រមួលក្រពើ គ្នាយើងអ្នកណាក៏ឆ្លងកាត់ដែរ បង្កឲ្យមានការឈឺចាប់ខ្លាំង ពេលខ្លះបើមិនរកវិធីទប់ស្កាត់ នឹងកើតឡើងម្ដងហើយម្ដងទៀត។ បញ្ហារមួលក្រពើ កើតឡើងញឹកញាប់បំផុត ចំពោះគ្នាយើងប្រើសាច់ដុំហួសប្រមាណ ដូចជា អត្តពលិក ឬវ័យចំណាស់ និងស្រីៗកំពុងពពោះជាដើម។ “Hello គ្រូពេទ្យ” នឹងប្រាប់វិធីដោះស្រាយបញ្ហារមួលក្រពើឲ្យទាំងអស់គ្នាបានដឹង។
តិចនិកងាយៗសម្រាប់អ្នកឧស្សាហ៍រមួលក្រពើ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មានការលើកឡើងថា រមួលសាច់ដំុ ឬរមួលក្រពើ បណ្ដាលមកពីអតុល្យភាពលំនឹងអេឡិចត្រូលីត និងកង្វះជាតិទឹក។ បញ្ហាថយចុះជាតិសូដ្យូម ប៉ូតាស្យូម ម៉ាញ៉េស្យូម ក្លរ និងកាល់ស្យូម ក៏ជាមូលហេតុរួមបញ្ចូលផងដែរ។ ម៉្យាងទៀតរមួលសាច់ដុំ ទាក់ទងនឹងការហាត់ប្រាណសាច់ដុំ (EAMC) ក៏មិនទាន់ច្បាស់នៅឡើយដែរ ព្រោះគ្មានភស្តុតាងបង្ហាញទំនាក់ទំនងរវាងគ្នានៅឡើយ ខណៈខាងក្រោមនេះ ជាវិធីការពារល្អបំផុតសម្រាប់គ្នាយើងរមួលក្រពើញឹកញាប់។
១- សម្រាក
ជាញឹកញាប់ រមួលសាច់ដុំទាក់ទងទៅនឹងការហាត់ប្រាណ EAMC កើតមាននៅពេលម្នាក់ៗចំណាយពេលហ្វឹកហាត់ច្រើនពេកមុនព្រឹត្តិការណ៍មកដល់។ ដូចជា ការរត់លឿនខ្លាំង ធ្វើឲ្យស្ថានការណ៍បន្ទាន់កើតមានភ្លាមៗចំពោះសាច់ដុំ។ ជួបបញ្ហាបែបនេះ គួរផ្អាកសកម្មភាពសិន ដើម្បីឲ្យសាច់ដុំដំណើរការឡើងវិញ ព្រោះអំឡុងពេលសម្រាក ជាលិកាថ្មីរបស់សាច់ដុំ ត្រូវបានពន្លឿនដើម្បីបង្កើតឡើងវិញ។
២- អង្គុយសណ្ដូកជើងត្រង់
ការស្រាវជ្រាវមួយលើកឡើងថា យើងគួរតែអង្គុយសណ្ដូកជើងត្រង់ ដើម្បីពន្លាសាច់ដុំ។ ការសណ្ដូកជើងត្រង់ ពន្លាសាច់ដុំ អាចបង្កើតឲ្យមានទំនាក់ទំនងជីវសាស្ត្រកម្លាំងជំរុញ។ ការស្រាវជ្រាវមួយចំនួន គាំទ្រពីប្រសិទ្ធិភាពលាតសន្ធឹងជាងើ និងពន្លាសាច់ដុំ ជួយព្យាបាលរមួលសាច់ដុំ ដែលជាប់ពាក់ព័ន្ធនឹងការហាត់ប្រាណ (EAMC) ហើយវិធីនេះ ជួយបង្កើនលំហូរឈាមទៅកាន់សាច់ដុំទៀតផង។
៣- ប្រើសូដ្យូម
ជាវិធីសាមញ្ញមួយព្យាបាលការរមួលសាច់ដុំ ឬរមួលក្រពើ គឺប្រើកម្ដៅតាមរយៈការញ៉ាំ ឬចាក់បញ្ចូលក្នុងសាច់ដុំ។ កង្វះជាតិទឹកក្នុងខ្លួន និងការបាត់បង់អេឡិចត្រូលីត ដូចជា សូដ្យូម ជាដើមចមបណ្ដាលរមួលក្រពើ។ សូដ្យូមធ្វើការរួមគ្នាជាមួយប៉ូតាស្យូម ម៉ាញ៉េស្យូម និងជាតិក្លរ ដើម្បីឲ្យមានតុល្យភាពរវាងអេឡិចត្រូត។
អត្ថបទពាក់ព័ន្ធ៖
- មូលហេតុទាំងនេះ ធ្វើឲ្យពិបាកផ្តាច់បារីបំផុត
- អាការៈស្រីៗពពោះតែងជួបញឹកញាប់នៅត្រីមាសទី២ និងវិធីដោះស្រាយ
៤- ផឹកទឹកឲ្យបានច្រើន
មធ្យោបាយសាមញ្ញនេះ ជួយមិនឲ្យខ្វះជាតិទឹកច្រើន ព្រោះពេលខ្វះជាតិទឹក ក៏ជាមូលហេតុបណ្ដាលឲ្យរមួលសាច់ដុំដូចគ្នា។ ការស្រាវជ្រាវមួយបង្ហាញថា ផឹកទឹកច្រើន អាចជួយការពារបានតិចតួច ពីបញ្ហារមួលសាច់ដុំ។ ហេតុនេះ គ្នាយើងគួរផឹកទឹកឲ្យបានច្រើន ពិសេសនៅពេលថ្ងៃក្ដៅខ្លាំង។
៥- ឈរ ឬដើរ
មនុស្សវ័យចំណាស់ ប្រហែលត្រូវការវិធីណាមួយដើម្បីកាត់បន្ថយអាការៈឈឺចាប់សាច់ដុំ។ វិធីងាយៗគួរធ្វើ គឺគ្រាន់តែឈរ ឬដើរតិចតួចប៉ុណ្ណោះ អាចជួយបន្ថយការរមួលក្រពើបាន។ ក្នុងការសម្ភាសន៍ជាមួយអ្នកមានបញ្ហារមួលសាច់ដុំសរុប ២៧នាក់ អ្នកស្រាវជា្រវទទួលបានចម្លើយគួរឲ្យទុកចិត្ត គឺក្នុងនោះ ១៩នាក់ អះអាងធ្វើបែបនេះជួយបានច្រើន ខណៈ ២១នាក់ អះអាងថា ឈរឬដើរ អាចជួយបន្ថយអាការៈរមួលក្រពើបានតុិចតួច។ ញ៉ាំអាហារមានជាតិប៉ូតាស្យូមខ្ពស់ អាចជួយទប់ទល់បញ្ហារមួលក្រពើបានដូចគ្នា ដោយអាហារទាំងនោះ មានដូចជា ចេក ប្រូខូលី និងដំឡូងជ្វា សុទ្ធតែមានជាតិប៉ូតាស្យូមខ្ពស់។
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម