បច្ចេកវិទ្យាជឿនលឿន ម៉ាក់ប៉ាៗសម័យទំនើបបានជ្រើសរើសយកទឹកបរិសុទ្ធល្អៗដែលមានតម្លៃថ្លៃៗ ឬទឹកដែលមានជាតិរ៉ែច្រើន យកមកឆុងទឹកដោះគោកូន ដោយគិតថា ធ្វើបែបនេះកូនតូចនឹងឆាប់លូតលាស់ មានសុខភាពរឹងមាំ បញ្ញាឆ្លាតវាងវៃ។
ប្រើទឹកសុទ្ធថ្លៃៗ មានជាតិរ៉ែខ្ពស់ឆុងទឹកដោះគោ ធ្វើឲ្យកូនឆ្លាត?
បើតាមការពន្យល់ពីវេជ្ជបណ្ឌិត ញឹប អង្គាបុស្ស ប្រធានមន្ទីរពេទ្យកុមារជាតិ ការគិតដូច្នេះមិនត្រឹមត្រូវឡើយ សំខាន់គឺទឹកស្អាត អត់មានមេរោគ។ “ទឹកឆុងទឹកដោះគោកូនអត់ទាមទារទឹកមានជាតិរ៉ែច្រើនទេ ឲ្យតែទឹកស្អាត ដាំពុះ អត់មានជាតិអាសេនិក”។
មានរឿងសំខាន់មួយទៀតដែលម៉ាក់ប៉ាគួរតែដឹង ទាក់ទងនឹងការប្រើទឹកសុទ្ធដែលច្រកក្នុងដបជ័រ បើទឹកនោះដឹកជញ្ជូន ឬទុកដាក់មិនបានត្រឹមត្រូវ ដោយទុកឲ្យត្រូវកម្តៅថ្ងៃ រួចយកមកឆុងទឹកដោះឲ្យកូនញ៉ាំ នោះរឹតតែគ្រោះថ្នាក់ចំពោះសុខភាពក្មេងទៀត។ “ទឹកច្រកក្នុងដបជ័រ កាលណាយើងដឹកជញ្ជូនផ្លូវឆ្ងាយ ហើយទុកឲ្យត្រូវកម្តៅថ្ងៃ នោះសារធាតុគីមីបានចេញពីដបចូលក្នុងទឹក ដល់យើងប្រើទឹកហ្នឹងឆុងទឹកដោះគោឲ្យកូនញ៉ាំគ្រោះថ្នាក់ជាងយើងឆុងទឹកដាំពុះដាក់ក្នុងកំសៀវទៀត”។ លោកប្រធានមន្ទីរពេទ្យកុមារជាតិបញ្ជាក់បន្ថែម។
អត្ថបទពាក់ព័ន្ធ៖ ចេះរបៀបឆុងម្សៅទឹកដោះគោត្រឹមត្រូវ ទើបអូនៗមិនសូវឈឺ
ដើម្បីឲ្យកូនតូចលូតលាស់បានល្អ មិនខ្សោយបញ្ញាស្មារតី លោកវេជ្ជបណ្ឌិតបានណែនាំថា គ្មានអ្វីល្អជាងទឹកដោះម្តាយទេ ហោចណាស់យើងគួរបំបៅដោះកូនឲ្យបានយ៉ាងតិច ៦ ខែ ត្រូវយកកូនទៅចាក់ថ្នាំបង្ការ (វ៉ាក់សាំង) ឲ្យបានគ្រប់មុខតាមពេលកំណត់ និងត្រូវមានអនាម័យក្នុងការចិញ្ចឹមកូន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម