គ្មានអ្នកណាចង់ឲ្យមាត់របស់ខ្លួនមានបញ្ហាក្លិនមាត់នោះទេ ព្រោះវាជាកត្តាមួយដែលរំខានដល់យើង និងដល់អ្នកដទៃនៅពេលយើងនិយាយគ្នា។ បញ្ហាក្លិនមាត់ភាគច្រើន បណ្ដាលមកបញ្ហាដែលមានក្នុងមាត់ធ្មេញ ប៉ុន្តែវាក៏អាចកើតមានដោយសារតែជំងឺដែលមាននៅក្នុងខ្លួនយើងផងដែរ។
កុំប្រហែស! ក្លិនមាត់អាចបញ្ជាក់ពីជំងឺផ្សេងៗទាំងនេះ ក្រៅពីបញ្ហាក្នុងប្រអប់មាត់
បើតាមមន្ទីរពេទ្យ កាល់ម៉ែត បានឲ្យដឹងថា ៨៥% នៃបញ្ហានេះ មានប្រភពមកពីក្នុងមាត់ និងមានកត្តាជំងឺផ្សេងៗក្រៅពីប្រអប់មាត់ដូចជា៖
តំបន់ច្រមុះ និងបំពង់ក៖ មានការលាកច្រមុះ និងការរលាកបំពង់ក
ប្រព័ន្ធដង្ហើម៖ ការរលាកទងសួត មានដុំសាច់ក្នុងសួត
ប្រព័ន្ធរំលាយអាហារក្រពះពោះវៀន៖ មានការភើមកជូរ និងមានការច្រាលទឹកអាស៊ីដ
ប្រព័ន្ធមេតាប៉ូលីស៖ ជំងឺតម្រងនោមមិនដំណើរការ ជំងឺទឹកនោមផ្អែម ជំងឺថ្លើមដំណាក់កាលខូច និងជំងឺប្រព័ន្ធប្រសាទវិកលវិទ្យា ឬអ្នកជំងឺមានអារម្មណ៍ដិតដាមជាប់ក្លិន។
មន្ទីរពេទ្យ កាល់ម៉ែត បន្តថា បញ្ហាក្លិនមានជារឿងដែលយើងជួបប្រទះរាល់ថ្ងៃ ហើយវាសំខាន់ក្នុងការប្រាស្រ័យទាក់ទងគ្នា ដូចនេះដើម្បីគ្រប់គ្រងបញ្ហាក្លិនមាត់បាន យើងអាចធ្វើតាមការណែនាំប៉ុន្មាននេះមាន៖
– ចៀសវាងចំណីអាហារដែលមានក្លិន
– ចៀសវាងការជក់បារី និងផឹកស្រា
– រក្សាសំណើមក្នុងមាត់ ញ៉ាំទឹកឲ្យបានគ្រប់គ្រាន់
– ដុសសម្អាតធ្មេញ និងអណ្ដាតមុនពេលចូលគេង
– ថែទាំសុខភាពមាត់ធ្មេញឲ្យបានល្អជាប្រចាំ
– ព្យាបាលមូលហេតុពិតប្រាកដ។
យកល្អ យើងត្រូវទៅជួបទន្តពេទ្យឲ្យបាន ១-២ដង/ឆ្នាំ ដើម្បីពិនិត្យធ្វើរោគវិនិច្ឆ័យ និងព្យាបាលតាមបច្ចេកទេសត្រឹមត្រូវ ហើយមិនគួរប្រើប្រាស់ផលិតផលបំបាត់ក្លិនមាត់ដោយខ្លួនឯង ដែលអាចបង្កហានិភ័យដល់សុខភាព។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម