ជំងឺរលាកត្រចៀកដែលច្រើនកើតមានចំពោះក្មេងៗ បណ្ដាលមកពីកត្តាមួយចំនួន ហើយក្នុងនោះមូលហេតុមកពីរលាកបំពង់ក ក្អក ផ្ដាសាយញឹកញាប់។ បញ្ហានេះធ្វើឲ្យម៉ាក់ប៉ាមួយចំនួនឆ្ងល់ថា វាមានពាក់ព័ន្ធគ្នាយ៉ាងម៉េចវិញ។
លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានឲ្យដឹង ដោយសារច្រមុះ ត្រចៀក ភ្នែក បំពង់ក នៅជិតគ្នា ទើបវាងាយនឹងឆ្លងគ្នាទៅវិញទៅមក។ មួយវិញទៀតនៅពេលក្អក ហៀរសម្បោរ ផ្ដាសាយដៃក្មេងប៉ះទឹករងៃ ឬប៉ះសម្បោរ ហើយក៏យកមកប៉ះតំបន់ជិតត្រចៀក ដូចនេះហើយបានជាមេរោគ ឬបាក់តេរីរាលដាលទៅកន្លែងនោះ។