home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ជួយអ្នកឆក់ខ្សែភ្លើង កុំឲ្យគ្រោះថ្នាក់ដល់ខ្លួនឯង ត្រូវចេះវិធីសង្គ្រោះបឋមមួយនេះ!

ជួយអ្នកឆក់ខ្សែភ្លើង កុំឲ្យគ្រោះថ្នាក់ដល់ខ្លួនឯង ត្រូវចេះវិធីសង្គ្រោះបឋមមួយនេះ!

​ឆក់​ខ្សែ​ភ្លើង ជា​ករណី​គ្រោះ​ថ្នាក់ឧស្សាហ៍កើត​មាន​បំផុត ខណៈកម្រិត​គ្រោះ​ថ្នាក់ អាស្រ័យលើ​ចរន្ត​ភ្លើង និង​កម្រិតវ៉ុលខ្ពស់ ឬ​ទាប អាច​បណ្តាល​ឲ្យ​ស្លាប់​ភ្លាមៗ។ យ៉ាង​ណា​ បើ​យើង​មិន​ធ្លាប់​ដឹង ឬ​ស្វែង​យល់​ពី​វិធី​សង្គ្រោះ​បឋម​ករណី​ឆក់​ខ្សែ​ភ្លើង​នោះ ហើយចង់​ចូល​ទៅ​ជួយ​ជន​រងគ្រោះ យើង​ខ្លួន​ឯង​ក៏​អាច​ក្លាយ​ជា​ជន​រង​គ្រោះ​ម្នាក់ទៀត។ ហេតុនេះ “Hello គ្រូពេទ្យ” នឹង​ណែនាំ​គ្នា​យើង ឲ្យ​យល់​ និង​ចេះ​ពី​វិធី​សង្គ្រោះ​បឋម​ករណី​ឆក់​ខ្សែ​ភ្លើង ដើម្បី​ចៀស​ផុត​ពី​គ្រោះ​ថ្នាក់​ខ្លួន​យើង និង​អាច​សង្គ្រោះ​ជីវិត​មនុស្ស​បាន។

១- ជំហាន​ទី​ ១

មិន​ត្រូវ​ប៉ះ​ជន​រង​គ្រោះ​ដោយ​ផ្ទាល់​នោះ​ទេ បើ​ឃើញ​ថា ជនរងគ្រោះ នៅ​តែ​ប៉ះ​ជាមួយ​​ខ្សែ​ភ្លើង ព្រោះ​ចរន្ត​អគ្គិសនី​​អាច​ឆ្លងមក​ឆក់​យើង​បាន។

២- ជំហាន​ទី​ ២

ខលទៅ លេខ​សង្គ្រោះ​បន្ទាន់ ១១៩ ដើម្បី​មក​ជួយ​ភ្លាម បើ​ជន​រង​គ្រោះ​ឆក់​ខ្សែ​ភ្លើង​មាន កម្រិត​វ៉ុល ខ្ពស់ ឬ​ត្រូវ​រន្ទះ​បាញ់។ មិន​ត្រូវ​ទៅ​ជិត ខ្សែ​ភ្លើង​នោះ​ទេ រហូត​ទាល់​តែ​បិទ​ថាមពល​រួច (បិទបារែត)។ ខ្សែ​​ភ្លើង​ប្រើ​ដើម្បី​រត់​ថាមពល​អគ្គិសនី​ខ្លាំង ​ជា​ទូទៅ ​គឺ​មិន​មាន​រុំ​ជ័រ​ពី​ក្រៅ​ទេ ដូច​នេះ​ត្រូវ​នៅ​ឲ្យ​ឆ្ងាយ​ពី​វា យ៉ាង​ហោច ៦ម៉ែត្រ ឬ​នៅ​ឲ្យ​ឆ្ងាយ​ជាង​នេះ​ បើ​ខ្សែ​នោះ​មិន​នៅ​ស្ងៀម ហើយ​បែក​ផ្កា​ភ្លើង។

៣- ជំហាន​ទី​ ៣

ត្រូវ​ដាក់​ជន​រង​គ្រោះ​នៅ​ក្នុង​ស្ថាន​ភាព​សុវត្ថិភាព លើក​លែង​តែ​​ស្ថិត​ក្នុងស្ថាន​ភាព​​គ្រោះ​ថ្នាក់​ធ្ងន់​ធ្ងរ។ ជំហាន​​ដំបូង ​ត្រូវ​ជម្លៀស​ជន​រង​គ្រោះ​ចេញ​ពី​កន្លែង​ឆក់ ឲ្យ​លឿន​តាម​ដែល​អាចធ្វើ​បាន​។ វិធី​ល្អ​បំផុត ​គឺ​ត្រូវ​បិទ​ប្រភព​ថាមពល​ភ្លើង ដូច​ជា​ ដក​ឌុយ​ភ្លើង ឬ​បិទ​បារែត​ភ្លើង​តែម្ដង។ ​បើ​មិន​អាច​ធ្វើ​​បាន​ ត្រូវ​ព្យាយាម​ប្រើ​វិធី​ផ្សេង​ទៀត ដើម្បី​យក​ជន​រង​គ្រោះ​ចេញ ដោយ​ប្រើ​សម្ភារៈ​​មិន​ឆ្លងចរន្ត (Insulating material) ដូច​ជា​ដំបង​ឈើ​ជា​ដើម។

អត្ថបទ​ពាក់​ព័ន្ធ៖

៤- ជំហាន​ទី ៤

បន្ទាប់​ពី​ជម្លៀស​ជន​រង​គ្រោះ​ហើយ បើជននោះ​សន្លប់ ត្រូវ​ហៅ​ទៅ​រថយន្ត​សង្គ្រោះ​បន្ទាន់​ភ្លាម លើក​លែង​តែ​មាន​គ្នា​យើង​ណា​​ម្នាក់ ដឹង​ពី​មូលដ្ឋាន​គ្រឹះ និង​ចេះ​ធ្វើ​វិធី​សង្គ្រោះ​បឋម​ប៉ុណ្ណោះ​ ទើប​អាច​បន្ត​ការ​សង្គ្រោះបាន។

៥- ជំហាន​ទី​ ៥

ពេលរង​គ្រោះ​ដឹង​ស្មារតី ហើយ​មើល​ទៅ​ប្រសើរ​ក៏​ដោយត្រូវ​ពិនិត្យ​ស្ថាន​ភាព​ដែរ ដោយ​សារ​តែ​ឥទ្ធិពល​ឆក់​ អាច​នឹង​មិន​បង្ហាញ​ភ្លាម​ៗ​ទេ។ ក្នុង​ករណី​ធ្ងន់​ធ្ងរ​ខ្លាំង ការ​ឆក់​ខ្សែ​ភ្លើង​ អាច​នឹង​បង្ក​ឲ្យ​មាន​ស្ថាន​ភាព​មួយ​ហៅថា Electroporation ដែល​កោសិកា​នៅ​ក្នុង​រាង​កាយ ខូច​ធ្លុះ​ធ្លាយ នាំ​ឲ្យ​ជាលិកា​ងាប់ ខណៈ​បញ្ហា​ច្រើន​ជាង​នេះ អាចមាន រលាក​ជ្រៅ ខូច​សាច់ដុំ និង​បាក់​ឆ្អឹងទៀត​ផង។

៦- ជំហាន​ទី​ប្រាំ ៦

ប្រព័ន្ធ​ចរន្ត​ភ្លើង ទាំង​នៅ​ផ្ទះ ឬ​នៅ​កន្លែង​ការងារ គួរ​ប្រើ​ឌីស្យុងទ័រ (RCD) ព្រោះ​​អាច​ការ​ពារ​ពី​គ្រោះ​ថ្នាក់​​ឆក់​ខ្សែ​ភ្លើង​បាន។ ទោះ​បី​​មិន​អាច​ធានា​សុវត្ថិភាព​ពេញលេញ តែ​​អាច​កំណត់​ពេល​ចរន្ត​រត់​នៅ​ក្នុង​រាង​កាយ​ នៅ​ពេល​យើង​ប៉ះ​ប្រភព​អគ្គិសនី។ មាន​ការ​ណែនាំឲ្យ​ប្រើ​ឌីស្យុងទ័រ​នៅ​ពេល​មាន​ឧបករណ៍​អគ្គិសនី​ណា​មួយ​នៅ​ក្នុង​សួន​ច្បារ ហើយ​ឌីសុងទ័រ​គួរ​តែ​គ្រប​ក្នុង​ប្រអប់​មួយ ​ដើម្បី​គ្រប់​គ្រង​ភ្លើង​នៅ​ក្នុង​ផ្ទះ។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Eletrical shock: First aid. http://www.mayoclinic.org/first-aid/first-aid-electrical-shock/basics/art-20056695 Accessed: 8 February, 2017

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ គឹម កាណែល
កែ 04/09/2019
x