home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ទឹក​ដោះ​ម៉ាក់ៗល្អ​មែន តែ​បើ​ស្ថិត​ក្នុង​ស្ថានភាព​មួយ​ចំនួន​ ក៏​មិន​គួរ​បំបៅ​ដោះ​កូន​ដែរ

ទឹក​ដោះ​ម៉ាក់ៗល្អ​មែន តែ​បើ​ស្ថិត​ក្នុង​ស្ថានភាព​មួយ​ចំនួន​ ក៏​មិន​គួរ​បំបៅ​ដោះ​កូន​ដែរ

គ្នា​យើង​ធ្លាប់​តែ​ដឹង ទឹក​ដោះ​ម្ដាយ​ផ្ដល់​នូវ​អត្ថប្រយោជន៍​ដ៏​លើស​លប់ ពេទ្យ​តែង​ណែនាំ​ឲ្យ​គ្នា​យើង បំបៅ​ដោះ​កូន យ៉ាង​តិច ៣-៦ ខែ ដើម្បី​អូនៗ​មាន​សុខភាព​ល្អ។ តែ​ស្រីៗ​មួយ​ចំនួន ពេល​ខ្លះ​ទើប​សម្រាល​កូន​ហើយ ពេទ្យ​បែរ​ហាម​មិន​គួរ​ឲ្យ​កូន​បៅ​ទៅ​វិញ តើ​មាន​ដឹង​ហេតុ​អី​អត់? ចង់​ដឹង​អត្ថបទ​នេះ​នឹង​បញ្ជាក់​លម្អិត។

១- ​កំពុងប្រើប្រាស់​​ថ្នាំ

បើ​ម៉ាក់ៗ​កំពុង​លេប​ថ្នាំ​មួយ​ចំនួន ពេទ្យ​តែង​ផ្តល់​ដំបូន្មាន​មិន​គួរ​បំបៅ​ដោះ​បេប៊ី​ទេ អាច​មាន​គ្រោះថ្នាក់​ដល់​ ខណៈ​ថ្នាំ​ទាំង​នោះ​មាន៖

– ថ្នាំ​ប្រឆាំង​មេរោគ​អេដស៍
– ថ្នាំ​ពន្យារ​កំណើត​មាន​អ័រម៉ូន​អឺស្ត្រូហ្សែន(estrogen )
– ថ្នាំគីមី​ព្យាបាល​មហារីក
– ថ្នាំមាន​ឥទ្ធិពល​លើ​អារម្មណ៍​សប្បាយ (គ្រឿង​ញៀន គ្រឿង​ស្រវឹង)
– ថ្នាំ​រំងាប់​អារម្មណ៍​
– ថ្នាំ​ងងុយ​គេង
– ថ្នាំ​ព្យាបាល​ជំងឺ​ប្រកាំង

ម៉្យាងទៀត​ចំពោះ​ស្រីៗ​កំពុង​ព្យាបាល​ដោយ​បាញ់​កាំរស្មី ក៏​ត្រូវ​ចៀស​វាង​បំបៅ​ដោះ​កូន​ដូច​គ្នា ព្រោះ​បណ្ដាល​ឲ្យ​មាន​បញ្ហា​សុខភាព​ដល់​កូន។

២- ពេល​កំពុង​មាន​ពី​ជំងឺ​មួយ​ចំនួន

ជំងឺ​មួយ​ចំនួន អាច​ឆ្លង​ពី​ម្ដាយ​ទៅ​កូន​តាមរយៈ​បៅ​ដោះ ដូចជា៖

– ជំងឺ​អេដស៍
– ជំងឺ​ឆ្លង​មេរោគ​ដោយ​កោសិកា T Cell ប្រភេទ ១ និង​ប្រភេទ ២
– ជំងឺ​របេង​​មិនទាន់​ព្យាបាល

បើ​មាន​ជំងឺ​គ្រុន​ផ្ដាសាយ គួរ​ឈប់​បំបៅ​ដោះ​កូន ហើយ​ព្យាយាម​នៅ​ឲ្យ​ឆ្ងាយ​ពី​កូន​រហូត​ដល់​ជា​សះស្បើយ ព្រោះ​ទារក​ងាយ​រងគ្រោះ​នឹង​ជំងឺនេះ។

បំបៅដោះ Hello គ្រូពេទ្យ

អត្ថបទពាក់ព័ន្ធ៖

  • ចង់ឲ្យ​កូន​បៅ​ម្សៅ​ទឹក​ដោះ​គោ គួរ​ស្វែងយល់​ពី​គុណ​វិបត្តិ និង​គុណ​សម្បត្តិ​ជាមុន
  • ចង់​ផ្តាច់​ដោះ កូន​ក្បាល​ខូចអង្កៀមយូរ​ឆ្នាំពេក អាច​សាក​វិធី​​នេះ​បាន

៣- ស្ថានភាព​ជំងឺ​ផ្សេង​ទៀត

បើ​មាន​បញ្ហា​សុខភាព​រ៉ាំរ៉ៃ​ដោយ​សារ​ជំងឺ​អ្វីមួយ ដំបូន្មាន​គ្រូពេទ្យ​ណែនាំ​មិន​ឲ្យ​បំបៅ​កូន​ដោយ​ទឹកដោះ​ទេ។ បើ​ចង់​បំបៅ​ដោះ​ ត្រូវ​មាន​ការ​ធានា​សុខភាព​ខ្លួន​ឯង​ឲ្យ​បាន​ប្រាកដ​ប្រជា​ផង។

– ស្រីៗ​មាន​ជំងឺ​ទឹកនោម​ផ្អែម គួរ​ញ៉ាំ​អាហារ​បន្តិចបន្តួច​បាន​ហើយ​អំឡុង​ពេល​បំបៅ​កូន​ដោយ​ទឹកដោះ ដើម្បី​កម្រិត​ជាតិ​ស្ករ​ក្នុង​ឈាម​ធ្លាក់​ចុះ។
– ស្រីៗ​មាន​គីឡូ​មិន​គ្រប់​ មាន​ជំងឺ​ក្រពេញ​ទីរ៉ូអ៊ីត​ ឬ​ជំងឺ​ពោះវៀន​ធំ គួរ​តែ​បង្កើន​កាឡូរី​ដើម្បី​ការពារ​សុខភាព។
– ស្រីៗ​ធ្លាប់​ទទួល​វះ​កាត់​សុដន់ ទំនង​ជា​មាន​បញ្ហា​ក្នុង​ការ​បំបៅ​កូន​ដោយ​ទឹកដោះ។
– ស្រីៗ​មាន​ប្រវត្តិ​ប្រើ​សារធាតុ​ញៀន ក៏​មិន​គួរ​បំបៅ​ដោះ​កូន​ដែរ។

ក្រៅ​ពី​នោះ​ចំពោះ​ទារក​មាន​បញ្ហា​បម្លែង​ជាតិ​ស្ករ​ ហ្កាឡាក់តូស ឲ្យ​ទៅ​ជា​គ្លុយកូស​ក្នុង​ឈាម​(Galactosemia) ក៏​មិន​គួរ​បៅ​ដោះ​ម៉ាក់ៗ​ដែរ។ ព្រោះ​ជាតិ​ហ្កាឡាក់តូស​នឹង​ប្រមូលផ្ដុំ​បង្កើត​ជាតិ​ពុល​ដល់​ទារក។

ម៉ាក់ៗ​គ្រប់​រូប មាន​ស្ថានភាព​ខុសៗ​គ្នា ដូច្នេះ​ហើយ​បើ​មាន​ការ​បារម្ភ​អំពី​ការ​បំបៅ​កូន​ដោយ​ទឹកដោះ​គ្នា​យើង​គួរ​តែ​ជួប​គ្រូពេទ្យ​ដើម្បី​រក​ដំណោះ​ស្រាយ​ល្អ​បំផុត​សម្រាប់យើង និង​កូន។

ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​បញ្ហា​សុខភាព​អ្នក​ ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Groupមិន​ចេញ​វេជ្ជបញ្ជា​ មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Are there any special conditions or situations in which I should not breastfeed? https://www.nichd.nih.gov/health/topics/breastfeeding/conditioninfo/pages/when-not-breastfeed.aspx Assessed November 16, 2016

រូបថត​របស់​អ្នក​និពន្ធbadge
ដោយ CHIN Ven កែសម្រួល​ចុងក្រោយ 10/06/2019
ត្រួតពិនិត្យដោយ វេជ្ជ. ចាន់ ស៊ីណេត
x