home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

៣ យ៉ាង ជួយឲ្យប្រព័ន្ធការពារទារករឹងមាំ អាចទប់ទល់ជាមួយបាក់តេរីអាក្រក់បាន

៣ យ៉ាង ជួយឲ្យប្រព័ន្ធការពារទារករឹងមាំ អាចទប់ទល់ជាមួយបាក់តេរីអាក្រក់បាន

ប្រព័ន្ធការពាររាងកាយមានសារៈសំខាន់ណាស់សម្រាប់ប្រឆាំងនឹងបាក់តេរី វីរុសនានាដែលចូលទៅយាយីសុខភាពយើង។ ទារកទើបនឹងកើតក៏មានប្រព័ន្ធភាពស៊ាំការពាររាងកាយពីមេរោគមួយចំនួនដែរ តែខ្សោយ មិនអាចទប់ទល់នឹងពពួកបាក់តេរី ឬវីរុសបង្កជាជំងឺធ្ងន់ធ្ងរបានទេ។ ម៉ាក់ប៉ាមានដឹងទេថា កូនរបស់យើងប៉ះពាល់ជាមួយនឹងមេរោគរាប់ពាន់រាល់ថ្ងៃ តាមរយៈខ្យល់ដែលកូនដកដង្ហើម របស់ដែលដាក់ចូលក្នុងមាត់កូន និងបរិយាកាសជុំវិញខ្លួន។ នេះបើតាមមជ្ឈមណ្ឌលគ្រប់គ្រង និងបង្ការជំងឺអាមេរិក (CDC)។

រាល់ពេលដែលកូនឈឺជំងឺអ្វីមួយ រាងកាយកូននឹងបង្កើតអង្គបដិប្រាណថ្មីដែលការពារកូនពីជំងឺនោះនៅពេលអនាគត។ ស្របគ្នានេះដែរ យើងជាម៉ាក់ប៉ាអាចធ្វើរឿងមួយចំនួន ដើម្បីជួយដល់ប្រព័ន្ធការពាររាងកាយកូនឲ្យកាន់តែរឹងមាំ។

១. បំបៅដោះកូន

ទឹកដោះម្ដាយផ្ទុកសារធាតុជួយទ្រទ្រង់ដល់ប្រព័ន្ធការពាររាងកាយកូនរួមមាន ប្រូតេអ៊ីន ជាតិខ្លាញ់ ស្ករ ប្រ៉ូបាយអូទិក (Probiotics) និង ព្រីបាយអូទិក (Prebiotics)។ល។ នៅពេលម៉ាក់ៗប៉ះពាល់មេរោគអ្វីមួយ រាងកាយម៉ាក់ៗនឹងបង្កើតអង់ទីក័រដើម្បីទប់ទល់នឹងមេរោគនោះមិនឲ្យមានការឆ្លងជំងឺ រួចវាក៏បញ្ជូនទៅទារកតាមរយៈទឹកដោះម្ដាយ។ ជាធម្មតា ដោយសារម្ដាយ និងទារក ប៉ះពាល់នឹងមេរោគស្រដៀងគ្នា នេះមានន័យថា អាអូនត្រូវបានការពារពីមេរោគនោះរួចជាស្រេច។

ប៉ុន្តែ ចំពោះទារកដែលបៅទឹកដោះគោ ដើម្បីបានប្រព័ន្ធការរាងកាយរឹងមាំ ម៉ាក់ប៉ាគួរតែជ្រើសរើសយកទឹកដោះគោម្សៅណាដែលសម្បូរសារជាតិ Prebiotics ព្រោះកាលណា អាអូនទទួលបាន Prebiotics គ្រប់គ្រាន់ នាំឲ្យសម្បូរបាក់តេរីល្អក្នុងពោះវៀន រារាំងនូវការកើតជំងឺផ្សេងៗ ទោះជាប្រព័ន្ធភាពស៊ាំរបស់ក្មេងនៅខ្សោយក្តី។ បច្ចេកវិទ្យាថ្មីនេះៗ គេបានបង្កើតទឹកដោះគោម្សៅរូបមន្តថ្មីចុងក្រោយមួយ ដែលមានទាំងប្រ៉ូបាយអូទិក (Probiotics) និង ព្រីបាយអូទិក(Prebiotics) លាយបញ្ចូលគ្នា។ រូបមន្តនេះ រឹតតែធ្វើឲ្យប្រព័ន្ធភាពស៊ាំខ្លាំង ព្រោះកំណើនបាក់តេរីល្អ Probiotics កាន់តែសម្បូរក្នុងពោះវៀន។

២. ចាក់វ៉ាក់សាំង

ការទទួលបានសារជាតិចិញ្ចឹមពីទឹកដោះម្ដាយ ឬទឹកដោះគោម្សៅ នៅមិនទាន់គ្រប់គ្រាន់ សម្រាប់ជួយពង្រឹងដល់ប្រព័ន្ធភាពស៊ាំរបស់អាអូនទប់ទល់នឹងបាក់តេរី ឬវីរុសអាក្រក់ៗទេ។ ហេតុនេះហើយ អាអូនត្រូវទទួលបានការការពារបន្ថែមពីការចាក់វ៉ាក់សាំងផ្សេងៗ។ នេះបើតាមការលើកឡើងរបស់ CDC អាមេរិក។ ការចាក់វ៉ាក់សាំង គឺជាមធ្យោបាយដែលមានសុវត្ថិភាព និងមានប្រសិទ្ធភាពបំផុត ក្នុងការការពារកូនពីជំងឺអាក្រក់ៗមកវាយប្រហារលើសុខភាពកូន។

បើតាមគោលការណ៍ថ្នាក់ជាតិ នៃក្រសួងសុខាភិបាលកម្ពុជា ទារកនឹងទទួលការចាក់វ៉ាក់សាំងបង្ការជំងឺដល់ទៅ ១១ មុខ។ បន្ថែមពីលើនេះ ម៉ាក់ប៉ាអាចនាំអាអូនទៅចាក់វ៉ាក់សាំងការពារជំងឺក្រៅថ្នាក់ជាតិផ្សេងៗ ដើម្បីឲ្យប្រព័ន្ធការពាររាងកាយកូនកាន់តែរឹងមាំ។

ចាក់វ៉ាក់សាំង

៣.បន្ថែមវីតាមីន និងជាតិរ៉ែផ្សេងៗ

ជាទូទៅ ទឹកដោះម្ដាយ និងទឹកដោះគោម្សៅ មានផ្ទុកសារធាតុចិញ្ចឹមគ្រប់គ្រាន់សម្រាប់ទ្រទ្រង់ដល់សុខភាពអាអូនហើយ ប៉ុន្តែចាប់ពីពេលដែលអាអូនមានអាយុ ៦ខែទៅអាអូនអាចចាប់ផ្ដើមញ៉ាំអាហារបំប៉នដទៃបាន ក្រៅពីទឹកដោះម្ដាយ ឬទឹកដោះគោម្សៅ ម៉ាក់ប៉ាអាចឲ្យកូនញ៉ាំបន្លែ ឬផ្លែឈើនានា ដើម្បីជួយដល់សុខភាពកូនកាន់តែមានប្រព័ន្ធការពាររាងកាយរឹងមាំ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

២ ចំណុចសំខាន់ ជួយប្រព័ន្ធការពាររាងកាយកូនតូចរឹងមាំ ជំងឺផ្សេងៗកម្រមកបៀតបៀន

កូនក្មេងចាក់វ៉ាក់សាំងច្រើនមុខក្នុងពេលតែមួយ ប៉ះពាល់ដល់ប្រព័ន្ធភាពស៊ាំទេ?

អាលែកហ្ស៊ីទឹកដោះគោ​ និង​ការ​មិន​ស៊ាំ​នឹង​ជាតិ​ឡាក់​តូសលើទារក​

ប្រញាប់ប្តូរទម្លាប់នេះភ្លាម បើមិនចង់មានបញ្ហាដល់ខួរក្បាលទារកទើបកើត

តិចនិកមុន អំឡុងពេល និងក្រោយងូតទឹកឲ្យទារក ម៉ាក់ប៉ាថ្មីថ្មោងគួរយល់ដឹង

បើម៉ាក់ប៉ាចេះសម្គាល់ល្អ! សញ្ញាហើមពោះលើទារក មាន និងគ្មានគ្រោះថ្នាក់

ពិតអត់ ស្បែក​ទារក​ឡើង​ប្រេះ និង​របក​អាច​បណ្ដាល​មក​ពី​ការ​រោល​ទឹក​ភ្លោះ​?

ម៉ាក់ប៉ានិយមប្រើកាបូបស្ពាយទារករយៈពេលយូរ អាចប៉ះពាល់ឆ្អឹងខ្នងកូនអត់?

ទារកគេងលក់ មិនយំទារបៅពេលយប់ ម៉ាក់ៗគួរដាស់ឲ្យម៉ឹមអត់?


រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ នាង សុខុមដាលីញ៉ា
កែ 2 ស​ប្តា​ហ៍​មុន
x