ក្នុងចំណោមជំងឺឆ្លង និងមិនឆ្លង ជំងឺផ្លូវដង្ហើមលើកុមារនៅតែឈរលើលំដាប់ទី១ ក្នុងនោះមានដូចជារលាកបំពង់ក រលាកសួត រលាកច្រមុះជាដើម។ នេះបើតាមតួលេខកុមារឈឺដែលមកសម្រាក និងព្យាបាលនៅមន្ទីរពេទ្យកុមារជាតិ។
ម៉ាក់ប៉ាត្រូវប្រយ័ត្ន! ជំងឺផ្លូវដង្ហើមលើកុមារនៅតែឈរលំដាប់លើគេ
នាយកមន្ទីរពេទ្យកុមារជាតិ លោកវេជ្ជបណ្ឌិត ញឹប អង្គាបុស្ស ថា ជំងឺផ្លូវដង្ហើមនៅតែឈរនៅលំដាប់ទី១ ដោយសារតែក្មេងមានប្រព័ន្ធភាពស៊ាំខ្សោយ បន្ទាប់មកទៀតមានជំងឺក្រពះ-ពោះវៀន ជំងឺគ្រុនឈាម និងជំងឺផ្សេងៗទៀត។ លោកថា បច្ចុប្បន្នមានក្មេងឈឺមកសម្រាកព្យាបាលនៅមន្ទីរពេទ្យកុមារជាតិចំនួនប្រមាណជាង ៤០០ នាក់។
១- មូលហេតុបង្កឲ្យមានជំងឺផ្លូវដង្ហើម
កុមារអាយុក្រោម ២ ឆ្នាំ ងាយនឹងមានជំងឺរលាកផ្លូវដង្ហើម។ ជំងឺនេះបណ្តាលមកពីពពួកវីរុស និងបាក់តេរីឆ្លងតាមរយៈផ្លូវដង្ហើម និងកត្តាអាកាសធាតុ។ ក្មេងៗដែលប្រឈមកើតជំងឺនេះមាន ក្មេងកើតមិនគ្រប់ខែ មិនគ្រប់គីឡូ មានប្រព័ន្ធការពារខ្សោយ ឬក្មេងដែលខ្វះអាហារូបត្ថម្ភ ពិសេសក្មេងដែលញ៉ាំទឹកគោម្សៅ។
២- រោគសញ្ញាជំងឺផ្លូវដង្ហើម
ជំងឺផ្លូវដង្ហើមមានច្រើនសណ្ឋាន និងមានរោគសញ្ញាមួយចំនួនដូចគ្នា ឯមួយចំនួនទៀតខុសគ្នា។ រោគសញ្ញាទាំងនោះមានដូចជា៖
– ក្តៅខ្លួន
– ហៀរសំបោរ
– ឈឺបំពង់ក
– ក្អក
– ចង្អោរ ក្អួត
– ឈឺពោះ
– អស់កម្លាំង
– ឈឺចុកចាប់សាច់ដុំ
– ដង្ហក់
– ដកដង្ហើមញាប់។
អត្ថបទពាក់ព័ន្ធ៖ កំហុសឆ្គង ៣ យ៉ាងធ្វើឲ្យកូនឈឺញឹក តែម៉ាក់ប៉ាមិនសូវចាប់អារម្មណ៍
៣- វិធីបង្ការជំងឺផ្លូវដង្ហើម
ជំងឺផ្លូវដង្ហើមត្បិតតែមិនធ្ងន់ធ្ងរ តែបើម៉ាក់ប៉ាបណ្តែតបណ្តោយ មិនយកទៅពេទ្យទាន់ពេលទេនោះ ជំងឺនឹងវិវត្តទៅជាធ្ងន់ធ្ងរបាន។ ចំពោះវិធីបង្ការមិនឲ្យកូនតូចមានជំងឺផ្លូវដង្ហើម គឺការអនាម័យក្នុងការរស់នៅ ត្រូវបំបៅកូនដោយទឹកដោះឲ្យបានយ៉ាងតិច ៦ខែ និងឲ្យកូនញ៉ាំអាហារមានជីវជាតិ។
អត្ថបទពាក់ព័ន្ធ៖ ៦ ចំណុច ការពារកូនតូចមិនឲ្យឈឺនៅខែភ្លៀង
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម