ទារកទើបកើតមានប្រព័ន្ធការពារខ្សោយខ្លាំងណាស់ ពិសេសកូនកើតមិនគ្រប់ខែ កូនមិនគ្រប់គីឡូ ហើយបើម៉ាក់ៗមានបញ្ហាពេលពពោះ ឬពេលសម្រាលទៀតនោះ កូនកើតមកងាយឆ្លងរោគបំផុត។ នេះបើតាមការបញ្ជាក់នៅលើផេកផ្លូវការរបស់មន្ទីរពេទ្យ កាល់ម៉ែត។
បើម៉ាក់ៗមានបញ្ហាទាំងនេះ នោះកូនកើតមកងាយឆ្លងរោគបំផុត
១- កត្តាប្រឈមបណ្តាលឲ្យបង្ករោគ
– ម្តាយក្តៅខ្លួនលើសពី ៣៨អង្សារសេ មុន និងក្រោយសម្រាល
– បែកទឹកភ្លោះយូរ លើសពី ១៨ ម៉ោង
– ទឹកភ្លោះមានពណ៌ខ្ទុះ និងក្លិនស្អុយ
– ម្តាយមានការបង្ករោគនៅទ្វារមាស ឬផ្នែកណាមួយ។
២- សញ្ញានៃការបង្ករោគ
– ដកដង្ហើមហត់ខ្លាំង
– ផតទ្រូង
– ស្រែកថ្ងូរ
– សម្បុរស្វាយ ឬស្លេកស្លាំងខុសពីធម្មតា
– ត្រជាក់ខ្លាំង (កម្តៅទាបជាង ៣៥ សង្សារសេ)
– ក្តៅខ្លាំង (លើសពី ៣៨ អង្សារសេ)
– បៅតិចជាងធម្មតា ឬមិនបៅសោះ
– ប៉ោងតឹងពោះ
– យំដោយគ្មានមូលហេតុ
– ស្បែកលឿង
– លាមកមានឈាម
-ទន់ខ្លួន ពេលខ្លះឈានដល់ប្រកាច់។
បើមានសញ្ញាទាំងនេះ យើងត្រូវប្រញាប់នាំកូនទៅជួបគ្រូពេទ្យជាបន្ទាប់ បើមិនអ៊ីចឹងទេអាចគ្រោះថ្នាក់ដល់ស្លាប់។
អត្ថបទពាក់ព័ន្ធ៖
ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អត្ថបទដោយ ដេត ធន្នី · កែ 02/08/2021