មានមនុស្សជាច្រើនគិតថា បត់ជើងធំមកមានឈាម បណ្ដាលមកពីជំងឺឫសដូងបាត ឬក៏មានអីទាក់ទងនឹងការរលាត់ភ្នាសបាត ជាដើម។ ផ្ទុយទៅវិញ ការដែលជុះមកចេញឈាមមកជាមួយអាចបញ្ជាក់ពីបញ្ហាពោះវៀនធំរបស់យើង ដែលអាចជាបញ្ហាធ្ងន់ធ្ងរជាងការកើតឫសដូងបាតទៅទៀត។
ជុះមកមានឈាម ហើយចេញសញ្ញាទាំងនេះ ត្រូវពិនិត្យពោះវៀនធំភ្លាម
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
យោងតាមការឲ្យដឹងរបស់មន្ទីរពេទ្យ កាល់ម៉ែតថា ការដែលបត់ជើងធំមានឈាម ភាគច្រើនកើតឡើងដោយសារជំងឺឫសដូងបាតពិតមែន ប៉ុន្តែនៅមានមួលហេតុផ្សេងៗទៀតដែលបង្កឲ្យជុះមានឈាម ហើយវាអាចបង្កភាពគ្រោះថ្នាក់ធ្ងន់ធ្ងរដល់សុខភាព និងអាយុជីវិតផងដែរ។ ក្នុងករណីដែលយើងបត់ជើងធំមកមានឈាម ហើយចេញរោគសញ្ញា ឬកត្តាដូចខាងក្រោម គឺត្រូវការឆ្លុះពិនិត្យពោះវៀនធំដូចជា៖
– អាយុលើសពី៤៥ឆ្នាំឡើងទៅ
– បាត់បង់គ្រាប់ឈាមក្រហមច្រើន
– មានអាការៈឈឺពោះរ៉ាំរ៉ៃ
– មានការស្រកទម្ងន់លឿន ឬខុសប្លែកពីធម្មតា
– ក្រោយការពិនិត្យ រកឃើញ ឬស្ទាបប៉ះដុំក្នុងពោះ
– មានប្រវត្តិគ្រួសារដែលមានបញ្ហាដុំសាច់កាច ឬមហារីក
ប្រសិនបើបត់ជើងមកមានឈាម លាយឡំនឹងសញ្ញាទាំងប៉ុន្មាននេះ អាចបណ្ដាលមកពីបញ្ហារលាកពោះវៀនធំដែលក្នុងនោះមានមូលហេតុចម្បងៗរួមមាន ដុំសាច់មហារីក ដុំសាច់ Polyp ដំបៅពោះវៀនធំ ដំបៅពោះវៀនតូច និងការហូរឈាមដែលបណ្ដាលមកពី Colonic Diverticula។
ដូចនេះ មន្ទីរពេទ្យ កាល់ម៉ែត បានណែនាំថា ចំពោះការបត់ជើងមានឈាមក្រហម ត្រូវមានការប្រុងប្រយ័ត្នឲ្យបានខ្ពស់ និងមិនត្រូវភ័យខ្លាចក្នុងការធ្វើការពិនិត្យឆ្លុះពោះវៀនធំ ដើម្បីរកមូលហេតុ និងរោគវិនិច្ឆ័យនៃជំងឺអោយបានច្បាស់លាស់ ក្នុងគោលបំណងចៀសវាងភាពធ្ងន់ធ្ងរ និងទទួលបានការព្យាបាលបានចំមុខជំងឺ និងទាន់ពេលវេលាផងដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម