២. ឈប់ជក់បារី
ទន្ទឹមនឹងនេះ ការញ៉ាំគ្រឿងស្រវឹងជាកត្តាចម្បងដែលនាំឲ្យកើតជំងឺមហារីកផ្សេងៗ រួមទាំងជំងឺមហារីកសុដន់ផងដែរ។ ជាក់ស្ដែង ស្ត្រីដែលជក់បារីប្រឈមនឹងហានិភ័យខ្ពស់នៃជំងឺមហារីកសុដន់ ។ សម្រាប់អ្នកដែលចាប់ផ្ដើមជក់បារីនៅមុនពេលសម្រាលកូនដំបូង និងបន្តជក់លើសពី២០ឆ្នាំ មានហានិភ័យនៃការកើតជំងឺមហារីកប្រភេទនេះដល់ទៅ៣៥%។
៣. ហាត់ប្រាណជាទៀងទាត់
ការហាត់ប្រាណជាទៀងទាត់ មានគុណប្រយោជន៍ជួយពង្រឹងសុខភាព ក៏ដូចជាកាត់បន្ថយហានិភ័យនៃជំងឺមហារីកសុដន់។ ដើម្បីទទួលបានអត្ថប្រយោជន៍ទាំងនេះ គ្នាយើងគប្បីហាត់ប្រាណយ៉ាងហោចណាស់១៥០នាទីក្នុងមួយសប្ដាហ៍។

៤. ញ៉ាំរបបអាហារល្អៗ
ការញ៉ាំអាហារល្អៗ ដូចជាបន្លែ ផ្លែឈើ អាចជួយប្រយុទ្ធប្រឆាំងនឹងជំងឺមហារីកសុដន់យ៉ាងមានប្រសិទ្ធភាព។ មួយវិញទៀត យើងគប្បីញ៉ាំអាហារដែលសម្បូរសារធាតុប្រឆាំងនឹងអុកស៊ីតកម្មខ្ពស់ដែលរួមមាន ការ៉ុត ល្ពៅ បន្លែស្លឹកបៃតង ដំឡូងជ្វា ផ្សិត និងទទឹម ជាដើម។ បន្ថែមពីនេះ យើងគប្បីបញ្ចូលវីតាមីនD ដែលមាននៅក្នុងត្រីសាល់ម៉ុន និងស៊ុតលឿង ក្នុងរបបអាហារផងដែរ។
៥. បំបៅដោះកូន
ការបំបៅដោះកូនមិនត្រឹមតែកាត់បន្ថយឱកាសក្នុងការវិវត្តនៃជំងឺមហារីកនោះទេ តែថែមទាំងជួយកាត់បន្ថយហានិភ័យនៃជំងឺមហារីកក្រពេញអូវែ ដោយការពារការបញ្ចេញអូវុលថែមទៀតផង។ ដូច្នេះហើយ ម៉ាក់គប្បីបំបៅដោះកូនយ៉ាងហោចណាស់ឲ្យបាន៦ខែ ដើម្បីទទួលបានអត្ថប្រយោជន៍ដល់ទាំងម្ដាយ និងទារក។