អាលែកហ្ស៊ីចំណីអាហារ គឺកើតឡើងពីប្រភេទអាហារជាក់លាក់ណាមួយរំញោចឲ្យប្រព័ន្ធភាពស៊ាំរបស់យើងបង្កើតការឆ្លើយតបមិនប្រក្រតីណាមួយ។ តើអាលែកហ្ស៊ីនឹងចំណីអាហារមានអាការៈម៉េចខ្លះ? ហើយអាហារណាខ្លះច្រើនធ្វើឲ្យមនុស្សយើងអាលែកហ្ស៊ី?
អាលែកហ្ស៊ីនឹងចំណីអាហារ មានរោគសញ្ញាទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. អ្វីជាបញ្ហាអាលែកហ្ស៊ីម្ហូបអាហារ?
បញ្ហាអាលែកហ្ស៊ីនេះ កើតឡើងដោយសារប្រព័ន្ធភាពស៊ាំរបស់យើងច្រឡំប្រូតេអ៊ីនក្នុងអាហារមួយចំនួនថាជាសារធាតុបង្កគ្រោះថ្នាក់។ ពេលនោះ រាងកាយរបស់យើងនឹងចេញវិធានការការពារមួយចំនួន ដោយរួមទាំងបញ្ចេញសារធាតុគីមីដូចជាហ៊ីស្តាមីន ដែលនាំឲ្យមានការរលាកកើតឡើង។
សម្រាប់គ្នាយើងដែលមានបញ្ហាអាលែកហ្ស៊ីទៅនឹងចំណីអាហារ សូម្បីប៉ះពាល់ជាមួយនឹងចំនួនអាហារតិចតួចក៏អាចធ្វើឲ្យមានប្រតិកម្មអាលែកហ៊្សីបានដែរ។
រោគសញ្ញាអាលែកហ្ស៊ីចំណីអាហារអាចកើតមានពីរបីនាទីក្រោយញ៉ាំអាហារ ឬអាចរហូតដល់ពីរបីម៉ោងក្រោយញ៉ាំអាហារក៏មាន។ ខាងក្រោមនេះជារោគសញ្ញាមួយចំនួនដែលអាចកើតមាន៖
- ហើមអណ្ដាត មាត់ ឬមុខ
- ពិបាកដកដង្ហើម
- សម្ពាធឈាមធ្លាក់ចុះ
- ក្អួត
- រាក
- ឡើងកន្ទ្រាលត្រអាក និង
- កន្ទួលរមាស់ ជាដើម។
ក្នុងករណីធ្ងន់ធ្ងរខ្លះ ការអាលែកហ្ស៊ីនឹងចំណីអាហារអាចបង្កឲ្យមានអាការៈអាលែកហ្ស៊ីធ្ងន់ធ្ងរ។ រោគសញ្ញាអាចមានយ៉ាងឆាប់រហ័ស រួមមានកន្ទួលរមាស់ ហើមបំពង់ក ឬអណ្ដាត ដង្ហើមខ្លី និងសម្ពាធឈាមចុះទាប។ ករណីកម្រខ្លះ អាចបណ្ដាលឲ្យបាត់បង់ជីវិតទៀតផង។
២. ប្រភេទអាហារច្រើនបង្កឲ្យមានអាលែកហ្ស៊ី
- ទឹកដោះគោ៖ អាលែកហ្ស៊ីទឹកដោះគោ ច្រើនកើនលើក្មេងមានអាយុក្រោមបីឆ្នាំ។ ដើម្បីកុំឲ្យកើតមានបញ្ហានេះ ក្មេងដែលជួបអាលែកហ្ស៊ីនឹងទឹកដោះគោ ត្រូវចៀសវាងអាហារធ្វើពីទឹកដោះគោ និងទឹកដោះគោ។
- ស៊ុត៖ ស៊ុតជាអាហារមួយប្រភេទ ដែលច្រើនបង្កឲ្យមានបញ្ហាអាលែកហ្ស៊ីដែរ ដោយសារផ្នែកពណ៌សរបស់ស៊ុត។ វិធីព្យាបាលបញ្ហានេះ គឺកុំដាក់ស៊ុតចូលក្នុងរបបអាហារ។ យ៉ាងណា មានមនុស្សខ្លះ ថ្វីបើអាលែកហ្ស៊ីនឹងស៊ុតមែន តែអាហារមួយចំនួនផ្សុំពីស៊ុត មិនបង្កឲ្យមានបញ្ហានេះចំពោះអ្នកទាំងនោះទេ។
- គ្រាប់ផ្លែឈើ៖ គ្រាប់ផ្លែឈើដូចជាគ្រាប់ស្វាយចន្ទី គ្រាប់អាល់ម៉ុន និង Walnutsជាដើម សុទ្ធតែអាចបង្កឲ្យមានបញ្ហាអាលែកហ្ស៊ី។ ដើម្បីចៀសវាងបញ្ហានេះ យើងដែលមានអាលែកហ្ស៊ីនឹងគ្រាប់ផ្លែឈើ ត្រូវដកប្រភេទគ្រាប់ផ្លែឈើទាំងនេះចេញពីរបបអាហារ។
- សណ្ដែកដី៖ សណ្ដែកដី ក៏មិនខុសពីគ្រាប់ផ្លែឈើដែរ អាចបង្កឲ្យមានប្រតិកម្មអាលែកហ្ស៊ីធ្ងន់ធ្ងរបាន។ វិធីព្យាបាល គឺអ្នកមានអាលែកហ្ស៊ីនឹងសណ្ដែកដី ត្រូវដកសណ្ដែកដីចេញពីរបបអាហារ។
- គ្រឿងសមុទ្រ៖ ពពួកគ្រឿងសមុទ្រ ដូចជាពពួកបង្គា បង្កង អយស្ទ័រ ក៏ជាអាហារភ្ញោចឲ្យមានប្រតិកម្មអាលែកហ្ស៊ីលើមនុស្សមួយចំនួនដែរ។ ប្រូតេអ៊ីនម្យ៉ាង ឈ្មោះថា tropomyosin ជាអ្នកភ្ញោចឲ្យមានប្រតិកម្មនេះ។ វីធីព្យាបាលគឺ បើយើងប្រតិកម្មទៅនឹងអាហារទាំងនេះ ត្រូវដកវាចេញពីរបបអាហារ។
- សណ្ដែក៖ គ្នាយើងមួយចំនួនក៏អាចមានប្រតិកម្មអាលែកហ៊្សីទៅនឹងនឹងសណ្ដែកដូចគ្នា ពិសេសលើទារក និងក្មេងៗអាយុក្រោមបីឆ្នាំ។ បើយើងមានបញ្ហាប្រតិកម្មអាលែកហ្ស៊ីនឹងប្រភេទសណ្ដែកណាមួយ ត្រូវដកវាចេញពីរបបអាហារ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម