ទារកមិនគ្រប់ខែ

ទារកមិនគ្រប់ខែ - កូន​នៅ​តូច​ ទាមទារ​ការ​ថែទាំ​ខ្លាំង​បំផុត ហើយ​រឹង​តែ​ខ្លាំង​ទៀត​បើ​សុខភាព​កូន​មាន​បញ្ហា ឬ​កើត​មក​មិន​គ្រប់​ខែ។ តើ​ផលលំបាក​ណា​ខ្លះ​ដែល​ទារក​កើត​មិន​គ្រប់​ខែ មាន?

ចំណេះដឹងទូទៅ

ទារកមិនគ្រប់ខែ

ម៉ាក់ៗមកដឹងវិធីថែទាំបែបមេតូតកង់ហ្គូរ៉ូ ល្អចំពោះទារកតូចៗ និងមិនគ្រប់ខែ

ក្រោយ​ពី​សម្រាល​រួច​មក​ហើយ ទារក​ចំបាច់​ទាមទារ​ឲ្យ​មាន​ការ​មើល​ថែ​យ៉ាង​យក​ចិត្ត​ទុកដាក់​បំផុត​ពី​ក្រុម​គ្រូពេទ្យ និង​អ្នក​ម្ដាយ​ផ្ទាល់​ ពិសេស​ទារក​តូចៗ ឬ​ទារក​កើត​មក​មិន​គ្រប់​ខែ​ជាដើម។ ក្នុង​ចំណោម​ការ​ថែទាំ​ទារក​មិន​គ្រប់​ខែ​ដទៃ​ទៀត វិធីសាស្ត្រ​ថែទាំ​កូន​តាម​បែប​មេតូត​កង់​ហ្គូរ៉ូ មាន​ភាព​ងាយស្រួល និង​ផ្ដល់​ប្រយោជន៍​ច្រើនដល់​ទារក និង​ម្ដាយ។ អត្ថន័យពណ៌ និងរូបរាងលាមកទារក នៅទីនេះ អ្វី​ទៅ​ជា​ការ​ថែទាំ​ទារក​មិន​គ្រប់​ខែ​តាម​បែប​មេតូតកង់ហ្គូរ៉ូ? វិធី​ថែទាំ​ទារក​តាម​បែប​មេតូត​កង់ហ្គូរ៉ូ ជា​ការ​ថែទាំ​ទារក​តូច ឲ្យ​ប៉ះ​ជាប់​នឹង​ស្បែក​ម្ដាយ ដើម្បី​ឲ្យ​ទារក​ទទួល​កម្ដៅ​ពី​ម្ដាយ។ វិធី​នេះ មាន​ភាព​សាមញ្ញ តែ​មាន​ប្រសិទ្ធភាព​បំផុត សម្រាប់​ជួយ​ម្ដាយ​ដែល​មាន​ទារក​កើត​មិន​គ្រប់​ខែ ឬ​មាន​គីឡូ​តិច​ពី​កំណើត (តិច​ជាង​២៥០០​ក្រាម)។ នេះ​បើ​តាម​ការ​ឲ្យ​ដឹង​ពី​មន្ទីរពេទ្យ កាល់ម៉ែត។ វិធី​ថែទាំ​កូន​តាម​បែប​មេតូត​កង់ហ្គូរ៉ូនេះ អាច​ធ្វើ​បាន​លុះ​ត្រា​តែ​នៅ​ក្នុង​លក្ខខណ្ឌដូច​ខាង​ក្រោម​៖ ១. ទារក​រួច​ផុត​ពី​ជំងឺ​ផ្លូវ​ដង្ហើម ជំងឺ​ឆ្លង និង​រួច​ផុត​ពី​សញ្ញា​គ្រោះ​ថ្នាក់​ដទៃ​ទៀត ២. ម្ដាយ​មិន​មាន​ជំងឺ​ឆ្លង ៣. ម្ដាយ​យល់​ដឹង​ពី​ការ​ធ្វើ​អនាម័យ​ច្បាស់​លាស់ ៤. មាន​ជំនួយ​ពី​ខាង​ក្រុម​គ្រួសារ (ប្ដី ម្ដាយឪពុក ឬ​អ្នក​ជួយ​មើល​ថែកូន…) វិធី​ដាក់​ឲ្យ​ទារក​ប៉ះ​ជាប់​នឹង​ស្បែក​ម្ដាយ – ចំពោះ​ទារក ត្រូវ​ស្លៀក​តែ​ខោ​ទឹកនោម ឬ​កន្ទប មិន​បាច់​ស្លៀក​ពាក់​អាវ ឬ​ខោ​ទេ ប៉ុន្តែ​ត្រូវ​ពាក់​មួក ស្រោម​ជើង និង​ស្រោម​ដៃ ដើម្បី​ជួយ​ការពារ​ការ​បាត់​កម្ដៅ – ចំពោះ​ម្ដាយ ត្រូវ​មាន​អាវ​ជាតិ​អំបោះ​ពាក់​ខាង​ក្នុង​មួយ និង​អាវ​ពី​ក្រៅ​មួយ ហើយ​ម៉ាក់ៗ​ត្រូវ​មាន​អនាម័យ​ខ្លួន និង​ដៃ​ឲ្យ​បាន​ស្អាត បន្ទាប់​មក​៖ ដាក់​ក្បាល​ទារក នៅ​ចន្លោះ​ទ្រូង​ម្ដាយ មុខ​ទារក ត្រូវ​ងាក​មក​ឆ្វេង ឬស្ដាំ ចៀសវាង​មុខ​ផ្អាប់​លើ​ទ្រូង​ម៉ាក់ ជើង​ទាំង​ពីរ​របស់​ទារក ត្រូវ​នៅ​ក្នុង​អាវ​ម្ដាយ​ក្នុង​សភាព​ដូច​កង្កែប។ ចំពោះ​វិធី​ថែទាំ​កូន​តាម​បែប​មេតូត​កង់ហ្គូរ៉ូ​នេះ ផល​ប្រយោជន៍​មិន​តិច​ទេ​ចំពោះ​ទារក […]

ស្វែងរក ទារកមិនគ្រប់ខែ

ទារកមិនគ្រប់ខែ

ប៉ាម៉ាក់​គួរដឹង! កូនកើត​អត់​គ្រប់​ខែ មាន​ជំងឺ​គំរាមកំហែង​ច្រើនយ៉ាង​

នេះ​ជារឿង​គួរ​ឲ្យបារម្ភ​សម្រាប់​ប៉ាម៉ាក់ មាន​បេប៊ី​កើត​មិន​គ្រប់ខែ ហើយ​ករណី​កើត​មិន​គ្រប់ខែ​អាច​ប្រឈម​ផល​វិបាក​ច្រើន​ជាង​អូនៗកើត​គ្រប់​ខែ​ធម្មតា។ ហេតុនេះ បេប៊ី ជា​រឿយៗ​តែង​មាន​បញ្ហា​សុខភាព ធ្វើ​ឲ្យ​ប៉ាម៉ាក់​ពិបាក​ចិត្ត​ជា​ខ្លាំង។ បេប៊ី កើត​មុន​សប្តាហ៍ទី ៣២-៣៤ អាច​មាន​សភាព​បញ្ហា​សុខភាព​មួយ​ចំនួន ប្រែប្រួល​ខុស​ប្លែកគ្នា​ពី​ស្រាល​ទៅ​ធ្ងន់។ ខាង​ក្រោមនេះ គឺ​ជា​សភាព​បញ្ហា​សុខភាព​ខ្លះៗ ឧស្សាហ៍​ឃើញ​មាន​ជា​ញឹកញាប់​ចំពោះ​បេប៊ី​កើត​មិន​គ្រប់​ខែ៖ ១- ជំងឺស្លេកស្លាំង បេប៊ី​កើត​មិនគ្រប់ខែ​ជា​រឿយៗ​មាន​ភាព​ស្លេក​ស្លាំង ព្រោះ​តែ​កង្វះ​កោសិកា​គ្រាប់​ឈាម​ក្រហម។ ធម្មតា ជាតិដែក​ត្រូវ​ស្តុក​រក្សា​ទុក​ក្នុង​អំឡុង​ខែ​ចុងក្រោយ​នៃគភ៌ នឹង​ប្រើប្រាស់​ដើម្បី​បង្កើត​កោសិកា​គ្រាប់​ឈាម​ក្រហម​ក្រោយ​សម្រាល​កូន។ អូនៗ​កើត​ឆាប់​ពេក អាច​នឹង​មិនមាន​ពេល​វេលា​គ្រប់​គ្រាន់​ដើម្បីស្តុកបង្គរ​ទុក​ជាតិ​ដែក​គ្រប់​គ្រាន់ នាំឲ្យ​មាន​ជំងឺ​ស្លេកស្លាំង មាន​ការ​លំបាក​ក្នុង​ការ​ញ៉ាំ​អាហារ និង​លូតលាស់។ កាន់​តែ​ធ្ងន់ធ្ងរ​ខ្លាំង​ឡើង អាច​មាន​បញ្ហា​បេះដូង ឬ​ការ​ដក​ដង្ហើម។ អូនៗ​មាន​ជំងឺ​ស្លេកស្លាំង នឹង​ត្រូវ​ព្យាបាល​ដោយ​អាហារ​បំប៉ន​មាន​ជាតិដែក ថ្នាំប្រើ​ដើម្បី​បង្កើន​ការ​ផលិត​កោសិកា​ឈាម​ក្រហម ឬ​ករណី​ធ្ងន់ធ្ងរ ត្រូវ​បញ្ចូល​ឈាម​តែ​ម្តង។ ២- បាត់ដង្ហើម បេប៊ី​កើត​មិន​គ្រប់​ខែ យូរៗ​ម្តង​ឈប់​ដក​ដង្ហើម​រយៈពេល ១៥ វិនាទី ឬ​អាច​លើស​ពី​នេះ។ ការ​ផ្អាក​ឈប់​ដក​ដង្ហើម គេ​ហៅថា ថប់​ដាច់​ដង្ហើម ហើយ​វាអាច​នឹង​អម​មក​ជាមួយ​ចង្វាក់​បេះដូង​លោត​យឺត។ ករណី​នេះ បេប៊ី ត្រូវ​ពេទ្យ​ត្រួត​ពិនិត្យ​ជាប់រហូត ដើម្បី​រក​មើល​ជំងឺ​ថប់​ស្ទះ​ដង្ហើម។ បើអូនៗ​ឈប់​ដក​ដង្ហើម នោះ​គ្រូពេទ្យ​នឹង​ជួយ​សម្រួល​ឲ្យ​ចាប់ផ្តើម​ដក​ដង្ហើម​វិញ ដោយទះបេប៊ីថើរៗ ឬ​ប៉ះបាត​ប្រអប់​ជើង។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣- ជំងឺរលាកទងសួតរ៉ាំរៃ ជំងឺ​រលាកទង​សួតរ៉ាំរៃ ដូចជា (Bronchopulmonary […]

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស