មានមនុស្សជាច្រើនតែងគិតថា ទឹកដោះដំបូងរបស់ម៉ាក់ៗ មានក្រោយសម្រាលកូនរួច។ តែបើតាមការបកស្រាយរបស់អ្នកជំនាញ បានបញ្ជាក់ថា ទឹកដោះបានកកើតតាំងពីម៉ាក់ៗពពោះខែទី ៤ ម្ល៉េះ តែមិនទាន់ចេញ។

លោក ហ៊ូ ក្រើន អនុប្រធានអង្គការ Helen Keller International បានធ្វើបទបង្ហាញក្នុងវគ្គបណ្ដុះបណ្ដាលស្ដីពី “ការពង្រឹងភាពម្ចាស់ការរបស់មាតាបិតាក្នុងការបំបៅកូនដោយទឹកដោះម្ដាយ និងតួនាទីប្រព័ន្ធផ្សព្វផ្សាយ” បានលើកឡើងថា នៅពេលស្ត្រីសម្រាលកូន ទឹកដោះមានតិច ឬច្រើនតែងមានជានិច្ច ហើយពេលកូនកើតរួចភ្លាម គួរតែឲ្យកូនប្រឹងបឺតជញ្ជក់ ដែលរិមាណទឹកដោះដំបូងមានត្រឹម ៥-៦ ដំណក់ គឺគ្រប់គ្រាន់សម្រាប់កូនទើបនឹងកើតហើយ។

អត្ថបទពាក់ព័ន្ធ៖ ឱសថទិព្វ ទឹកដោះដំបូងមានតិច តែគុណប្រយោជន៍រាប់មិនអស់

បំបៅដោះកូនHello_គ្រូពេទ្យ

លោកអះអាងថា ទារកទើបនឹងកើត ក្រពះមានត្រឹមប៉ុន ឬតូចជាងមេដៃប៉ុណ្ណោះ។ ដូចនេះកុំបារម្ភថា កូនបៅមិនឆ្អែត ឬគិតថាគ្មានទឹកដោះ បែរជាទិញម្សៅទឹកដោះគោ ឆុងឲ្យកូនបៅជំនួសវិញ។ អនុប្រធានអង្គការ Helen Keller International បានឲ្យដឹងទៀតថា ទារកដែលទើបនឹងកើតបៅប្រហែលពី ៨-១៣ ដង/ថ្ងៃ ហើយម៉ាក់ៗគួរតែព្យាយាមឲ្យកូនបៅដោះរហូតដល់ស៊ាំ។

លោក ហ៊ូ ក្រើន បានបន្តទៀតថា អំឡុងកូនកើតមកភ្លាម ម៉ាក់ៗកុំច្របាច់ទឹកដោះដែលមានពណ៌ថ្លា ឬលឿងចេញឲ្យសោះ ព្រោះថាទឹកដោះពេលនោះ គឺជាទឹកដោះដំបូង សម្បូរសព្វជីវជាតិ មួយវិញទៀតប្រសិនបើម៉ាក់ៗគិតថា កូនមិនចេះបៅ ឬទឹកដោះចេញតិច សូមស្វែងរកជំនួយពីគ្រូពេទ្យភ្លាមៗ។

អត្ថបទពាក់ព័ន្ធ៖ គ្រាន់តែមិនបំបៅកូនដោយទឹកដោះ កម្ពុជាខាតបង់ជាង ៣០០លានដុល្លារ ក្នុង១ឆ្នាំ

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

តិចច្រឡំថាទឹកដោះដំបូង​មានក្រោយកើតកូនរួចទៅ តាមពិតមានតាំងពី...

តិចច្រឡំថាទឹកដោះដំបូងមានក្រោយកើតកូនរួចទៅ តាមពិតមានតាំងពី...