backup og meta

បារម្ភកូនក្អកស្លេស្ម តឹងចម្រុះពេលគេង សាកល្បងដោះស្រាយតាមតិចនិកប៉ុន្មាននេះ

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នាង សុខុមដាលីញ៉ា · កែ Jun 15, 2021

បារម្ភកូនក្អកស្លេស្ម តឹងចម្រុះពេលគេង សាកល្បងដោះស្រាយតាមតិចនិកប៉ុន្មាននេះ

អាការៈ​ក្អកស្លេស្ម តឹងច្រមុះ កើត​លើ​ក្មេងៗ​អាច​បណ្ដាល​មក​ពី​កត្តា​ច្រើន ដូច​ជា​ផ្ដាសាយ​ធម្មតា ផ្ដាសាយ​ធំ ឆ្លង​មេរោគ ឬ​ជំងឺ​ហឺត​ជា​ដើម។ មាន​អា​អូន​មួយ​ចំនួន​ឈឺ​ក្អក​ឡើង​ស្លេស្ម និង​តឹង​ច្រមុះ ពិបាក​គេង​នៅ​ពេល​យប់ ធ្វើ​ឲ្យ​ម៉ាក់​ប៉ា​បារម្ភ​ខ្លាំង ព្រោះ​អា​អូន​ឈឺ​ហើយ ដោយ​សារ​ក្អក​ខ្លាំង គេង​យប់​អត់​បាន​ទៀត។ តើ​មាន​វិធី​ណា​អាច​ជួយ​ដោះ​ស្រាយ​បញ្ហា​នេះ កុំ​ឲ្យ​នាំ​ទុក្ខ​ដល់​កូន​ឬ​អត់?

ភាគ​ច្រើន អាការៈ​ក្អក​កាន់​តែ​យ៉ាប់យ៉ឺន​នៅ​ពេល​យប់។ ពេល​អា​អូន​ឈឺ​ផ្ដាសាយ ទឹក​សម្បោរហៀរ​ចេញ​ពី​ប្រហោង​ច្រមុះ​ខាង​ក្នុង​ចូល​ទៅ​បំពង់​ក បណ្ដាល​ឲ្យ​កូន​ក្អក​ពេល​យប់។ ម៉្យាង ជំងឺ​ហឺត​ក៏​អាច​បណ្ដាល​ឲ្យ​អា​អូន​ក្អក​នៅ​ពេល​យប់​ដែរ ដោយសារ​ផ្លូវ​ដង្ហើម​ងាយ​ទទួល​ផល​រំខាន​ពេល​យប់។

តិចនិក​ដោះ​ស្រាយ​បញ្ហា​កូន​ក្អក និង​តឹង​ច្រមុះ​ពេល​យប់

អាការៈ​ក្អក

  • បើ​អា​អូន​កើត​ជំងឺ​ហឺត ម៉ាក់​ប៉ា​ត្រូវ​ត្រៀម​បំពង់​ហឺត ឬ​ថ្នាំហឺត​តាម​វេជ្ជបញ្ជា​នៅ​ក្បែរ​ខ្លួន ទុក​ពេល​អា​អូន​ធ្វើ​ទុក្ខ​ពេល​យប់
  • ឲ្យ​អា​អូន​ញ៉ាំ​ទឹក​ត្រជាក់ ដើម្បី​សម្រួល​បំពង់ក​កូន (ទឹក​ត្រជាក់​គ្មាន​ទឹក​កក) ឬឲ្យ​កូន​ញ៉ាំ​ទឹក​ក្ដៅ​លាយ​ជាមួយ​ទឹក​ឃ្មុំ(២ កូន​ស្លាប​ព្រា​កាហ្វេ) ព្រោះ​វា​អាច​រំលាយ​ស្លេស្ម​ក្នុង​បំពង់​ក​បាន (ក្មេងអាយុលើ១ឆ្នាំ ទើប​អាច​ញ៉ាំ​ទឹក​ឃ្មុំ​បាន)
  • បន្ថែម​ខ្នើយ​ឲ្យ​អា​អូន​ដាក់​ក្បាល​ឲ្យ​ខ្ពស់ ទប់​ស្កាត់​ផល​រំខាន​ដល់​បំពង់ក​
  • តឹង​ច្រមុះ

    • ប្រើ​ម៉ាស៊ីន​បន្សុទ្ធ​ខ្យល់​នៅ​ក្នុង​បន្ទប់​កូន​គេង
    • ពេល​កូន​មាន​អាការៈ​តឹង​ច្រមុះ មធ្យោ​បាយ​ដំបូង ​គឺបន្តក់​សេរ៉ូម​ប្រៃ​ចូល​ច្រមុះ​កូន​ទាំង​សង​ខាង។ វិធី​នេះ​អាច​ជួយ​សម្រួល​ការ​កក​ស្ទះ​សម្បោរ​ដែល​មាន​នៅ​ក្នុង​ច្រមុះ​កូន
    • នៅ​ពេល​​តឹង​ច្រមុះ ហៀរសម្បោរ វា​អាច​កក​ទៅ​ជា​អាចម៍ច្រមុះ​ដែល​អាច​ធ្វើ​ឲ្យ​កូន​ពិបាក​ដក​ដង្ហើម ដូចនេះ ម៉ាក់​ប៉ា​គួរ​សម្អាត​អាចម៍​ច្រមុះ​កូន​ជាប្រចាំ ដើម្បី​ឲ្យ​កូន​ងាយ​ស្រួល​ដកដង្ហើម​
    • ពេល​ណា​គួរ​នាំ​កូន​ជួប​គ្រូពេទ្យ? បន្ថែម​ពី​លើ​អាការៈ​ក្អក​ស្លេស្ម និង​តឹង​ច្រមុះ ម៉ាក់​ប៉ា​គួរ​តែ​នាំ​កូន​ទៅ​ជួប​គ្រូពេទ្យ ក្នុង​ករណី​អា​អូន​មាន​រោគ​សញ្ញា​ដូច​ជា ពិបាក​ដក​ដង្ហើម ឬ​ដក​ដង្ហើម​លឿន (ខំ​ប្រឹង​ដក​ដង្ហើម) បបូរ​មាត់ មុខ អណ្ដាត​ឡើង​ស្លេក ឬ​ស្វាយ ក្ដៅ​ខ្លួន​ខ្លាំង ឬ​សន្លឹមៗ លើក​ដៃ​ឡើង​ជើង​អត់​រួច។

      ក្អកស្លេស្មតឹងច្រមុះ

      បដិសេធ

      Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

      ត្រួតពិនិត្យដោយ

      វេជ្ជ. ចាន់ ស៊ីណេត

      ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


      អត្ថបទ​ដោយ នាង សុខុមដាលីញ៉ា · កែ Jun 15, 2021

      ad iconផ្សព្វផ្សាយពាណិជ្ជកម្ម

      តើអត្ថបទនេះមានប្រយោជន៍ដែរទេ?

      ad iconផ្សព្វផ្សាយពាណិជ្ជកម្ម
      ad iconផ្សព្វផ្សាយពាណិជ្ជកម្ម