹក​ភ្នែក​ មាន​២​សំខាន់ គឺ១ ម៉ាស្សា​លើ​ត្របក​ភ្នែក និង​ទី​២ ត្រូវ​រង់ចាំ​ដល់​ក្មេង​ធំ​បន្តិច វា​នឹង​ជា​ដោយ​ឯក​ឯង​នៅ​ពេល​អូន​តូច​អាយុ​បាន​១​ឆ្នាំ។

៣. របៀប​​ម៉ាស្សា​ភ្នែក​ក្មេង​ស្ទះ​បំព​ង់បង្ហូរ​ទឹក​​ភ្នែក

មុន​នឹង​ម៉ាស្សា​ភ្នែក​កូន ម៉ាក់ប៉ា​ត្រូវ​កាត់​ក្រចក​ដៃ​ឲ្យ​ខ្លី រួចលាង​ដៃ​ឲ្យ​ស្អាត ដោយ​ចាប់​ផ្តើម​ម៉ាស្សា​ពី​គល់​ភ្នែក​មក​ចុង​ច្រមុះ ហើយ​​ធ្វើ​បែប​នេះ​ចំនួន​១៥​ដង/ម្តង និង​ត្រូវ​ម៉ាស្សា​២ដង/ថ្ងៃ ក្រោយ​ពី​ងូត​ទឹកហើយ គឺ​នៅ​ពេល​ព្រឹក និង​ពេល​ល្ងាច។ កូន​មាន​បញ្ហា​ភ្នែក​ខាង​ណា​ត្រូវ​ម៉ាស្សា​ខាង​នោះ បើ​ស្ទះបំពង់​បង្ហូរ​ទឹក​ភ្នែក​ទាំង​២ ត្រូវ​តែ​ម៉ាស្សា​ទាំង​២ ដែលការ​ម៉ាស្សា​នេះ​សំខាន់​ណាស់ ជួយ​ពន្លឿន​ឲ្យ​ភ្នែក​ឆាប់​ជា​សះ​ស្បើយ​ពី​បញ្ហា​ស្ទះ​បំពង់​បង្ហូរ​ទឹក​ភ្នែក។

៤. ពេល​ណា​ត្រូវ​ទៅ​ជួប​ពេទ្យ?

ក្នុង​ករណី​កូន​អាយុ​បាន​១ឆ្នាំហើយ តែ​នៅ​មាន​បញ្ហា​ដដែល ទោះ​បី​ជា​ម៉ាក់ៗ​ព្យាយាម​ម៉ាស្សា​រាល់​ថ្ងៃ​ក៏​ដោយ បែប​នេះ​លោកស្រី​វេជ្ជបណ្ឌិត​​ណែនាំ​ឲ្យ​យកកូន​ទៅជួបគ្រូពេទ្យ។ ម្យ៉ាងវិញទៀតបើភ្នែកកូនមានសញ្ញាមិនប្រក្រតី ដូចជាភ្នែកឡើងក្រហម ហើម ឈាម ខ្ទុះ ក៏ត្រូវនាំកូនទៅពេទ្យបន្ទាន់ដែរ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy"
Share now :

ត្រួតពិនិត្យថ្ងៃទី 05/12/2019 | កែសម្រួលចុងក្រោយ 05/12/2019

អត្ថបទគួរអាន

អាចម៍ក្របី

កូនតូចក្បាលកើតអាចម៍ក្របីមកពីអី? កើតច្រើនអាចមានបញ្ហាទេ?

ដោយ ទ្រី រ៉ាវី
ចេញផ្សាយថ្ងៃទី 15/09/2020 . អាន 1 នាទី
អាលែកហ្ស៊ី

អាលែកហ្ស៊ីមានប៉ុន្មានប្រភេទ ហើយបង្កឡើងដោយសារអ្វី?

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ចេញផ្សាយថ្ងៃទី 15/09/2020 . អាន 2 នាទី
សុខភាពផ្លូវភេទ

ពេទ្យណែនាំមិនឲ្យប្រើថ្នាំ ឬផលិតផលផ្ដេសផ្ដាស់នៅបរិវេណទ្វារមាស ប្រយ័ត្នស៊យធំ!

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ចេញផ្សាយថ្ងៃទី 15/09/2020 . អាន 1 នាទី
បញ្ហាស្បែក

៣ យ៉ាង ធ្វើឲ្យស្បែកទារកមានបញ្ហាញឹក ម៉ាក់ប៉ាគួរតែចាប់អារម្មណ៍

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
ចេញផ្សាយថ្ងៃទី 15/09/2020 . អាន 2 នាទី

អ្នកអាចចូលចិត្ត

ម៉ាក់ប៉ានិយមប្រើកាបូបស្ពាយទារករយៈពេលយូរ អាចប៉ះពាល់ឆ្អឹងខ្នងកូនអត់?

កាបូបស្ពាយទារក - ប៉ា​ម៉ាក់​ចូល​ចិត្ត​ប្រើ​កាបូប​ស្ពាយ​កូន ព្រោះ​វា​ផ្ដល់​ភាព​ងាយ​ស្រួល​ច្រើន​ដល់​ម៉ាក់​ប៉ា ប៉ុន្តែប្រសិនបើយើងដាក់កូនខុស....

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា
ថែទាំកូន, ចិញ្ចឹមកូន 15/09/2020 . អាន 2 នាទី

កូនក្នុងផ្ទៃមានជំងឺខ្សោយបញ្ញាពីកំណើត គេអាចមើលដឹងដោយរបៀបណា?

ខ្សោយបញ្ញា - ម៉ាក់ប៉ា​គ្រប់រូប​តែង​ប្រាថ្នា​កូន​កើត​មាន​មាន​សុខភាព​ល្អ កាយ​សម្បទាន​គ្រប់គ្រាន់ ធំ​ធាត់​ប្រកប​ដោយ​បញ្ហា​ស្មារតី...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
មានផ្ទៃពោះ, ពពោះ 15/09/2020 . អាន 2 នាទី

ហេតុផលម៉ាក់ប៉ា មិនគួរឲ្យកូនតូចៗញ៉ាំនំកញ្ចប់

នំកញ្ចប់-អាណា​ព្យាបាល​មួយ​ចំនួន​បាន​អនុញ្ញាត​ឲ្យ​កូន​តូច​ៗ​ញ៉ាំ​នំ​កញ្ចប់​ដោយ​មិន​ខ្វល់​ពី​ផល​ប៉ះពាល់។ ចំពោះ​បញ្ហា​នេះ​ដែរ​វេជ្ជបណ្ឌិត លី...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ថែទាំកូន, ចិញ្ចឹមកូន 14/09/2020 . អាន 2 នាទី

គួរយកកូនទៅចាក់វ៉ាក់សាំងឆ្កែឆ្កួតមុន ឬក្រោយពេលសត្វខាំ?

ចាក់វ៉ាក់សាំង-ការ​ចាក់​វ៉ាក់សាំង​ឆ្កែឆ្កួត​ពិតជា​សំខាន់​ខ្លាំង​ណាស់ ជា​ពិសេស​សម្រាប់​កុមារ​តូច​ៗ ព្រោះ​ពេល​ខ្លះ​សត្វ​ចិញ្ចឹម​នៅ​ផ្ទះ​នៅ​បាន​ប្រឡែង​លេង...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
ថែទាំកូន, ចិញ្ចឹមកូន 14/09/2020 . អាន 2 នាទី