ទូរសព្ទ មានប្រយោជន៍ច្រើនសម្រាប់ទំនាក់ទំនងទូទៅ ផ្តល់ភាពងាយស្រួល ចំណេញពេល ប៉ុន្តែអ្វីក៏ដោយមានគុណសម្បត្តិ សុទ្ធតែមានគុណវិបត្តិដូចគ្នា ព្រោះទូរសព្ទ គឺមានរលកសញ្ញាវិទ្យុសកម្មខ្ពស់ ប៉ះពាល់សុខភាព ពិសេសទារកទើបកើត បានជាមានការសិក្សាជាច្រើន ផ្តោតសំខាន់លើករណីនេះ និងរកឃើញពិតជាប៉ះពាល់មែន។ បើអ៊ីចឹងគួរប្រើទូរសព្ទក្បែរទារកទើបកើត ឬទារកតូចៗដែរអត់? ប៉ះពាល់អីខ្លះ? ចង់ដឹង អត្ថបទ “Hello គ្រូពេទ្យ” នឹងពន្យល់ឲ្យបានដឹង។
ប្រើទូរសព្ទក្បែរទារកតូចៗ ឬក្នុងផ្ទៃ ប៉ះពាល់ធ្ងន់ធ្ងរណាស់!
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ទារករងផលប៉ះពាល់ពីជាតិវិទ្យុសកម្មឧបករណ៍គ្មានខ្សែ
ជាតិវិទ្យុសកម្មពីឧបករណ៍អេឡិចត្រនិកគ្មានខ្សែ ពិសេសទូរសព្ទ ជាភាសាបច្ចេកទេស Microwave Radiation ឬ MWR គឺមានស្ទើរគ្រប់ទីកន្លែងជុំវិញខ្លួនយើង ហើយត្រូវបានក្រុមអ្នកវិទ្យាសាស្ត្រ ធ្វើការសិក្សាជាច្រើនលើកច្រើនសារ ដោយបានរកឃើញផលប៉ះពាល់ជាបន្តបន្ទាប់ ទៅលើសុខភាពមនុស្ស។
គួរឲ្យព្រួយបារម្ភខ្លាំងទៀតនោះ ការសិក្សាថ្មី រកឃើញកាន់តែច្បាស់ថា រលកវិទ្យុសកម្ម MWR ជះឥទ្ធិពលអវិជ្ជមានកាន់តែខ្ពស់ ទៅលើទារកទើបកើត និងនៅក្នុងផ្ទៃ ជាហេតុធ្វើឲ្យមានការណែនាំ មិនគួរបើកទូរសព្ទច្រើន អំឡុងពេលពពោះ ឬក្បែរទារកតូចៗទេ ព្រោះដោយសារជាលិកាខួរក្បាលទារកតូចៗ មានស្រូបយកជាតិវិទ្យុសកម្មខ្លាំង ហើយលលាដ៍ក្បាលស្តើង និងទំហំតូច នាំឲ្យទារកកាន់តែងាយរងគ្រោះ ជាមួយការស្រូបយក ជាតិវិទ្យុសកម្មទាំងនោះបាន។ ចំពោះទារកមិនទាន់កើត ការរងត្រូវប៉ះពាល់នឹងជាតិវិទ្យុសកម្ម អាចបណ្តាលឲ្យថយចុះ និងទ្រុឌទ្រោមស្រោមការពារខួរក្បាល ដែលមាននាទីការពារប្រព័ន្ធសរសៃប្រសាទខួរក្បាលទាំងមូល។
ការសិក្សាជាច្រើនបង្ហាញថាក្មេងកាន់តែតូច កាន់តែងាយរងគ្រោះខ្លាំងទៅនឹងជាតិវិទ្យុសកម្មផ្សាយភាយពីគ្រឿងអេឡិចត្រូនិក ដោយថែមទាំងអះអាងថា ជាលិកាខួរក្បាលក្មេង អាចស្រូបយកជាតិវិទ្យុសកម្ម ច្រើនជាងមនុស្សពេលវ័យដល់ទៅ ២ ដង ខណៈសិក្សាមួយផ្សេងទៀត បង្ហាញថា កម្រិតជាតិវិទ្យុសកម្ម MWR ក្នុងខួរឆ្អឹងក្មេង គឺខ្ពស់ជាងមនុស្សពេញវ័យដល់ទៅ ១០ ដង។
២- ទូរសព្ទដៃ និងហានិភ័យសុខភាព
ការប្រើទូរស័ព្ទដៃ អាចបង្កហានិភ័យសុខភាពធ្ងន់ធ្ងរជាច្រើន រួមមាន មហារីកខួរក្បាល អាចនឹងបណ្តាលឲ្យស្លាប់។ ទោះយ៉ាងនេះក្តី រហូតមកដល់ពេលនេះ មិនមានការព្រមព្រៀងណាមួយ ពីសំណាក់ក្រុមអ្នកវិទ្យាសាស្ត្រ កំណត់កម្រិតហានិភ័យមហារីក បង្កមកពីការប្រើទូរសព្ទដៃនៅឡើយ។
អត្ថបទពាក់ព័ន្ធ៖
- កូនតូចគួរត្បារយកអាចម៍ត្រចៀកចេញអត់ ហេតុអី?
- មូលហេតុទារកចេះតែទល់លាមក និងវិធីដោះស្រាយ
៣- គោលការណ៍ណែនាំពីសុវត្ថិភាពប្រើទូរសព្ទ
អ្នកជំនាញបាននិយាយថា ថ្វីបើយើងមិនចៀសផុត ពីការអភិវឌ្ឍឧបករណ៍អេឡិចត្រូនិកគ្មានខ្សែ ក៏ដូចជាមុខនាទីវានៅក្នុងជីវិតប្រចាំថ្ងៃយើងក៏ពិតមែន ប៉ុន្តែយើងអាចប្រើប្រាស់ពួកឧបករណ៍ទាំងនោះ តាមវិធីត្រឹមត្រូវ ដើម្បីសុវត្ថិភាពបាន ដូចជា៖
– រក្សាឧបករណ៍នៅក្នុងចម្ងាយត្រឹមត្រូវ ដោយសម្រាប់ទូរសព្ទដៃ ប្រមាណ ១៥ សង់ទីម៉ែត្រ ពីត្រចៀក មិនបង្កឲ្យមានបញ្ហាសុខភាពទេ។
– ទូរសព្ទដៃបន្តបញ្ចេញកាំរស្មីបើវាបើកឲ្យដំណើរការ ហេតុនេះ ពេលមិនប្រើប្រាស់ គួររក្សាទូរសព្ទដៃឲ្យឆ្ងាយពីរាងកាយ អាចដាក់វានៅក្នុងកាបូបដៃ ឬកាបូបស្ពាយក្រោយខ្នងក៏បាន។
– ស្រីៗមានផ្ទៃពោះ គួររក្សាទូរសព្ទដៃឲ្យឆ្ងាយ ខណៈអំឡុងពេលកំពុងបំបៅដោះកូន មិនគួរប្រើប្រាស់ទូរសព្ទមិនត្រូវប្រើទូរសព្ទដៃជាដាច់ខាត។
– ចំពោះក្មេង និងក្មេងជំទង់ មិនគួររក្សាទុកទូរសព្ទដៃនៅក្នុងបន្ទប់ដេកពួកគេនៅពេលយប់ទេ។ សម្រាប់ក្មេងប្រុស ទូរសព្ទដៃ គួរតែនៅឆ្ងាយពីហោប៉ៅខាងមុខ បើមិនដូចនោះទេ មេជីវិតឈ្មោល អាចនឹងទទួលរងគ្រោះថ្នាក់។ ទោះករណីនេះ មិនត្រូវបានបញ្ជាក់ថា ពិតតាមលក្ខណៈវិទ្យាសាស្ត្រក៏ដោយ តែយ៉ាងណា ដើម្បីសុវត្ថិភាព គួរពិចារណាចំពោះរឿងនេះ។ សម្រាប់ក្មេងស្រី ទូរស័ព្ទដៃ មិនគួរដាក់នៅក្នុងអាវទ្រនាប់ ឬពីមុខសុដន់ឡើយ ធ្វើបែបនេះ ដើម្បីបង្ការមហារីកសុដន់។
និយាយរួម ឧបករណ៍បញ្ជូនទិន្នន័យ រវាង Wi-Fi និងកុំព្យូទ័រ គួរដាក់នៅកន្លែងឆ្ងាយពីមនុស្សម្នា ជាពិសេសក្មេងៗតែម្តង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម