កូនក្មេងពិបាកញ៉ាំថ្នាំ ទម្រាំលួងបញ្ចុកបានម្តងៗចំណាយពេលយូរណាស់ ខណៈក្មេងខ្លះទៀតបញ្ចុកថ្នាំហើយ ក្អួតមកវិញអស់។ បើសិនជាម៉ាក់ប៉ាបញ្ចុកថ្នាំកូនរួច បែរជាក្អួតមកវិញ តើត្រូវបញ្ចុកម្តងទៀតទេ?

ស្រាយចម្ងល់នេះ ឱសថការី គីម កាណែល បញ្ជាក់ថា កូនក្អួតក្រោយលេបថ្នាំ ត្រូវបញ្ចុកម្តងទៀត ឬមិនបញ្ចុកម្តងទៀត អាស្រ័យទៅលើលក្ខខណ្ឌនៃការក្អួតនោះ តើកូនក្អួតនៅពេលណា? នៅពេលបញ្ចុករួចភ្លាម ឬកន្លះ ១ម៉ោងក្រោយ បានកូនក្អួត? កូនក្អួតច្រើន ឬតិច?

១- ករណីត្រូវបញ្ចុកថ្នាំកូនឡើងវិញ

បន្ទាប់ពីញ៉ាំថ្នាំរួច កូនក្អួតភ្លាមៗក្នុងបរិមាណច្រើន មានន័យថាបញ្ចុកថ្នាំប៉ុន្មានទៅ កូនក្អួតមកវិញទាំងអស់ ឬក៏ក្អួតលើសពី៥០%ឡើងទៅ ម៉ាក់ប៉ាត្រូវបញ្ចុកថ្នាំកូនឡើងវិញ ទៅតាមកម្រិតនៃការប្រើប្រាស់ថ្នាំក្នុងវេជ្ជបញ្ជា ។ ហេតុអីត្រូវបញ្ចុកថ្នាំកូនឡើងវិញទាំងអស់? នេះក៏ដោយសារតែការក្អួតមកវិញភ្លាម ជាតិថ្នាំមិនបានជ្រាបចូលក្នុងខ្លួនកូននោះទេ។

ប្រការគួប្រុងប្រយ័ត្ននោះ បើកូននៅតែក្អួតម្តងទៀតបន្ទាប់ពីបញ្ចុកកម្រិតថ្នាំថ្មីនេះ សូមពន្យារពេល ៤-៥នាទី បន្ទាប់ពីកូនក្អួតអស់ ចាំបញ្ចុកថ្នាំកម្រិតដដែលសារជាថ្មី។ តែលើកនេះ បើកូននៅតែក្អួតទៀតនោះ ត្រូវប្រញាប់ទៅជួបគ្រូពេទ្យ ដើម្បីសាកសួរពីប្រភេទថ្នាំផ្សេងទៀតដែលល្អចំពោះកូន។

២- ករណីមិនបាច់បញ្ចុកថ្នាំកូនឡើងវិញ

បើលេបថ្នាំរួច កូនក្អួតភ្លាម តែក្អួតតិចតួច ក៏ម៉ាក់ប៉ាមិនបាច់បញ្ចុកថ្នាំកូនឡើងវិញទេ។ ម្យ៉ាងវិញទៀត ប្រសិនម៉ាក់ប៉ាបញ្ចុកថ្នាំកូនរួច តែបែរ៣០នាទីក្រោយ បានកូនក្អួតចេញមកវិញ ករណីនេះមិនបាច់បញ្ចុកថ្នាំកូនឡើងវិញឡើយ ព្រោះរយៈពេលចាប់ពីកន្លះម៉ោងឡើងទៅ ជាតិថ្នាំបានជ្រាបចូលរាងកាយកូនហើយ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

កូនក្អួតក្រោយលេបថ្នាំ ត្រូវបញ្ចុកម្តងទៀតទេ?

១- ករណី​ត្រូវ​បញ្ចុក​ថ្នាំ​កូន​ឡើង​វិញ

២- ករណី​មិន​បាច់​បញ្ចុក​ថ្នាំ​កូន​ឡើង​វិញ

១- ករណីត្រូវបញ្ចុកថ្នាំកូនឡើងវិញ

២- ករណីមិនបាច់បញ្ចុកថ្នាំកូនឡើងវិញ