នៅពេលដែលក្មេងរៀនដើរ ប៉ាម៉ាក់តែងតែឲ្យកូនដើរដោយមិនពាក់ទ្រនាប់ជើង ពីព្រោះស្បែករបស់ជើងអាចប៉ះពាល់ដល់សាច់ដុំ និងឆ្អឹងនៅក្នុងប្រអប់ជើងរបស់ពួកគេ។ ពេលដែលក្មេងៗកាន់តែធំ ពួកគេនឹងចាប់ផ្ដើមពាក់ស្បែកជើង ដែលធ្វើឲ្យកូនបាត់បង់អត្ថប្រយោជន៍ពីការដើរដោយជើងទទេ។

តើការដើរដោយជើងទទេមានអត្ថប្រយោជន៍អ្វីខ្លះ?

ការដើរដោយជើងទទេ ធ្វើឲ្យការដើរបែបធម្មជាតិរបស់យើងប្រសើរឡើងវិញ។ ទោះបីជាទ្រនាប់ជើងដែលរចនាឡើងសម្រាប់ការដើរ ឬរត់មានទ្រនាប់ច្រើន និងអាចទ្រទ្រង់រាងកាយក៏ពិតមែន ប៉ុន្តែពួកវាក៏អាចរារាំងក្មេងៗពីការប្រើសាច់ដុំជាក់លាក់ដែលអាចពង្រឹងរាងកាយរបស់ពួកគេផងដែរ។

អត្ថប្រយោជន៍ផ្សេងទៀតនៃការដើរដោយជើងទទេមានដូចជា៖

គ្រប់គ្រងទីតាំងរបស់ជើង នៅពេលប៉ះទៅនឹងដី
បង្កើនតុល្យភាព ភាពដឹងពីចលនា និងទីតាំងនៃសារពាង្គកាយ ដែលអាចជួយបំបាត់ការឈឺចាប់
រក្សារយៈចម្ងាយសមស្របនៃចលនាក្នុងសន្លាក់ប្រអប់ជើង និងជើង ព្រមទាំងមានកម្លាំងគ្រប់គ្រាន់ និងស្ថិរភាពនៅក្នុងសាច់ដុំ និងសរសៃចំណងឆ្អឹង កាត់បន្ថយពីបញ្ហាផ្សេងៗដែលបណ្ដាលមកពីពាក់ស្បែកជើងតឹងពេក ដូចជាការហើមមេជើង ជាដើម
ធ្វើឲ្យសាច់ដុំជើងរឹងមាំជាងមុន និងទ្រទ្រង់ដល់បរិវេណផ្នែកខាងក្រោម។

តើមានគ្រោះថ្នាក់អ្វីខ្លះនៅពេលដើរ និងហាត់ប្រាណដោយជើងទទេ?

ការដើរដោយជើងទទេនៅក្នុងផ្ទះ គឺមានសុវត្ថិភាព ប៉ុន្តែនៅពេលដែលយើងត្រូវចេញទៅក្រៅដោយមិនពាក់ទ្រនាប់ជើង វាអាចប្រឈមនឹងគ្រោះថ្នាក់ផ្សេងៗ ដូចជាផ្ទៃដីសើម ឬរដិបរដុប សីតុណ្ហភាព កែវ ឬវត្ថុមុតស្រួចនៅលើដី។ បន្ថែមពីនេះ យើងក៏អាចបង្កើនឱកាសនៃការប៉ះពាល់ទៅនឹងបាក់តេរី ឬការឆ្លងមេរោគ នៅពេលដែលយើងដើរដោយជើងទទេនៅខាងក្រៅ។

ជើងទទេ២

តើប៉ាម៉ាក់គួរឲ្យកូនដើរ និងធ្វើលំហាត់ប្រាណដោយជើងទទេយ៉ាងដូចម្ដេច?

ការដើរ និងធ្វើលំហាត់ប្រាណដោយជើងទទេនៅពេលខ្លះគឺជារឿងដ៏ល្អមួយ ប៉ុន្តែវាត្រូវការការអត់ធ្មត់ និងព័ត៌មានត្រឹមត្រូវ។ មុនពេលដែលចាប់ផ្ដើមឲ្យកូនដើរដោយជើងទទេ ប៉ាម៉ាក់គួរពិចារណាចំណុចមួយចំនួនខាងក្រោមនេះ។

ឲ្យកូនចាប់ផ្ដើមយឺតៗ
កាត់បន្ថយការដើរដោយជើងទទេ ប្រសិនបើកូនមានអារម្មណ៍ឈឺចាប់ ឬមិនស្រួលខ្លួន
សាកល្បងដើរដោយជើងទទេនៅខាងក្នុងផ្ទះ
អនុវត្តនៅលើផ្ទៃដែលមានសុវត្ថិភាព
ពិនិត្យមើលជើងរបស់កូនថាតើមានរបួសឬអត់
សាកល្បងសកម្មភាពដែលតម្រូវឲ្យដើរជើងទទេ។

ក្មេងៗ​ដើរ​​ជើង​ទទេ​មាន​ប្រយោជន៍​ដល់​សុខភាព​ឬ​យ៉ាង​ណា​​?

តើ​ការ​ដើរ​ដោយ​ជើង​ទទេ​មាន​អត្ថប្រយោជន៍​អ្វី​ខ្លះ​?

​តើ​មាន​គ្រោះថ្នាក់​អ្វី​ខ្លះ​នៅ​ពេល​ដើរ​ និង​ហាត់ប្រាណ​ដោយ​ជើង​ទទេ?

តើ​ប៉ា​ម៉ាក់​គួរ​ឲ្យ​កូន​ដើរ​ និង​ធ្វើ​លំហាត់​ប្រាណ​ដោយ​ជើង​ទទេ​​យ៉ាង​ដូច​ម្ដេច​​?

ក្មេងៗដើរជើងទទេមានប្រយោជន៍ដល់សុខភាពឬយ៉ាងណា?

តើការដើរដោយជើងទទេមានអត្ថប្រយោជន៍អ្វីខ្លះ?

តើមានគ្រោះថ្នាក់អ្វីខ្លះនៅពេលដើរ និងហាត់ប្រាណដោយជើងទទេ?

តើប៉ាម៉ាក់គួរឲ្យកូនដើរ និងធ្វើលំហាត់ប្រាណដោយជើងទទេយ៉ាងដូចម្ដេច?