មាតិកា

រង្វាស់សុខភាព

ចែករំលែក

Umbilical Hernia Repair (ការព្យាបាលក្លននៅលើផ្ចិតក្មេង)

ស្វែងយល់ពីមូលដ្ឋានគ្រឹះ

អ្វីទៅជាក្លននៅផ្ចិត លើកូនក្មេង?

ក្លននៅផ្ចិតកូនក្មេងកើតដោយសារភាពខ្សោយសាច់ដំុពោះ។ គ្រប់ទារកទាំងអស់មានក្លនពេលនៅក្នុងផ្ទៃម្តាយ ហើយជាធម្មតាវាបាត់មុនពេលកើត តែក៏នៅតែមានទារក១ក្នុងចំនោម៥នាក់កើតមកមានក្លននេះ (ក្រោយ៣៧សប្តាហ៍)ដែរ។ បើកូនអ្នកមានក្លន ជាធម្មតាវានឹងប៉ោងនៅពេលយំ ឬប្រឹង។

Umbilical Hernia Repair (ការព្យាបាលក្លននៅលើផ្ចិតក្មេង)

ក្លនផ្ចិតអាចមានគ្រោះថ្នាក់ដោយសារពោះវៀន ឬ រចនាសរីរាង្គផ្សេងទៀតក្នុងពោះ រមួលនិងស្ទះសរសៃឈាម។ ទោះជាគ្មានផលវិបាកពីក្មេងក៏អាចកើតពេលពេញវ័យដែរ។

ហេតុអ្វីបានត្រូវធ្វើការវះកាត់លើកូនក្មេង?

អ្នកមិនគួរទុកកូនឲ្យមានក្លនយូរឡើយ។ គ្រូពេទ្យវះកាត់ដើម្បីការពារកូនពីផលវិបាកធ្ងន់ធ្ងរដែលធ្វើឲ្យប៉ះពាល់នៅពេលគេពេញវ័យ។

ស្វែងយល់ពីកត្តាប្រឈម

ហានិភ័យលើក្មេងមានអ្វីខ្លះ?

ក្លនផ្ចិតធម្មតាជាវិញមុនពេលក្មេងអាយុ១ឆ្នាំ។ បើក្មេងអាយុ ៣ឆ្នាំហើយនៅមិនជា អ្នកគួរតែនាំកូនទៅធ្វើការវះកាត់។ ក្លនផ្ចិតអាចរើឡើងវិញ។ វាមានសារៈសំខាន់ណាស់ក្នុងការយល់ដឹងពីហានិភ័យ និងផលវិបាកមុនពេលធ្វើការវះកាត់។ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។

ស្វែងយល់ដឹងពីអ្វីដែលអាចកើតឡើង

គួររៀបចំអ្វីខ្លះមុនពេលវះកាត់ក្លនលើក្មេង?

អ្នកគួរប្រឹក្សាយោបល់ជាមួយពេទ្យអំពីថ្នាំដែលអ្នកបានប្រើពេលបច្ចុប្បន្ន ប្រតិកម្ម ឬ បញ្ហាសុខភាពមុនពេលធ្វើការវះកាត់ អ្នកនឹងបានជួបគ្រូពេទ្យឯកទេសថ្នាំសន្លប់ រួចធ្វើការជាមួយគ្នា។ វាសំខាន់ណាស់ដែលអ្នកត្រូវធ្វើតាមការណែនាំពីពេលវេលាឈប់ញ៉ាំអាហារ និង ផឹកទឹកមុនពេលវះកាត់។

មានអ្វីកើតឡើងកំឡុងពេលវះកាត់លើក្មេង?

ការវះកាត់ចាប់ផ្តើមឡើងដោយគ្រូពេទ្យដាក់ថ្នាំសន្លប់ មានរយៈពេល ១ម៉ោង។ គ្រូពេទ្នឹងយវះកាត់ប្រវែងពាក់កណ្តាលនៃផ្ចិត រួចបិទកន្លែងដែលបើកដោយដេរឲ្យជាប់។

គួរធ្វើអ្វីខ្លះបន្ទាប់ពីវះកាត់រួច?

កូនអ្នកអាចទៅផ្ទះបាននៅថ្ងៃដដែលក្រោយការវះកាត់។ កូនអ្នកអាចទៅរៀនធម្មតាវិញបានក្រោយ១ទៅ៦សប្តាហ៍ តែហាមមិនឲ្យធ្វើលំហាត់ប្រាណខ្លាំងៗ។ ក្មេងភាគច្រើនអាចជាសះស្បើយបានទាំងស្រុង។ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញផ្នែកវះកាត់។

ការជាសះស្បើយ

ក្រោយពេលវះកាត់មានអ្វីកើតឡើង?

គ្រប់ការវះកាត់ទាំងអស់អាចនឹងជួបហានិភ័យមួយចំនួន។ អ្នកគួរតែឲ្យគ្រូពេទ្យវះកាត់ពន្យល់ពីហានិភ័យទាំងនោះដែលអាចកើតមានដល់កូនអ្នក។ ផលវិបាកដែលអាចកើតឡើងមានដូចជា ប្រតិកម្មថ្នាំសន្លប់ដែលមិនបានគ្រងទុកមុន ហូរឈាមខ្លាំង ឬមានឈាមកកក្នុងសរសៃវែ៉នជ្រៅ ។ ផលវិបាកជាក់លាក់មាន៖

អាចមានដុំក្រោមរបួស
របួសរចនាសម្ព័ន្ធរបស់ក្លន
រូបរាងមិនស្អាត

អ្នកអាចបន្ថយហានិភ័យផលវិបាកកូនអ្នកបានដោយធ្វើតាមការណែនាំរបស់ពេទ្យពេលធ្វើការឆ្លុះមើល ដូចជាបញ្ឈប់ការលេបថ្នាំ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ។

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Sao Solynet · កែ 11/05/2020

Umbilical Hernia Repair​​​ (​ការ​ព្យាបាល​ក្លន​នៅលើ​ផ្ចិត​ក្មេង)​

ស្វែង​យល់​ពី​មូលដ្ឋាន​គ្រឹះ

អ្វី​ទៅ​ជា​​​ក្លន​នៅ​ផ្ចិត លើ​កូន​ក្មេង​?

ហេតុ​អ្វី​បាន​ត្រូវ​ធ្វើ​ការវះកាត់លើ​កូន​​ក្មេង?

ស្វែង​យល់​ពី​កត្តា​ប្រឈម

ហានិភ័យលើ​​ក្មេង​​​មាន​អ្វី​ខ្លះ?

ស្វែង​យល់ដឹង​ពី​អ្វី​ដែលអាច​កើត​ឡើង

គួរ​រៀប​ចំ​អ្វី​ខ្លះ​មុន​ពេល​វះកាត់ក្លនលើ​ក្មេង​?

​មាន​អ្វី​កើត​ឡើង​​កំឡុង​ពេល​វះកាត់លើ​​ក្មេង​?

​គួរ​ធ្វើ​អ្វី​ខ្លះ​បន្ទាប់​ពីវះ​កាត់រួច?

ការ​ជា​សះស្បើយ

​ក្រោយ​ពេល​វះកាត់មាន​អ្វី​កើត​ឡើង​?