ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- អ្វីទៅជាការវះកាត់យកទ្រនាប់ឆ្អឹងកងខ្នងចង្កេះចេញដោយប្រើមីក្រូស្កុប?
ជំងឺលានទ្រនាប់ឆ្អឹងខ្នង គឺជាការលូនចេញរបស់ឆ្អឹងកងខ្នង ចូលទៅសង្កត់សរសៃប្រសាទត្រង់កន្លែងដែលសរសៃប្រសាទនោះចេញពីឆ្អឹងខ្នង។ ជំងឺនេះអាចបង្កឱ្យមានការឈឺចុកចាប់ខ្លាំង ខ្សោយ និងស្ពឹកនៅតំបន់ដែលសរសៃប្រសាទបញ្ជា។ សម្រាប់ជំងឺលានទ្រនាប់ឆ្អឹងកងខ្នងចង្កេះ នឹងលេចចេញរោគសញ្ញាឈឺចាប់ ស្ពឹកជើង និងប្រអប់ជើង។
២- ករណីណាខ្លះទើបត្រូវធ្វើការវះកាត់យកយកទ្រនាប់ឆ្អឹងកងខ្នងចង្កេះចេញ?
ការវះកាត់មានគោលបំណងបន្ថយការឈឺចាប់ និងជួយឱ្យអ្នកអាចធ្វើចលនាដូចធម្មតាឡើងវិញ។ គួរធ្វើការសម្រេចចិត្តវះកាត់ក្នុងករណីដូចខាងក្រោម៖
– ឈឺជើងខ្លាំង ស្ពឹកជើង ឬជើងខ្សោយ មិនអាចធ្វើសកម្មភាពប្រចាំថ្ងៃបាន
– រោគសញ្ញាទាំងនេះមិនបានធូរស្បើយសោះ បន្ទាប់ពីការព្យាបាលដោយមិនវះកាត់ អស់រយៈពេល ៤សប្ដាហ៍រួចមក
– ការពិនិត្យបង្ហាញថា ជើងរបស់យើងខ្សោយ បាត់បង់ចលនា ឬស្ពឹកលែងដឹងជើង ប៉ុន្តែអាចនឹងធូរស្បើយក្រោយការវះកាត់។
អត្ថបទពាក់ព័ន្ធ៖
មុននឹងសម្រេចចិត្តវះកាត់យកទ្រនាប់ឆ្អឹងកងខ្នងចង្កេះចេញ
ការវះកាត់ទ្រនាប់ឆ្អឹងខ្នងចង្កេះចេញ អាចបន្ថយការឈឺចាប់លឿនជាងការព្យាបាលដោយមិនវះកាត់។ ប៉ុន្តែមិនមានការបញ្ជាក់ច្បាស់លាស់ថា ការវះកាត់នឹងមានប្រសិទ្ធភាពជាងការព្យាបាលដោយវិធីផ្សេងទៀត នៅពេលក្រោយទៀតឬអត់នោះទេ។
ក្នុងករណីជាច្រើន ការឈឺចាប់អាចធូរស្រាល ដោយមិនចាំបាច់ធ្វើការវះកាត់។ ការព្យាបាលនោះរួមមាន ថ្នាំបំបាត់ការឈឺចាប់ ការសម្រាក និងការធ្វើលំហាត់ប្រាណយ៉ាងត្រឹមត្រូវ។ បើយើងឈឺខ្លាំងពេក យើងក៏អាចព្យាបាលដោយការចាក់ថ្នាំ Steroid ចូលឆ្អឹងខ្នង។
ដូច្នេះមុននឹងសម្រេចចិត្តវះកាត់ យើងត្រូវស្វែងយល់ពីហានិភ័យ និងផលវិបាកដែលអាចបណ្ដាលមកពីការវះកាត់។ ប្រសិនបើយើងមានចម្ងល់ សូមពិគ្រោះយោបល់ជាមួយគ្រូពេទ្យជំនាញសម្រាប់ព័ត៌មានលម្អិត។
អត្ថបទពាក់ព័ន្ធ៖
១- មុនពេលវះកាត់យកទ្រនាប់ឆ្អឹងកងខ្នងចង្កេះចេញ
– ប្រាប់គ្រូពេទ្យអំពីថ្នាំដែលយើងប្រើក្នុងពេលថ្មីៗនេះ ថ្នាំដែលយើងមានប្រតិកម្មជាមួយ ឬបញ្ហាសុខភាព
– ជួបពិគ្រោះជាមួយគ្រូពេទ្យខាងដាក់ថ្នាំសណ្ដំ មុនពេលធ្វើការវះកាត់
– ធ្វើតាមការណែនាំរបស់គ្រូពេទ្យអំពីពេលវេលានៃការឈប់ញ៉ាំអាហារ និងផឹកទឹក មុនពេលវះកាត់។
២- ពេលវះកាត់យកទ្រនាប់ឆ្អឹងកងខ្នងចង្កេះចេញ
– មានបច្ចេកទេសនៃការដាក់ថ្នាំសណ្ដំផ្សេងៗគ្នា ហើយការជ្រើសរើសយកវិធីណាមួយនោះ ជាការសម្រេចចិត្តរបស់គ្រូពេទ្យខាងថ្នាំសណ្ដំ
– ជាធម្មតា ការវះកាត់ត្រូវចំណាយពេលប្រហែល ៤៥នាទី-១ម៉ោង
– គ្រូពេទ្យនឹងប្រើមីក្រូស្កុបក្នុងការវះយកទ្រនាប់ឆ្អឹងខ្នងចង្កេះត្រង់កន្លែងលូនចេញ។
៣- ក្រោយពេលវះកាត់យកទ្រនាប់ឆ្អឹងកងខ្នងចង្កេះចេញ
– អ្នកអាចត្រឡប់ទៅផ្ទះវិញក្រោយពេលវះកាត់រួច ឬនៅថ្ងៃបន្ទាប់
– ហាមលើករបស់ធ្ងន់ ឬពត់ខ្លួន
– រក្សាដងខ្លួនឱ្យបានស្រួល នៅពេលឈរ ឬអង្គុយ
– ការហាត់ប្រាណអាចជួយឱ្យយើងធ្វើសកម្មភាពបានធម្មតាវិញឆាប់រហ័ស ប៉ុន្តែមុននឹងហាត់ប្រាណ ត្រូវសួរយោបល់គ្រូពេទ្យសម្រាប់ដំបូន្មានផ្សេងៗទាក់ទងនឹងការធ្វើលំហាត់ប្រាណនេះ
– អ្នកជំងឺ ៩០% ជាសះស្បើយបន្ទាប់ពីវះកាត់ ហើយអាចធ្វើសកម្មភាពដូចធម្មតាឡើងវិញ។
ប្រសិនបើមានសំណួរ និងការបារម្ភនានា សូមពិគ្រោះជាមួយគ្រូពេទ្យជំនាញដើម្បីទទួលបានព័ត៌មានលម្អិត។
ផលវិបាកនៃការវះកាត់យកទ្រនាប់ឆ្អឹងកងខ្នងចង្កេះចេញ
ក្រៅពីប្រតិកម្មជាមួយថ្នាំសណ្ដំ ការហូរឈាមច្រើន ឬឈាមកកក្នុងសរសៃឈាម នៅមានផលវិបាកដោយឡែកសម្រាប់ការវះកាត់បន្ទះឆ្អឹងកងខ្នងចង្កេះនេះដូចជា៖
– ពិបាកនោម
– ការឆ្លងមេរោគចូលប្រអប់ទ្រូង
– គាំងបេះដូង ឬដាច់សរសៃឈាមខួរក្បាល
– ជើងនៅតែឈឺ និងស្ពឹក
– ស្ពឹកចន្លោះជើងទាំងសងខាង បន្ទោរបង់លាមក និងហៀរនោមអត់ដឹងខ្លួន បញ្ហាឡើងរឹងនៃប្រដាប់ភេទបុរស
– រហែកភ្នាសសរសៃប្រសាទក្នុងឆ្អឹងខ្នង។
យើងអាចកាត់បន្ថយផលវិបាកដោយអនុវត្តតាមការណែនាំរបស់គ្រូពេទ្យ មុនពេលវះកាត់ ដូចជា ការប្រើ ឬឈប់ប្រើថ្នាំមួយចំនួន។
អត្ថបទពាក់ព័ន្ធ៖
ក្នុងករណីមានសំនួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ