ជាទូទៅអូនតូចៗមិនគួរញ៉ាំទឹករហូតទាល់តែពួកគេមានអាយុ ៦ ខែព្រោះនៅក្នុងអំឡុងពេលនេះពួកគេអាចទទួលជាតិទឹកដែលត្រូវការតាមរយៈទឹកដោះ ម៉ាក់ៗឬទឹកដោះគោ ទោះបីជាស្ថិតក្រោមអាកាសធាតុក្ដៅក៏ដោយ។ នៅពេលដែលអូនតូចៗមានអាយុ ៦ ខែ ប៉ាម៉ាក់អាចឲ្យញ៉ាំទឹកនៅពេលដែលកូនស្រេក ប៉ុន្តែហាមឲ្យច្រើនពេកព្រោះអាចធ្វើឲ្យអូនៗឈឺពោះឬធ្វើឲ្យពួកគេមិនឃ្លានអាហារ។ នៅពេលបានអាយុមួយខួប អូនតូចៗអាចញ៉ាំរបស់រឹង និងញ៉ាំទឹកដោះគោសុទ្ធបានហើយ នោះម៉ាក់ៗក៏អាចឲ្យអូនតូចៗញ៉ាំទឹកតាមចិត្តចង់បានដែរ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
កូនអាយុប៉ុន្មានទើបអាចឲ្យញ៉ាំទឹករ៉ែបាន? ពិតជាមានប្រយោជន៍ដល់កូន?
ហេតុអ្វីបានជាមិនត្រូវឲ្យអូនតូចៗអាយុ៦ខែ និងតិចជាងនេះញ៉ាំទឹក?
ការផ្ដល់ទឹកឲ្យអូនតូចៗដែលមានអាយុតិចជាង ៦ ខែក្នុងបរិមាណទឹកលើសលុបអាចប៉ះពាល់ដល់សមត្ថភាពរាងកាយក្នុងការស្រូបយកសារធាតុចិញ្ចឹមពីការបំបៅដោះ ឬទឹកដោះគោ។ ម៉្យាងទៀត ការឲ្យអូនតូចៗញ៉ាំទឹកនៅអាយុតិចជាង ៦ ខែ ក៏អាចឲ្យពួកគេណែនពោះធ្វើឲ្យមិនឃ្លានអាហារ។ ក្នុងករណីខ្លះអូនតូចៗដែលញ៉ាំទឹកច្រើនពេកអាចធ្វើឲ្យពុលជាតិទឹកជាលទ្ធផលឲ្យមានការប្រកាច់ និងសន្លប់ក៏ថាបាន។ ការពុលជាតិទឹកកើតឡើងនៅពេលបរិមាណទឹកលើសលុបលាយជាមួយកំហាប់សារធាតុសូដ្យូមក្នុងរាងកាយដែលទៅបង្អាក់ដល់អតុល្យភាពអេឡិចត្រូលីត្រ និងធ្វើឲ្យជាលិកាប៉ោងហើម។
អត្ថបទពាក់ព័ន្ធ៖
- ទឹករ៉ែ ខុសពីទឹកធម្មតាម៉េចខ្លះ? ម៉េចបានអ្នកមានផឹកជាប្រចាំ?
- ផឹកទឹកភ្លៀងមានគុណប្រយោជន៍ និងប៉ះពាល់អីខ្លះ?
- ក្មេងៗគួរផឹកភេសជ្ជៈទៅតាមវ័យ ទើបជួយឲ្យសុខភាពល្អ
តើអាចលាយទឹកជាមួយម្សៅទឹកដោះគោបានទេ?
ចម្លើយគឺទេមួយម៉ាត់យ៉ាងខ្លី។ ហាមព្យាយាមលាយម្សៅទឹកដោះគោមួយទឹក។ ត្រូវយកចិត្តទុកដាក់ដោយធ្វើតាមការណែនាំក្នុងការឆុងម្សៅទឹកដោះគោ និងប្រើប្រាស់នូវបរិមាណទឹកដែលបានណែនាំ។ ការថែមទឹកច្រើនពេកទៅក្នុងម្សៅទឹកដោះគោមិនត្រឹមតែធ្វើឲ្យមានហានិភ័យនៃការពុលជាតិទឹកប៉ុណ្ណោះទេ ហើយក៏អាចរារាំងរាងកាយមិនឲ្យទទួលបានសារធាតុចិញ្ចឹមពីម្សៅទឹកដោះគោផងដែរ។
តើគួរធ្វើដូចម្ដេចប្រសិនបើអូនតូចៗខ្វះជាតិទឹក?
ក្នុងករណីខ្លះប្រសិនបើអូនតូចៗមានជំងឺរលាកក្រពះ ពោះវៀន គ្រូពេទ្យនឹងណែនាំឲ្យអូនតូចៗញ៉ាំទឹកអេឡិចត្រូលីត្រដូចជា Pedialyte ឬ Infalyte ដើម្បីជួយបង្ការកង្វះជាតិទឹក។
អត្ថបទពាក់ព័ន្ធ៖
- ក្មេងតូចទើបចេះដើរ គួរផឹកទឹកមួយថ្ងៃប៉ុន្មានទើបល្អ?
- ប្រើទឹកសុទ្ធថ្លៃៗ មានជាតិរ៉ែខ្ពស់ឆុងទឹកដោះគោ ធ្វើឲ្យកូនឆ្លាត?
តើអូនតូចៗអាចញ៉ាំទឹកកាបូណាត ឬទឹករ៉ែធម្មជាតិបាននៅពេលណា?
គ្រូពេទ្យបានធ្វើការណែនាំឲ្យចាំរហូតទាល់អូនតូចៗមានអាយុហោចណាស់ ២ ឆ្នាំ។ ជាតិរ៉ែដែលមានក្នុងទឹករ៉ែធម្មជាតិជាទូទៅគឺជាសារធាតុសូដ្យូម កាល់ស្យូម និងរ៉ែផ្សេងៗ។ ធាតុផ្សំជាក់លាក់គឺអាស្រ័យទៅលើដំណាក់កាលក្នុងការផលិតដ៏ជាក់លាក់មួយ។ ដូច្នេះ ពិតជាពិបាកបែងចែកនូវអ្វីដែលអូនៗទទួលបាន។ ទឹករ៉ែខ្លះអាចមានសារធាតុសូដ្យូមជ្រុល និងសារធាតុរ៉ែផ្សេងទៀតដែលប្រព័ន្ធភាពស៊ាំ តម្រងនោមរបស់ក្មេងមិនអាចទទួលយកបាន។ ទឹកកាបូណាតគឹមិនសក្ដិសមនោះទេព្រោះវាធ្វើឲ្យអូនៗឧស្សាហ៍មានអាការៈខាកស្ដោះ និងភើព្រមទាំងឈឺពោះ និងមិនស្រួលខ្លួន។
ក្រោយគម្រប់ខួប ២ ឆ្នាំហើយ អូនតូចៗអាចញ៉ាំទឹកជាតិរ៉ែម្ដងម្កាលបានព្រោះតម្រងនោមពួកគាត់បានធំធាត់ដើម្បីតទល់ជាមួយជាតិរ៉ែ ដែលមកបំពេញហើយ។ ប៉ុន្តែក៏មិនត្រូវជឿពេកដែរទៅលើការផ្សាយពាណិជ្ជកម្មដែលថាជាតិរ៉ែមានអត្ថប្រយោជន៍ច្រើនសម្រាប់កុមារតូចៗ។ វាគ្មានគុណសម្បត្តិច្បាស់លាស់លើសពីទឹកធម្មតានោះទេ ហើយសុវត្ថិភាពក៏មិនធានាបានដែរ។
ចំណែកភេសជ្ជៈកាបូណាត (ទឹកមានជាតិហ្គាស) ក៏មិនល្អសម្រាប់សុខភាពអូនតូចៗនោះទេ សូម្បីក្រោយអាយុ២ឆ្នាំក៏ដោយព្រោះសារធាតុកាបូណាតអាចធ្វើឲ្យឈឺពោះគ្រប់វ័យទាំងអស់។ នៅពេលដែលអូនតូចៗមានភាពសុខស្រួលក្នុងការញ៉ាំទឹកកាបូណាតហើយពួកគេនឹងមានទំនោរចង់ញ៉ាំតែទឹកកាបូណាត ឬសូដាដែលភេសជ្ជៈទាំងនេះរួមបញ្ចូលនូវបរិមាណច្រើននៃសារធាតុសូដ្យូម ស្ករ រសជាតិសប្បនិម្មិត ឬសារធាតុគីមីដែលអាចមានគ្រោះថ្នាក់ផ្សេងទៀត។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
When can babies drink water? http://www.babycenter.com/404_when-can-babies-drink-water_1368488.bc. Accessed January 9, 2017.
When can my baby drink carbonated or mineral water. http://www.babycenter.com/404_when-can-my-baby-drink-carbonated-or-mineral-water_1368487.bc Accessed January 9, 2017.