កាលពីមុនម៉ាក់ប៉ាតែងតែនាំកូនស្រីដែលទើបនឹងកើតបានប៉ុន្មានថ្ងៃទៅចោះត្រចៀក។ តែសម្រាប់បច្ចុប្បន្នវិញ យើងលែងខ្វល់ពីរឿងនោះទៀតហើយ ព្រោះអាចចោះបាននៅពេលពេញវ័យ។ នេះបើតាមការរៀបរាប់របស់អ្នកគ្រូពេទ្យ ពុំ ចន្ទ័ អនុប្រធានមណ្ឌលសុខភាពទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល។
អ្នកគ្រូបានបន្តទៀតថា ពីមុនទារកកើតបានប៉ុន្មានថ្ងៃ ឬយ៉ាងយូរ ១ ខែ គឺម៉ាក់ប៉ាយកកូនមកចោះហើយ មានពាក់ក្រវិលតែម្ដង ដើម្បីកុំឲ្យជិតរន្ធ តែអ្នកខ្លះអាចយកឈើតូចមួយយកមកដោតជំនួសក្រវិលសិន ហើយអំឡុងពេលនេះកូននៅតូចមិនទាន់ចេះចាប់បោច ឬទាញត្រចៀកនាំឲ្យដំបៅក្លាយ។ ណាមួយកម្រាស់ត្រចៀកមិនទាន់ក្រាស់ ចោះទៅអាចឆាប់ជាជាងពេលកូនធំ។
ប៉ុន្តែសម្រាប់បច្ចុប្បន្នវិញ ម៉ាក់ៗលែងសូវនិយមយកកូនទៅចោះត្រចៀកតាំងពីតូចទៅវិញដូចមុនទៀតហើយ កូនខ្លះចូលដល់វ័យជាង ១០ ឆ្នាំហើយទើបចោះ ព្រោះបច្ចេកទេសទំនើបជាងមុនដោយមិនបាច់ប្រើឧបករណ៍ដូចម្ជុលពីមុន ដូចនេះហើយទើបយើងច្រើននាំកូនធំៗទៅចោះវិញល្អជាង។ លក្ខណៈពិសេសរបស់ម៉ាស៊ីនមួយនោះ គឺយើងអាចយកប៉ិចមួយដើមមកដៅកន្លែងត្រូវចោះសិន ហើយក្រោយចោះគ្មានការឈឺចុកចាប់ ហើម និងគ្មានឈាម។
បើចង់ដឹងថា រវាងយកកូនតូច ឬកូនធំទៅចោះក្រវិល អ្នកគ្រូពេទ្យបានបញ្ជាក់ថា ចោះត្រចៀកកូននៅវ័យណាក៏បានដែរ ព្រោះវ័យទាំង២មានគុណសម្បត្តិ និងគុណវិបត្តិ ដូចគ្នា។ ចោះត្រចៀកកូននៅក្មេង កូនតូចងាយនឹងឆ្លងមេរោគបង្កឲ្យក្ដៅខ្លួន ជាងកូនធំ ឯផលល្អវិញនោះ គឺកូនតូចមិនទាន់ចេះចាប់បោច ឬទាញត្រចៀកនាំឲ្យដំបៅក្លាយ។
ចំណែកចោះត្រចៀកពេលកូនធំបន្តិច គេអាចចាប់បោច ឬទាញត្រចៀក តែផលល្អវិញគឺមិនសូវមានបញ្ហាឆ្លងមេរោគអីនោះទេ។
អាន៖
- អាការៈ ៥យ៉ាង បញ្ជាក់ថាត្រចៀកកូនឆ្លងមេរោគក្រោយចោះត្រចៀក
- Otoplasty In Adults (វះកាត់ កែត្រចៀករីកធំលើមនុស្សពេញវ័យ)
- កូនទើបកើតជើងកោង មានបញ្ហាអីអត់?
- ចង់ឲ្យកូនក្បាលមូលស្អាត ម៉ាក់ៗអាចសាកប៉ុន្មានវិធីនេះ
[embed-health-tool-vaccination-tool]
