ជាប់គល់អណ្ដាត ជាបញ្ហាមួយឧស្សាហ៍កើតលើទារក ម៉ាក់ប៉ាច្បាស់ជាធ្លាប់បានឮមកហើយ។ បញ្ហាជាប់គល់អណ្ដាតនេះ ជាជំងឺពីកំណើតដែលជាលិកាក្រោមអណ្ដាតក្មេងភ្ជាប់អណ្ដាតតឹងជាមួយក្រអូមមាត់ក្រោម។ នេះបើតាមការឲ្យដឹងពីលោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងកុមារ។

ជាប់គល់អណ្ដាត អាចសម្គាល់បានដោយ៖

ក្មេងពិបាកកម្រើកគល់អណ្ដាតប៉ះនឹងអញ្ចាញធ្មេញខាងលើ ឬពីម្ខាងទៅម្ខាង
ពិបាកលៀនអណ្ដាតចេញមកក្រៅ (ពិសេសលៀនអណ្ដាតមិនផុតធ្មេញខាងក្រោម)
ពេលអាអូនលៀនអណ្ដាត មានសភាពផតចូលក្នុង ឬមានរូបរាងដូចបេះដូង។

ចំពោះមូលហេតុបញ្ហាជាប់គល់អណ្ដាតអាអូនតូចៗនៅមិនទាន់ដឹងច្បាស់នៅឡើយទេ តែក្នុងករណីខ្លះ បញ្ហានេះអាចកើតឡើងបានអាស្រ័យទៅលើកត្តាហ្សែន។

ផលវិបាកលើក្មេងៗជាប់គល់អណ្ដាត

ក្មេងពិបាកមឹម ពិបាកបឺត និងងាយឈ្លក់ពេលបៅដោះម្ដាយ ឬទឹកដោះគោ
ប៉ះពាល់ដល់ការនិយាយ
ប៉ះពាល់ដល់សុខភាពមាត់ធ្មេញ។ល។

វិធីព្យាបាលជាប់គល់អណ្ដាត

វេជ្ជបណ្ឌិតជំនាញទូទៅ និងកុមាររូបនេះ បន្តឲ្យដឹងថា សម្រាប់ការព្យាបាល គឺត្រូវកាត់គល់អណ្ដាត ដើម្បីបន្ធូរជាលិកានោះ តែការកាត់មានច្រើនរបៀបទៅតាមស្ថានភាពជាក់ស្ដែងដូចជា៖

– ការកាត់ត្រូវធ្វើចំពោះក្មេងដែលមានសុខភាពល្អ គ្រប់គីឡូ និងមិនកំពុងមានជំងឺផ្សេង ព្រោះក្រោយពេលកាត់នឹងមានប៉ះពាល់ដល់ការញ៉ាំមួយរយៈខ្លី

- ទារកចាប់ពីអាយុ៦ខែឡើង អាចកាត់បាន (ឬ អាយុទាបជាងនេះទៅតាមស្ថានភាពជាក់ស្ដែង)

– ការកាត់មិនធ្វើឲ្យអាអូនឈឺចាប់ខ្លាំងទេ។

សង្កេតយ៉ាងម៉េច ទើបដឹងថា អាអូនជាប់គល់អណ្ដាត

ជាប់​គល់​អណ្ដាត អាចសម្គាល់បានដោយ៖

ផល​វិបាក​លើក្មេងៗ​ជាប់​គល់​អណ្ដាត

វិធីព្យាបាល​​ជាប់​គល់​អណ្ដាត

ជាប់គល់អណ្ដាត អាចសម្គាល់បានដោយ៖

ផលវិបាកលើក្មេងៗជាប់គល់អណ្ដាត

វិធីព្យាបាលជាប់គល់អណ្ដាត