ប្រមាណ ជាង ២ខែមុន ករណីទារកតូចបំផុតលើផែនដី នៅប្រទេសជប៉ុន ទម្ងន់ ២៦៨ក្រាម អាចរស់រានមានជីវិត និងចេញពីមន្ទីរពេទ្យហើយ។ ជាដំណឹងល្អស្រដៀងគ្នានេះ ករណីទារកតូចបំផុតមួយទៀត ទម្ងន់ ២៤៥ក្រាម ប្រហែលប៉ុនផ្លែប៉ោម បានរស់រានមានជីវិត និងចាកចេញពីមន្ទីរពេទ្យនៅអាមេរិក។
ទារកតូចបំផុត ប៉ុនផ្លែប៉ោម មិនសង្ឃឹមរស់ ឥឡូវចេញពីពេទ្យហើយ
ទារិកា ឈ្មោះ Saybie បានសម្រាលនៅមន្ទីរពេទ្យ Sharp Mary Birch ពេលម្ដាយរបស់នាង ពពោះបានត្រឹមតែ ២៣សប្ដាហ៍ប៉ុណ្ណោះ(ជាទូទៅ ៤០សប្ដាហ៍)។ កើតមកភ្លាម ទារិកានេះ មានទម្ងន់ត្រឹម ២៤៥ក្រាម ហើយពេលនោះ ពេទ្យប្រាប់ប៉ារបស់ទារិកាថា លោកមានពេលប្រហែល ១ម៉ោងប៉ុណ្ណោះជាមួយកូនស្រី មុននាងស្លាប់វិញ។ “ប៉ុន្ដែ ១ម៉ោង ទៅជា ២ម៉ោង ទៅជា ១ថ្ងៃ និងទៅជា ១សប្ដាហ៍”។ នេះបើតាមម្ដាយទារិកាលើកឡើងក្នុងវីដេអូ បញ្ចេញដោយមន្ទីរពេទ្យ។
ពេទ្យថា Saybie សម្រាលដោយវះកាត់ នៅខែធ្នូ ឆ្នាំ២០១៨។ ក្រោយសម្រាកនៅមជ្ឈមណ្ឌលថែទាំទារកជាពិសេស រយៈពេល ៥ខែ ទារិកា Saybie ត្រូវអនុញ្ញាតឲ្យចេញទៅផ្ទះ កាលពីថ្ងៃទី២៩ ខែឧសភា ២០១៩។ បច្ចុប្បន្ន Saybie មានទម្ងន់ ២,២៦៧គីឡូក្រាម។
អត្ថបទពាក់ព័ន្ធ៖
- ទារកតូចបំផុតលើផែនដី ចេញពីមន្ទីរពេទ្យហើយ
- ទារកកើតបានប៉ុន្មានម៉ោង ហេតុអីចាំបាច់ធ្វើតេស្តជោះកែងជើង?
តាមសាកលវិទ្យាល័យ Iowa របស់អាមេរិក Saybie ជាទារកតូចបំផុតលើពិភពលោក ដែលនៅរស់រានមានជីវិត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម