ប្រាកដហើយថា អ្នកចង់ចាកចេញ?
១- កូនចេះអីខ្លះ?
អូនតូចអាចខ្លាច ភ័យហើយយំពេលឮសំឡេងខ្លាំងភ្លាមៗម៉ាទំហឹងៗ ឬយើងនិយាយលេងថា យំដូចរន្ទះ។ ពេលខ្លះចន្លោះខែទី១៥-១៨ អាអូនឈប់ចង់គេងពេលព្រឹកហើយ គេគេងតែថ្ងៃជំនួស។ ដំបូងពួកគេអាចគេងពេលថ្ងៃយូរជាងធម្មតាដែលធ្វើឲ្យពេលយប់លែងងងុយគេង។ដូចនេះ យើងត្រូវឆាប់ដាស់កូនពេលគេងថ្ងៃយូរ។
២- បង្រៀនកូនបែបណា?
កូនខ្លាចច្រើនជាងមុន ចឹងត្រៀមលួងលោម ឬឱប ច្រៀងបំពេ ឬបង្រៀនគេឲ្យយកដៃខ្ទប់ត្រចៀកពេលឮសំឡេងខ្លាំង។ ពេលដឹងពីប្រភពសំឡេង និងដឹងថាវាមិនធ្វើឲ្យកូនឈឺ អាអូននឹងឈប់ខ្លាចហើយ។ ការគេងពេលយប់របស់កូនប្រហែលអត់បញ្ហាអីទេ បើយើងបង្កើតទម្លាប់បាន។ ល្បាក់ ២០ -៣០នាទីជារយៈពេលមួយដ៏ល្អសម្រាប់ឲ្យកូនគេងលក់។
ទោះដល់អាយុអាអូនឈប់គេងព្រឹកពិតមែន តែគេនៅត្រូវការការសម្រាកបន្ថែម។ គួររៀបចំ ឬត្រៀមអាហារសម្រន់ ស្តាប់ចម្រៀង មើលសៀវភៅ គេងលេងបន្ថែម ឬគេងលេង។ កុំដឹកអាអូនចេញក្រៅផ្ទះ ប្រយ័ត្នតែគេគេងលក់ អត់បានគេងថ្ងៃ ហើយចាប់ផ្តើមរករឿងនៅល្ងាច ឬយប់។
៣- ពិភាក្សាជាមួយពេទ្យរឿងអីខ្លះ?
មើលទៅមិនស្រួល ត្រូវប្រញាប់ប្រាប់គ្រូពេទ្យ។ បើកូនសុខភាពល្អធម្មតាទេ ចាំពេលដល់ថ្ងៃណាត់ ចាំទៅជួបពេទ្យ។ អាអូនអាចខ្លាចគ្រូពេទ្យដោយសារតែ ពួកគេធ្លាប់ចាក់វ៉ាក់សាំង(ខ្លាចម្ជុល)។ ម៉ាក់ប៉ាអាចប្រើគន្លឹះខាងក្រោមបើមានករណីនេះ៖
– បន្លប់កូនពេលត្រូវចាក់ថ្នាំ
– យករបស់លេងដែលគេចូលចិត្តទៅជាមួយ
– ជួបជាមួយគ្រូពេទ្យពីមុន(ទៅពេទ្យធ្លាប់ទៅ) ព្រោះកូនធ្លាប់បានស្គាល់ និងទម្លាប់ជាមួយបរិស្ថានជុំវិញ
– កុំប្រញាប់ទៅដល់មន្ទីរពេទ្យ ចាំជិតដល់ម៉ោងចាំទៅ
– ព្យាយាមលេងជាមួយកូនឲ្យបានច្រើនដើម្បីកុំឲ្យពួកគេខ្លាច។
៤- ត្រូវដឹងពីអីខ្លះ?
ក្នុងអំឡុងខែទី ១៦ មិនចាំបាច់ឲ្យកូនគេងពេលព្រឹកទៀតទេ គ្រាន់តែឲ្យអាហារសម្រន់ និងការគេងពេលថ្ងៃគឺគ្រប់គ្រាន់ហើយ។ ឆាប់ឲ្យកូនៗគេងពេលថ្ងៃដើម្បីកុំឲ្យប៉ះពាល់ដល់ការគេងពេលយប់។ តែគេងអត់ឆ្អែត ដឹងតែមួម៉ៅ រករឿងម៉ាក់ផ្ដាំទៀតមិនខាន។
៥- រឿងអីខ្លះគួរបារម្ភ?
ម៉ាក់ប៉ាប្រាកដជាបារម្ភហើយថាតើគួរឲ្យកូនមើលទូរទស្សន៍ លេង iPad ឬទូរសព្ទ ច្រើនប៉ុណ្ណា។ បើយោងតាម American Academy of Pediatrics (AAP) មិនណែនាំឲ្យក្មេងលេងជាមួយឧបករណ៍អេឡិចត្រូនិកទាំងអស់នោះទេ រហូតដល់កូន អាយុ២ឆ្នាំ។
យ៉ាងណាមិញការលេងតិចតួចគឺគ្មានផលប៉ះពាល់អ្វីទេ តែមិនត្រូវបណ្ដោយឲ្យកូនញៀនរបស់ទាំងនោះ។ អ្វីដែលគួរធ្វើគួរជំរុញកូនឲ្យលេងក្រៅផ្ទះ ដូចជា លេងបាល់ ហែលទឹក រត់លេងនៅទីធ្លា ឬចាក់ចម្រៀងឲ្យគេច្រៀង ឬរាំតាម។
ការអានសៀវភៅក៏ល្អដែរ។ កូនៗនឹងរៀនបានអ្វីៗថ្មីជាច្រើនពីសកម្មភាពទាំងនោះ ដែលល្អជាងទូរទស្សន៍ឆ្ងាយណាស់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
BabyCenter Medical Advisory Board. Growth charts: Understanding the results http://www.babycenter.com/0_growth-charts-understanding-the-results_11217.bc?page=2. Accessed date 03/06/2015.
BabyCenter Medical Advisory Board. The flu vaccine for children http://www.babycenter.com/0_the-flu-vaccine-for-children_1463462.bc. Accessed date 03/06/2015.
BabyCenter Medical Advisory Board. The lowdown on children’s vitamins http://www.babycenter.com/0_the-lowdown-on-childrens-vitamins_64355.bc?showAll=true. Accessed date 03/06/2015.
Parents say: How to make doctor visits and shots easier for your toddler http://www.babycenter.com/0_parents-say-how-to-make-doctor-visits-and-shots-easier-for-y_12159.bc#articlesection2. Accessed date 03/06/2015.
16-Month-Old Child http://www.whattoexpect.com/toddler/16-month-old.aspx. Accessed date 03/06/2015.
