ជំងឺរលាកថ្លើមដែលកើតឡើងញឹកញាប់នោះមានប្រភេទ B និង C បង្កឡើងដោយវីរុស ហើយជាជំងឺរ៉ាំរ៉ៃ មានផលវិបាកធ្ងន់ធ្ងរទៅថ្ងៃក្រោយ ឲ្យក្រិនថ្លើម និងកើតមហារីកថ្លើម។ ជំងឺរលាកថ្លើម មិនមានរោគសញ្ញាអីឲ្យដឹងនោះទេ បើចាំដល់មានរោគសញ្ញា ទើបយើងទៅពេទ្យ ជាការមួយខុសធ្ងន់ នេះតាមការបញ្ជាក់របស់សាស្ត្រាចារ្យមហាបរិញ្ញា អ៊ុង ចក្រាវុធ។
ជំងឺរលាកថ្លើម បើចាំដល់ពេលចេញរោគសញ្ញា ទើបទៅពេទ្យ ជាការខុសធ្ងន់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិតឯកទេសជំងឺក្រពះ ពោះវៀន និងថ្លើម រូបនេះបន្តថា ជំងឺរលាកថ្លើមចេញរោគសញ្ញាឲ្យដឹងមានប្រមាណជា ៥%ប៉ុណ្ណោះ ឯ៩៥%ទៀត មិនចេញរោគសញ្ញានោះទេ ខណៈរោគសញ្ញាដែលចេញនោះទៀតសោតស្រដៀងនឹងជំងឺផ្តាសាយ។
“មានចេញជារោគសញ្ញាឲ្យលឿងភ្នែកឲ្យអីហ្នឹង ថា ៥%ចុះ ៩៥% គឺអត់មានរោគសញ្ញា ជួនកាលរោគសញ្ញាវាបន្លំជាមួយជំងឺផ្តាសាយ ឲ្យឈឺឆ្អឹងឆ្អែង ហៀរសម្បោរ ភាគច្រើនទាំងខ្ញុំទាំងគេអី ភាគច្រើន អ្នកណាហៀរសម្បោរថាឈឺថ្លើម តែជួនកាលវាជារលាកថ្លើម”។ លោកវេជ្ជបណ្ឌិតរៀបរាប់។
ជំងឺរលាកថ្លើម មានតែការទៅពិនិត្យសុខភាព និងធ្វើតេស្តឈាម ទើបអាចដឹងថា មានឬក៏អត់។ លោកវេជ្ជបណ្ឌិតថា ការដែលគ្រូពេទ្យព្យាបាលជំងឺរលាកថ្លើមបាន គឺនៅមុនពេលវាមានគ្រោះថ្នាក់ ទៅជាក្រិនថ្លើម និងមហារីកថ្លើម ទើបមានលទ្ធភាពព្យាបាលឲ្យថ្លើមជា ឬក៏អាចពន្យារ និងកាត់បន្ថយការក្រិនថ្លើម មហារីកថ្លើម។
បច្ចុប្បន្នជំងឺរលាកថ្លើមប្រភេទ B មិនទាន់មានថ្នាំព្យាបាលឲ្យជានោះទេ ថ្នាំព្យាបាលគឺគ្រាន់តែទប់ស្កាត់មេរោគកុំឲ្យរីករាលដាលធំតែប៉ុណ្ណោះ ដើម្បីកាត់បន្ថយផលវិបាករបស់វា។ ទោះជាមិនមានថ្នាំព្យាបាល តែជំងឺថ្លើមប្រភេទ B មានវ៉ាក់សាំងចាក់ការពារ ដែលរដ្ឋាភិបាលដាក់បញ្ចូលវ៉ាក់សាំងប្រភេទនេះនៅក្នុងកម្មវិធីជាតិរួចហើយ។
ចំណែកជំងឺរលាកថ្លើមប្រភេទ C មានថ្នាំព្យាបាលឲ្យជាសះស្បើយ ប៉ុន្តែមិនមានវ៉ាក់សាំងចាក់ការពារនោះទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម