home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ញ៉ាំ​ផ្លែ​ឈឺរី​​ ពេល​ពពោះផ្ដល់​ប្រយោជន៍​ច្រើន​ចំពោះ​ម្ដាយ​ និងកូន​​​​​​​​​​​​​​​​

ញ៉ាំ​ផ្លែ​ឈឺរី​​ ពេល​ពពោះផ្ដល់​ប្រយោជន៍​ច្រើន​ចំពោះ​ម្ដាយ​ និងកូន​​​​​​​​​​​​​​​​

ជា​ទូទៅ​ ស្ត្រី​ពពោះ​ត្រូវ​បាន​ណែនាំ​ឲ្យ​ញ៉ាំ​អាហារ​ដែល​សំបូរ​ទៅ​ដោយ​វីតាមីន​ និង​ជាតិ​រ៉ែ​។​ ក្នុង​ចំណោម​ផ្លែឈើ​ទាំងឡាយ​ដែល​​ស័ក្ដិសម​សម្រាប់​ស្ត្រី​ពពោះ​ ​​ផ្លែ​ឈឺរី​គឺ​ជា​ផ្លែឈើ​ដែល​មាន​គុណប្រយោជន៍​យ៉ាង​ច្រើន​ ពីព្រោះ​វា​គឺ​ជា​ប្រភព​ដ៏​ល្អ​នៃ​វីតាមីន​C។ យ៉ាង​ណា​មិញ​ ​ម៉ាក់​ៗ​មួយ​ចំនួន​​ក៏​ជួប​បញ្ហា​អាលែកហ្ស៊ី​ជាមួយ​នឹង​ផ្លែ​ឈឺរី​ផង​ដែរ។ ក្នុង​ករណី​ដែល​យើង​មិន​មាន​បញ្ហា​អាលែកហ្ស៊ី​នឹង​ផ្លែឈើ​មួយ​ប្រភេទ​នេះ​ ម៉ាក់​ៗ​​​គប្បី​យល់​ដឹង​អំពី​អត្ថប្រយោជន៍​ និង​ផល​ប៉ះពាល់​ ដើម្បី​ជៀសវាង​បញ្ហា​សុខភាព​ផ្សេងៗ​អំឡុង​ពេល​ពពោះ​។

តើ​យើង​អាច​ញ៉ាំ​ផ្លែ​ឈឺរី​​អំឡុង​ពេល​មាន​គភ៌​បាន​ដែរ​ឬ​ទេ​?

​​​​នៅ​អំឡុង​​ពេល​មាន​គភ៌​​ ម៉ាក់​ៗ​អាច​ញ៉ាំ​ផ្លែ​ឈឺរី​បាន​​ដោយ​សុវត្ថិភាព​។​ ផ្លែ​ឈើ​មួយ​ប្រភេទ​នេះ​មាន​ផ្ទុក​វីតាមីន​C និង​សារធាតុ​ចិញ្ចឹម​ដទៃ​ទៀត​ ដែល​អាច​ជួយ​​បង្កើន​ប្រព័ន្ធ​ភាព​ស៊ាំ​​​ដល់​ម៉ាក់​ៗ ក្នុង​ការ​​ប្រយុទ្ធ​ប្រឆាំង​នឹង​ជំងឺ​ផ្សេង​ៗ​។​

សារធាតុ​ចិញ្ចឹម​នៅ​ក្នុង​ផ្លែ​ឈឺរី​

​​សារធាតុ​ចិញ្ចឹម​សំខាន់​ៗ​ដែល​មាន​នៅ​ក្នុង​ផ្លែ​ឈឺរី​​មួយ​ពែង​ រួម​មាន​៖

  • កាឡូរី ៩៧
  • កាបូអ៊ីដ្រាត ២៥​ក្រាម​
  • វីតាមីន​C ១៨%​នៃ​តម្លៃ​ប្រចាំ​ថ្ងៃ​
  • ជាតិ​សរសៃ​ ៣​ក្រាម​
  • ប្រូតេអ៊ីន​ ២​ក្រាម​
  • ប៉ូតាស្យូម​ ១០%​នៃ​តម្លៃ​ប្រចាំ​ថ្ងៃ​
  • ម៉ង់ហ្គាណែស ៥%​នៃ​តម្លៃ​ប្រចាំ​ថ្ងៃ​
  • ស្ពាន់​ ៥%​ នៃ​តម្លៃ​ប្រចាំ​ថ្ងៃ

ផ្លែឈើរី២

អត្ថប្រយោជន៍​នៃ​ការ​ញ៉ាំ​ផ្លែ​ឈឺរី​ អំឡុង​ពេល​មាន​គភ៌​

  • ​ជំរុញ​លំហូរ​ឈាម​ទៅ​កាន់​សុក​ ដែល​ផ្ដល់​អាហារូបត្ថម្ភ​ និង​អុកស៊ីសែន​ដល់​ទារក​។
  • ពង្រឹង​ប្រព័ន្ធ​ភាព​ស៊ាំ​
  • ​ប្រឆាំង​នឹង​អាការៈ​ក្អួត​ចង្អោរ អំឡុង​ពេល​មាន​គភ៌​
  • ​ការពារ​ការ​ទល់​លាមក​ និង​ជួយ​​សម្រួល​ដល់​ការ​បន្ទោបង់​
  • កម្ចាត់​អាការៈ​រាករូស
  • ការពារ​ពី​ជំងឺ​ស្លេកស្លាំង អំឡុង​ពេល​ពពោះ​
  • ជួយ​ការពារ​ជំងឺ​ថប់បារម្ភ​ និង​ធ្វើ​ឲ្យ​គេង​លក់​ស្រួល
  • ​ការពារ​កោសិកា​សរសៃ​ប្រសាទ និង​​ធ្វើ​ឲ្យ​សុខភាព​ខួរ​ក្បាល​របស់​ទារក​ក្នុង​ផ្ទៃ​មាន​ភាព​​ប្រសើរ​ឡើង​។​ វា​ថែម​ទាំង​ជួយ​កម្ចាត់​រោគ​ប្រកាំង​ ដែល​បណ្ដាល​មក​ពី​ការ​ប្រែប្រួល​កម្រិត​អ័រម៉ូន​អឹស្រ្តូសែន​។
  • បញ្ចៀស​អាការៈ​ហើម​អំឡុង​ពេល​មាន​គភ៌​
  • ការពារ​ការ​រលាក និង​កង្វះ​ជាតិ​ទឹក​នៅ​ក្នុង​រាងកាយ​
  • បញ្ចៀស​ការ​អស់​កម្លាំង​ ព្រម​ទាំង​ជួយ​គ្រប់គ្រង​កម្រិត​សម្ពាធ​ឈាម​​។​

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://parenting.firstcry.com/articles/eating-cherries-in-pregnancy-benefits-and-more/

https://parenting.firstcry.com/articles/eating-cherries-in-pregnancy-benefits-and-more/

 


អត្ថបទពាក់ព័ន្ធ

ម៉ាក់​ៗ​ដឹង​អត់?​​ សារធាតុសៗជាប់ស្បែកទារកមានប្រយោជន៍​អ្វី​ខ្លះ​?

អត្ថប្រយោជន៍​ និង​ផល​ប៉ះពាល់​​នៃសារាយ​សមុទ្រ​ ស្ត្រី​ពពោះ​គួរ​ដឹង​​​​​​​​​​​​​​​​​​​​​​​​​​​​​​​​​​​​​​​​​​​​

ផ្លែ​សាវម៉ាវ​មាន​អត្ថប្រយោជន៍​ច្រើន​ ចំពោះ​ស្ត្រី​ពពោះ​ ​​​​​​​​​​​​​​​​​​​​​​​​​​​​​​​​​​​​​​​​​​​​​​

អាថ៌កំបាំង​ទាំង​៥ ​មាន​ប្រយោជន៍​ច្រើន​ចំពោះ​​ស្ត្រី​ទើប​ពពោះ​ ​​​​​​​​​​​​​​​​​​​​​​​​​​​​​

អាការៈ​ក្អក​ស្ងួត​ពេលពពោះបណ្ដាល​មក​ពី​អ្វី? ដោះស្រាយ​បែប​ណា​?​​​​​​​​

ម៉ាក់ៗឆ្លងកូវីដ-១៩ ពេលពពោះ កូនក្នុងផ្ទៃមានហានីភ័យអីខ្លះ?​

ស្ត្រីពពោះ និងកំពុងបំបៅដោះកូន អាចចាក់វ៉ាក់សាំងកូវីដ ១៩ បានអត់?


រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 04/05/2021
ត្រួតពិនិត្យដោយ វេជ្ជ. ចាន់ ស៊ីណេត