home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

កូនតូចនិយាយពាក្យអសុរោះ ប៉ាម៉ាក់ត្រូវដោះស្រាយម៉េច?​

កូនតូចនិយាយពាក្យអសុរោះ ប៉ាម៉ាក់ត្រូវដោះស្រាយម៉េច?​

ប៉ាម៉ាក់​អាច​ចម្លែក​ចិត្ត​បើ​យើង​មិន​ដែល​ប្រើ​ពាក្យ​អាក្រក់ អសុរោះ ឬ​ពាក្យ​​ជេរ​ នៅ​ក្នុង​គ្រួសារ​ តែ​កូន​តូច​របស់​យើង​បែរជា​ចេះជេរ​យើង ឬ​អ្នក​ដទៃ​ទៅ​វិញ។ ធម្មតា​ក្មេង​​អាច​មិន​ដឹង​ថា​ពាក្យ​ដែល​គេ​កំពុង​ប្រើជា​ពាក្យ​អាក្រក់ ឬជា​ពាក្យ​ក្នុង​ន័យ​ជេរ នរណា​ម្នាក់​នោះ​ទេ ទំនងជា​គេ​គិត​ថា​ជា​ពាក្យ​ថ្មី ឬ​ទើប​បាន​ឮ ហើយ​ក៏​យក​មក​ប្រើ​។ ដូច​នេះ ប៉ា​ម៉ាក់​ត្រូវ​ដឹង​តិច​និក​មួយ​ចំនួន​នេះ​ដើម្បី​អប់​រំ​កូន​កុំ​ឲ្យ​ប្រើ​ពាក្យ​មិន​ល្អ អសុរោះ​​​ទាំងនេះ។

.កុំទាន់​ប្រតិកម្ម​នឹង​កូន​ភ្លាមៗ​

ពេល​កូន​យើង​ប្រើ​ពាក្យ​ជេរ​ ឬ​អសុរោះ​ក្នុង​កាលៈទេសៈ​ណាមួយ ទំនង​ជាកូន​គិតថា៖

  • វាជា​ពាក្យ​ថ្មី កំប្លែង​ គួរឲ្យ​ចង់និយាយ
  • កូន​អាច​បង្ហាញ​ពី​អារម្មណ៍​ខឹង ដោយ​បាន​ឃើញ​មនុស្ស​ធំ​ធ្វើ​ដូច​នេះពេល​មាន​អារម្មណ៍​មិន​ល្អ​ ឬ​ខឹង​។
  • កូន​ចង់បាន​ការ​យក​ចិត្ត​ទុក​ដាក់​ពី​មនុស្ស​ធំ

បើ​កូន​យើង​ប្រើ​ពាក្យ​មិន​សមរម្យ អសុរោះ​ដើម្បី​បាន​ការ​យក​ចិត្ត​ទុក​ដាក់ ម៉ាក់ៗ​កុំ​ទាន់​ឆ្លើយ​តប​ទៅ​កូន​ភ្លាមៗ​​ ការ​ធ្វើ​ដូច​នេះ​អាច​ធ្វើ​ឲ្យ​កូន​ឈប់​និយាយ​ពាក្យ​មិន​ល្អ​ទៀត និង​ធ្វើ​ឲ្យ​កូន​ដឹង​ថា​ការ​ប្រើ​ពាក្យ​មិន​ល្អ មិន​មែន​ជា​វិធី​ទទួល​បាន​ការ​ចាប់​អារម្មណ៍​នោះ​ទេ​។

. សួរ​កូន​​ដោយ​ចិត្ត​ត្រជាក់​ថា​ម៉េច​បាន​ប្រើ​ពាក្យ​នេះ?

បន្ទាប់​ពី​យើង​ធ្វើ​មិន​ដឹង​មិន​ឮ​នឹង​ពាក្យ​នេះ​រួច​​ហើយ យើង​ក៏​គួរ​ចាប់​ផ្ដើម​សួរ​កូន​ថា​ហេតុអ្វី​បានជា​កូន​និយាយ​ពាក្យ​មិន​ល្អ​ទាំង​នេះ។ ប៉ាម៉ាក់​កុំ​សួរ​សំណួរ​ដោយ​ត្រង់ៗ​ពេក​អី ដោយ​អាច​សួរ​កូន​ថា​ «កូន​មាន​អារម្មណ៍​យ៉ាង​ម៉េច បាន​ជា​និយាយ​ពាក្យ​មិន​ល្អ​ចេញ​មក?»​

ចម្លើយ​របស់​កូន​អាច​នឹង​ថា​ព្រោះ​តែ​គិត​ថា​គេ​ចូល​ចិត្ត​ពាក្យ​ហ្នឹង ស្ដាប់​ទៅ​ដូច​ចង់​និយាយ​តាម ឬ​ក៏​គេ​មាន​អារម្មណ៍​ខឹង​ជា​ដើម​។​

. ទទួល​យក​ចម្លើយ​រ​បស់​កូន និង​ផ្ដល់​ដំណោះ​ស្រាយ

បន្ទាប់​ពី​ដឹង​ពី​មូល​ហេតុ​ដែល​កូន​និយាយ​ពាក្យ​មិន​ល្អ​ហើយ យើង​គួរ​តែ​រក​វិធី​​​ប្រាប់​កូនឲ្យ​ចេះ​ប្រើ​ពាក្យ​សមរម្យ​និយាយ​ជំនួស​វិញ​។

បើសិនជា​កូន​គិត​ថា​ពាក្យ ជេរ អសុរោះ ជា​ពាក្យ​គួរ​ឲ្យ​ចង់​និយាយ យើង​គួរ​តែ​ប្រាប់​កូន​ថា​ពាក្យ​ទាំងនោះ​ជា​ពាក្យ​សម្រាប់​តែ​មនុស្ស​ធំ​ប្រើ​ប៉ុណ្ណោះ។ ត្រង់​ចំណុច​នេះ យើង​មិន​បាច់​ពន្យល់​វែង​ឆ្ងាយ​ក៏​បាន​ ព្រោះ​ថា​ក្មេង​តូចៗ​មិន​សូវ​ជា​យល់​បាន​ច្រើនទេ បើ​យើង​ពន្យល់​ស្មុគ​ស្មាញ​ពេក​។

និយាយពាក្យ​មិនល្អ

ប៉ុន្តែ​បើ​កូន​យើង​ប្រើ​ពាក្យ ជេរ​ ព្រោះតែ​ពួកគេ​ខឹង យើង​គូរ​លើក​ទឹក​ចិត្ត​ឲ្យ​កូន​និយាយ​ពាក្យ​សមរម្យ​ជំនួស​វិញ ដោយ​អាច​ប្រាប់​ថា​ពេល​កូន​ខឹង កូន​គួរ​និយាយ «ខ្ញុំ​មាន​អារម្មណ៍​ខឹង​ ព្រោះ…» ជា​ដើម។​

ដោយ​ឡែក​បើ​កូន​ប្រើ​ពាក្យ​មិន​ល្អ ឬ​ជេ​រ​នរណា​ម្នាក់ យើង​ក៏​ត្រូវ​តែ​ប្រាប់​កូន​កុំ​ឲ្យ​និយាយ​ពាក្យ​នេះ​ដែរ​ ដោយ​អាច​ពន្យល់​កូន​ថា​ការ​ជេរ​ ឬ​ប្រើ​ពាក្យ​អសុរោះ​លើ​​អ្នក​ដទៃ​ ស្មើ​នឹង​​យើង​ធ្វើ​ឲ្យ​គេ​ឈឺ​ចាប់​ ជា​ដើម​។

. ហាម​ប្រើពាក្យ​អសុរោះ​ក្នុង​ផ្ទះ

កូន​តូច​អាច​នឹង​ងាយ​ស្រួល​ណែនាំ​មិន​ឲ្យ​និយាយ​ពាក្យ​អសុរោះ បើ​នៅ​ក្នុង​ផ្ទះ​មាន​ទម្លាប់​មិន​នេះ​និយាយ​ពាក្យ​ទាំងនេះ មិន​ថា​ចាស់ ឬ​ក្មេង​។ មួយ​វិញ​ទៀត​ យើង​អាច​ប្រាប់​កូន​ពី​ពាក្យ​អសុរោះ​មួយ​ចំនួនដែល​កូន​បាន​ឮ​ពីខាង​ក្រៅ ឬ​ពាក្យ​អសុរោះ​ផ្សេង​ទៀត ​ដល់​កូន​បាន​ដឹង និង​ប្រាប់​កូន​មិន​ឲ្យ​ប្រើ​ពាក្យ​ទាំង​នេះ មិន​ថា​នៅ​ទី​ណា​ក៏​ដោយ​។

. លើក​សរសើរ​កូន​

ប៉ាម៉ាក់​កុំ​ភ្លេច​និយាយ​សរសើរ​កូន នៅ​ពេល​ណាមួយ​កូ​ន​ចេះ​ប្រើ​ពាក្យ​សមរម្យ​ក្នុង​ការ​បង្ហាញ​អារម្មណ៍​។ យើង​ត្រូវ​ពន្យល់​កូន​បន្ថែម​ដែរ ថា​កូន​អាច​និយាយ​ពាក្យ​សមរម្យ ដើម្បី​បង្ហាញ​អារម្មណ៍​បាន មិនមែន​មាន​តែ​ពាក្យ​អសុរោះ​នោះ​ទេ ពេល​យើង​ចង់​បង្ហាញ​អារម្មណ៍​ក្រោធ​ខឹង​ចេញ​មក​ក្រៅ​នោះ​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://hellodoctor.com.ph/parenting/preschooler/growth-development-preschooler/stop-child-saying-bad-words/


អត្ថបទពាក់ព័ន្ធ


រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ 10/12/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x