សណ្ឋានលាមករបស់អាអូន អាចប្រាប់ឲ្យម៉ាក់ប៉ាដឹងច្រើនពីសុខភាពរបស់កូន។ លាមកអាអូន ក៏អាចមានសណ្ឋានទៅតាមអាហារដែលកូនញ៉ាំដូចជា ទឹកដោះម្ដាយ ទឹកដោះគោ ឬអាហារបំប៉នផ្សេងៗ (ពេលកូនធំទៅៗ) ផងដែរ។ ចុះយើងអាចបែងចែកពណ៌ សណ្ឋានលាមកកូនបៅដោះម្ដាយ និងបៅទឹកដោះគោយ៉ាងម៉េច?
មាតិកាពិសេសទាំងអស់
មើលមាតិកាពិសេសទាំងអស់
មាតិកា
មាតិកា
មើលគ្រប់ផ្នែកទាំងអស់
មាតិកាពិសេសទាំងអស់
មើលមាតិកាពិសេសទាំងអស់រង្វាស់សុខភាព
ឧបករណ៍សុខភាព
មើលផ្នែករង្វាស់សុខភាពទាំងអស់
រវាងលាមកអាអូនបៅដោះម្តាយ និងទឹកដោះគោ ខុសគ្នាយ៉ាងម៉េចខ្លះ?
សម្រាយចម្ងល់មួយនេះ លោកស្រីវេជ្ជបណ្ឌិត កុសល កណិការ ឯកទេសជំងឺកុមារបានឲ្យដឹងថា ចំពោះទារកបៅដោះម្ដាយ និងទារកបៅទឹកដោះគោ ជាទូទៅលាមកតែងមានលក្ខណៈមិនដូចគ្នាទេ។ ទារកដែលបៅទឹកដោះម្ដាយភាគច្រើនមានលាមកពណ៌លឿងៗ ហើយពេលកូនជុះមកមានលក្ខណៈទឹកៗស្រដៀងនឹងរាក ដែលចាស់ៗតែងហៅថា រមាក ហើយក្លិនលាមកអាអូនមិនស្អុយខ្លាំងទេ។ សម្រាប់ទារកដែលបៅទឹកដោះគោ មានពណ៌លឿង ឬពណ៌ត្នោត និងមានសភាពខាប់ៗ ស្រដៀងនឹងប៊័រសណ្ដែកដី (Peanut butter) ហើយលាមកអាអូនមានក្លិនស្អុយជាងក្មេងបៅទឹកដោះម្ដាយ។
លោកស្រីវេជ្ជបណ្ឌិតបន្តថា ចំពោះក្មេងដែលបៅទឹកដោះម្ដាយ គឺអាអូនជុះញឹកជាងអាអូនដែលបៅទឹកដោះគោ ដោយសារតែម៉ូលេគុលប្រូតេអ៊ីនរបស់ទឹកដោះគោធំជាងទឹកដោះម្ដាយ។ ដូចនេះហើយ ទារកដែលបៅទឹកដោះម្ដាយងាយស្រួលរំលាយអាហារជាង និងមិនងាយឈឺពោះ ឬហើមពោះទេ។
វេជ្ជបណ្ឌិតជំងឺកុមាររូបនេះ បញ្ជាក់ទៀតថា ដោយសារតែលាមកកូនមានច្រើនសណ្ឋាន ហើយវាក៏អាចប្រាប់ឲ្យយើងដឹងពីសុខភាពកូនផងនោះ ម៉ាក់ប៉ាអាចសម្គាល់ និងគួរយកអាអូនទៅពិគ្រោះជាមួយគ្រូពេទ្យប្រសិនបើឃើញលាមកកូនមានលក្ខណៈដូចខាងក្រោម ព្រោះអាអូនអាចឆ្លងមេរោគ ឬអាលែកហ្សី៖
– រាកដែលមានពណ៌បៃតង លឿង ឬត្នោត
– រឹងៗ ដូចគ្រាប់ក្រួស (កើតឡើងពេលអាអូនទល់លាមក ឬក្រោយញ៉ាំរបស់រឹង)
– ឈាមក្រហមក្នុងលាមក
– លាមកពណ៌ស ឬប្រផេះ។ល។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម