ប្រព័ន្ធរំលាយអាហារមានសុខភាពល្អមិនត្រឹមតែអាចជួយធ្វើឲ្យអារម្មណ៍ របស់កូនអ្នកប្រសើរឡើងប៉ុណ្ណោះទេ តែថែមទាំងជួយដល់ការអភិវឌ្ឍខួរក្បាល និងសុខភាពរាងកាយទៀតផង។ ស្វែងយល់អំពីភាពអស្ចារ្យនៃក្រពះពោះវៀនសុខភាពល្អ និងអត្ថប្រយោជន៍ផ្សេងៗសម្រាប់កូនអ្នកដូចខាងក្រោម។
ម៉ាក់ៗដឹងទេ ក្រពះពោះវៀនកូនអស្ចារ្យជាងអ្វីដែលអ្នកគិត?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
-ប្រព័ន្ធ GI (ក្រពះពោះវៀន) ដែលមានដំណើរការប្រក្រតីអាចរំលាយអាហារ និងស្រូបយកសារធាតុចិញ្ចឹមប្រកបដោយប្រសិទ្ធភាព ផ្តល់ថាមពល និងសារធាតុចិញ្ចឹមទាំងអស់ដែលរាងកាយត្រូវការ ខណៈពេលដែលបញ្ចេញកាកសំណល់ចោលបានទៀងទាត់។¹
-70% នៃកោសិកាការពាររាងកាយប្រមូលផ្តុំនៅក្នុងក្រពះពោះវៀន បង្កើតបានជាប្រព័ន្ធការពាររាងកាយជាក់លាក់មួយ។²
-100 លានកោសិកាសរសៃប្រសាទរស់នៅក្នុងក្រពះពោះវៀន ផលិតសារធាតុបញ្ជូនរំញោចផ្សេងៗដែលជះឥទ្ធិពលទៅលើអារម្មណ៍ និងភាពឆ្អែត។³
១. ផាសុកភាពប្រព័ន្ធរំលាយអាហារ
ផាសុកភាពប្រព័ន្ធរំលាយអាហាររបស់កូនអ្នកពិតជាសំខាន់ណាស់។ ដូច្នេះហើយក្រពះពោះវៀនក៏ចំាបាច់ត្រូវមានសុខភាពល្អ ដើម្បីអាចរំលាយអាហាររបស់កូនអ្នកញុំា ឲ្យទៅជាថាមពល និងស្រូបយកសារធាតុចិញ្ចឹមប្រកបដោយប្រសិទ្ធភាព។ ក្រពះពោះវៀនសុខភាពល្អ កូនអ្នកនឹងកាត់បន្ថយអាការៈរាក និងឈឺពោះ យំមួម៉ៅ ហើយអ្វីដែលសំខាន់នោះ គឺបញ្ហាប្រព័ន្ធរំលាយអាហារនឹងមិនបានគេងយប់។
២. ការបឺតស្រូបសារធាតុចិញ្ចឹមបានល្អ
ការស្រូបយកសារធាតុចិញ្ចឹមបានខ្ពស់ ធានាកូនអ្នកនឹងទទួលបានសារធាតុចិញ្ចឹមទាំងអស់ដែលរាងកាយត្រូវការ ។
តើកូនអ្នកបានទទួលយកសារធាតុចិញ្ចឹមចាំបាច់ទាំងអស់ហើយឬនៅ?
៣. ពោះវៀនដំណើរការល្អ
ពោះវៀនមានសុខភាពល្អ កូនអ្នកអាចរីករាយនឹងការបន្ទោរបង់ដ៏ទៀងទាត់ ហើយរួមជាមួយលាមកទន់។ ប្រភេទអាហារដែលកូនរបស់អ្នកញ៉ាំអាចផ្លាស់ប្តូរយ៉ាងខ្លាំងនូវរូបរាងរបស់លាមក។ តាមពិត ពោះវៀនដំណើរការប្រចាំថ្ងៃរបស់កូនអ្នកគឺជាសញ្ញាបង្ហាញពីសុខភាពទូទៅរបស់កូន និងសុខភាពពោះវៀន។ សញ្ញាបង្ហាញពីលាមកកូន។ តើលាមកកូនអ្នកបង្ហាញពីសុខភាពរបស់កូនអ្នកយ៉ាងណាដែរ?
៤. ប្រព័ន្ធការពាររាងកាយរឹងមាំ
តើអ្នកដឹងទេថា ៧០% នៃកោសិកាការពាររាងកាយប្រមូលផ្តុំនៅក្នុងក្រពះពោះវៀន បង្កើតបានជាប្រព័ន្ធការពាររាងកាយជាក់លាក់មួយ² ?
អ្វីដែលគួរចាប់អារម្មណ៍នោះ គឺក្រពះពោះវៀនជាកន្លែងដែលបាក់តេរីល្អរាប់លានរស់នៅ ( microbiota ដែលជួយឲ្យពោះវៀនមានសុខភាពល្អ) ដែលជួយកូនអ្នកមានប្រព័ន្ធការពាររាងកាយរឹងមាំដើម្បីប្រឆាំងនឹងជំងឺ និងការឆ្លងរោគផ្សេងៗ។
៥. ការលូតលាស់ និងអភិវឌ្ឍល្អប្រសើរ
ក្នុងឆ្នាំដំបូងនៃជីវិតរបស់កូនអ្នកគឺសំខាន់។ វាមានអត្រាខ្ពស់បំផុតនៃការលូតលាស់ និងការអភិវឌ្ឍពេញមួយជីវិតរបស់កូន!
ពោះវៀនដែលមានសុខភាពល្អស្រូបយកសារធាតុចិញ្ចឹមសំខាន់ៗ ដូចជាជាតិដែក និងកាល់ស្យូមមានប្រសិទ្ធភាពបានល្អ ដូច្នេះកូនរបស់អ្នកអាចលូតលាស់រឹងមាំ និងខ្ពស់! តើអ្នកកំពុងផ្តល់អាហារដែលមានអាហារូត្ថម្ភល្អដល់កូនដែរទេ?
៦. ឥទ្ធិពលលើការលូតលាស់ខួរក្បាល
នៅចាំពាក្យដំបូងដែលកូនអ្នកចេះនិយាយទេ? ខួរក្បាលរបស់កូនអ្នកបានកំពុងតែលូតលាស់ ហើយវាចាំបាច់ណាស់សម្រាប់កូនឲ្យទទួលបានសារធាតុចិញ្ចឹមត្រឹមត្រូវតាំងពីវ័យក្មេង។ តើម៉ាក់ៗដឹងទេ? ខួរក្បាលកូនអ្នកលូតលាស់ធំជាង ៤ ដង ពេលដែលកូនទើបតែកើត ហើយមានទម្ងន់ជិត ៨០% នៃមនុស្សធំដែលមានអាយុ ២២ ឆ្នាំ។ វាពិតជាពេលវេលាមួយដ៏អស្ចារ្ នៅពេលដែលការអភិវឌ្ឍខួរក្បាលរបស់កូនអ្នកលឿន។
សារធាតុចិញ្ចឹមសម្រាប់ខួរក្បាលមានដូចជា DHA ដែលងាយស្រួលនឹងបឺតស្រូបយកពីពោះវៀនដែលមានសុខភាពល្អ។ តោះ! ចាប់ផ្តើមស្វែងរករបបអាហាររបស់កូនឲ្យបានលឿនណា!
៧. ចិត្ត និងអារម្មណ៍ស្រស់ស្រាយ
តើអ្នកដឹងទេថា ៩៥% នៃអ័រម៉ូនសេរ៉ូតូនីន (serotonin hormones) ជាអ័រម៉ូនអារម្មណ៍ល្អ ត្រូវបានផលិតក្នុងក្រពះពោះវៀន?
ក្រពះពោះវៀនមានសុខភាពល្អអាចជំរុញឲ្យមានអារម្មណ៍វិជ្ជមានពីមួយថ្ងៃទៅមួយថ្ងៃ ដូច្នេះហើយកូនអ្នកនឹងមានអារម្មណ៍សប្បាយរីករាយ និងចង់លេង ឬទំនាក់ទំនងជាមួយពិភពលោកខាងក្រៅ។
ដូច្នេះហើយក្រពះពោះវៀនមានសុខភាពល្អពិតជាផ្ដល់អត្ថប្រយោជន៍សម្រាប់សុខភាពទូទៅ និងការអភិវឌ្ឍផ្សេងៗ។ ដើម្បីឲ្យក្រពះពោះវៀនមានសុខភាពល្អ ម៉ាក់ៗគួរឲ្យកូនផឹកទឹកឲ្យច្រើន អាចជាទឹកស្អាត ទឹកសម្ល ឬទឹកផ្លែឈើ ត្រូវឲ្យកូនធ្វើសកម្មភាពឲ្យបានច្រើន សំខាន់ជាងនោះទៀតគួរផ្តល់អាហារដែលមានជាតិសសៃខ្ពស់ដូចជាបន្លែ ផ្លែឈើជាដើម។
អ្នកម៉ាក់ក៏អាចស្វែងរកទឹកដោះគោដែលមាន Trio Fiber ដែលជាអាហារមានជាតិសរសៃ និង ព្រីបាយអូទិក ជួយជំរុញកំណើននៃបាក់តេរីដើម្បីជួយទ្រទ្រង់ប្រព័ន្ធរំលាយអាហារឲ្យមានសុខភាពល្អ។
នាំមកជូនដោយ៖
តើមានចម្ងល់អ្វីផ្សេងទៀត ? សូមចុចនៅ ទីនេះ ដើម្បីស្វែងយល់បន្ថែម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម