ការរីកដុះដាលនៃដុំសាច់មហារីកនៅក្នុងក្រពះ ហៅថាជំងឺមហារីកក្រពះ ហើយវាកើតឡើងនៅពេលដែលកោសិកាក្រពះកើនឡើងជាដុំសាច់។ ជំងឺសាហាវមួយនេះ អាចរាលដាលទៅផ្នែកសរីរាង្គដទៃទៀតបានងាយ ហើយបើព្យាបាលមិនទាន់ពេលទេ អាចគំរាមកំហែងដល់ជីវិតអ្នកជំងឺ ដូចនេះយើងគ្រប់គ្នា គួរចាប់អារម្មណ៍រោគសញ្ញាក្នុងដំណាក់កាលដំបូងៗរបស់វា។
មកដឹងរោគសញ្ញាជំងឺមហារីកក្រពះនៅដំណាក់កាលដំបូងៗ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្នុងដំណាក់កាលដំបូងៗ មហារីកក្រពះចេញសញ្ញាបែបម៉េច?
វេជ្ជបណ្ឌិត ចាន់ រស្មី បានឲ្យដឹងថា នៅពេលដែលមហារីកក្រពះចាប់ផ្ដើមកើតនៅក្នុងដំណាក់កាលដំបូងៗ វាមានចេញរោគសញ្ញាស្រដៀងគ្នាទៅនឹងជំងឺរលាកក្រពះដែរដូចជា៖
– ពិបាករំលាយអាហារ និងមិនស្រួលក្រពះ
– មានអារម្មណ៍ថា ហើមពោះ បន្ទាប់ពីបរិភោគរួច
– ចង្អោរតិចតួច
– មិនសូវឃ្លានអាហារ
– ចុកចុងដង្ហើម។
ផ្ទុយទៅវិញ បើជំងឺមហារីកក្រពះកាន់តែធ្ងន់ធ្ងរ វាអាចបណ្ដាលអោយមានរោគសញ្ញាផ្សេងទៀត ដូចជា៖
– មានអាការៈមិនស្រួលផ្នែកខាងលើ ឬពាក់កណ្ដាលនៃពោះ
- មានឈាមក្នុងលាមក
– ក្អួត ឬក្អួតឈាម
– ស្រកទម្ងន់
– ឈឺ ឬហើមពោះ បន្ទាប់ពីបរិភោគរួច
– ខ្សោយអស់កម្លាំង និងស្លេកស្លាំង ដោយសារខ្វះកោសិកាគ្រាប់ឈាមក្រហម។
លោកវេជ្ជបណ្ឌិតបន្ថែមទៀតថា សម្រាប់ជំងឺមហារីកក្រពះនៅក្នុងដំណាក់កាលដំបូងៗអាចព្យាបាលឲ្យជាសះស្បើយ និងអត្រាសង្ឃឹមរស់បានខ្ពស់ ប៉ុន្តែជំងឺមហារីកក្រពះនេះ កម្រនឹងចេញរោគសញ្ញាឲ្យដឹងនៅដំណាក់កាលដំបូងណាស់។ កាលណាបើវារាលដាលដល់ដំណាក់កាលចុងក្រោយហើយ វាពិបាកនឹងអាចព្យាបាលឲ្យជាសះស្បើយណាស់ និងបណ្ដាលឲ្យអ្នកជំងឺសង្ឃឹមរស់ទាប។ ដូចនេះ មធ្យោបាយល្អតែមួយដែលអាចឲ្យយើងដឹងពីការលូតលាស់របស់កោសិកាមហារីក គឺការពិនិត្យសុខភាពជាប្រចាំ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម