គ្នាយើងដឹងច្បាស់ហើយថាផ្លែប៉េងប៉ោះអាចយកទៅធ្វើម្ហូបផ្សេងៗ ឬញ៉ាំស្រស់ក៏បាន ហើយផ្លែប៉េងប៉ោះក៏ចាត់ចូលថាជាផ្លែឈើមិនមែនបន្លែ។ ផ្លែឈើនេះជាប្រភពនៃសារធាតុចិញ្ចឹមជាច្រើនដែលជួយដល់សុខភាពមនុស្សយើង។
ត្រួតពិនិត្យដោយ ទូច សុខា
គ្នាយើងដឹងច្បាស់ហើយថាផ្លែប៉េងប៉ោះអាចយកទៅធ្វើម្ហូបផ្សេងៗ ឬញ៉ាំស្រស់ក៏បាន ហើយផ្លែប៉េងប៉ោះក៏ចាត់ចូលថាជាផ្លែឈើមិនមែនបន្លែ។ ផ្លែឈើនេះជាប្រភពនៃសារធាតុចិញ្ចឹមជាច្រើនដែលជួយដល់សុខភាពមនុស្សយើង។
ផ្លែប៉េងប៉ោះផ្ទុកជាតិទឹកប្រហែល ៩៥% និង៥%ទៀតភាគច្រើនសុទ្ធតែជាកាឡូរី និងជាតិសរសៃ។
ផ្លែប៉េងប៉ោះស្រស់ ១០០ក្រាមមានសារធាតុចិញ្ចឹម៖
ក្រៅពីនេះផ្លែប៉េងប៉ោះក៏ជាប្រភពនៃពពួកវីតាមីន រ៉ែ និងសមាសធាតុផ្សេងៗដូចជា វីតាមីនC ប៉ូតាស្យូម កាល់ស្យូម ផូស្វ័រ ជាតិlycopene ជាតិcholine អាស៊ីតហ្វូលិក ជាតិbeta-carotene និងជាតិ lutein។
អត្ថបទពាក់ព័ន្ធ៖ ខ្លាញ់សត្វ និងខ្លាញ់រុក្ខជាតិ មានគុណប្រយោជន៍ គុណវិបត្តិអ្វីខ្លះ?
សុខភាពបេះដូង
ជាតិសរសៃ ប៉ូតាស្យូម វីតាមីន C និងជាតិ Cholineនៅក្នុងផ្លែប៉េងប៉ោះសុទ្ធតែអាចជួយទ្រទ្រង់សុខភាពបេះដូង។ ការបង្កើនការញ៉ាំប៉ូតាស្យូម និងកាត់បន្ថយការញ៉ាំសូដ្យូមអាចកាត់បន្ថយហានិភ័យជំងឺបេះដូង។
ផ្លែប៉េងប៉ោះក៏មានផ្ទុកអាស៊ីត Folate ជួយរក្សាលំនឹងកម្រិត homocysteine ដែលជាអាស៊ីតអាមីណូបានពីការបំបែកប្រូតេអ៊ីន។ Homocysteine ត្រូវគេជឿថាអាចបង្កើនហានិភ័យគាំងបេះដូង និងដាច់សរសៃឈាមខួរក្បាល។ ការគ្រប់គ្រងកម្រិត homocysteine ដោយអាស៊ីត folate អាចកាត់បន្ថយកត្តាមួយនៃកត្តាបង្កជំងឺបេះដូង។
ការញ៉ាំប៉ូតាស្យូមច្រើនមិនត្រឹមតែកាត់បន្ថយហានិភ័យជំងឺបេះដូង នៅអាចជួយការពារការចុះខ្សោយនៃសាច់ដុំ រក្សាកម្រិតជាតិរ៉ែក្នុងឆ្អឹង និងកាត់បន្ថយការបង្កគ្រួសក្នុងតម្រងនោម។
អត្ថបទពាក់ព័ន្ធ៖ អាហារសំខាន់ៗ ដែលបេះដូងត្រូវការ តិចថាអត់ដឹង
សុខភាពភ្នែក
ផ្លែប៉េងប៉ោះសម្បូរដោយជាតិ lycopene lutein និងbeta-carotene ដែលសុទ្ធតែជាសារធាតុប្រឆាំងអុកស៊ីតកម្មអាចការពារភ្នែកពីការខូចខាតដោយពន្លឺ ភ្នែកឡើងបាយ និងជំងឺ age-related macular degeneration (AMD).។
ការសិក្សាពីជំងឺភ្នែកបានរកឃើញថាអ្នកញ៉ាំអាហារមានជាតិ lutein និងzeaxanthin ដែលមានក្នុងផ្លែប៉េងប៉ោះ អាចកាត់បន្ថយហានិភ័យជំងឺកម្សោយគំហើញដែលហៅថា neovascular AMD ៣៥%។
អត្ថបទពាក់ព័ន្ធ៖
សុខភាពស្បែក
ខូឡាជេន ជាសារធាតុសំខាន់សម្រាប់ស្បែក សក់ និងក្រចក។ ការផលិតខូឡាជេននេះត្រូវការវីតាមីន C។ កង្វះវីតាមីន Cអាចបណ្ដាលឲ្យមានអាការៈផ្សេងៗទាក់ទងនឹងកង្វះវីតាមីន C។ វីតាមីន C គឺជាសារធាតុប្រឆាំងអុកស៊ីតកម្ម ប្រសិនជាញ៉ាំវីតាមីននេះមិនគ្រប់គ្រាន់អាចបង្កើតការខូចខាតដោយកម្ដៅថ្ងៃ ជាតិពុល និងផ្សែង។ ទាំងនេះអាចបង្កទៅជាស្នាមជ្រួញ ស្បែកជ្រីវជ្រួញ និងផលប៉ះពាល់ផ្សេងៗ។
ការទល់លាមក
ការញ៉ាំអាហារដែលមានជាតិទឹក និងជាតិសរសៃ ដូចជាផ្លែប៉េងប៉ោះអាចជួយបំពេញជាតិទឹក និងជួយសម្រួលដល់ការបន្ទោរបង់។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា