home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ពេល​ពពោះ​ ម៉ាក់ៗ​​ញ៉ាំ​ផ្លែ​ផាសិន​បាន​ដែរ​អត់​?

ពេល​ពពោះ​ ម៉ាក់ៗ​​ញ៉ាំ​ផ្លែ​ផាសិន​បាន​ដែរ​អត់​?

ជាក់​ស្ដែង មាន​ផ្លែឈើ​ និង​បន្លែ​ជា​ច្រើន​ប្រភេទ​​ដែល​ផ្ដល់​អត្ថប្រយោជន៍​​ដ៏​ល្អ​ចំពោះ​​សុខភាព​ ប៉ុន្តែ​​​​ផ្លែឈើ​ និង​បន្លែ​ខ្លះ​ទៀត​កាន់​តែ​មាន​អត្ថប្រយោជន៍​បន្ថែម​​ អំឡុង​ពេល​ដែល​យើង​មាន​ផ្ទៃពោះ​​ ហើយ​ផ្លែ​ផាសិន​​ក៏​ស្ថិត​ក្នុង​ចំពោះ​ផ្លែឈើ​ដ៏​ល្អ​បំផុត​សម្រាប់​​ស្ត្រី​ពពោះ​ផង​ដែរ​។

តម្លៃ​អាហារូបត្ថម្ភ​នៃ​ផ្លែ​ផាសិន

ផ្លែ​ផាសិន​មាន​សារធាតុ​ចិញ្ចឹម​ជា​ច្រើន​ ដែល​​ផ្ដល់​គុណប្រយោជន៍​​ដល់​សុខភាព​​ទាំង​ចំពោះ​ម្ដាយ​ និង​ទារក​ក្នុង​ផ្ទៃ​។
សារធាតុ​ចិញ្ចឹម​ទាំង​នោះ​រួម​មាន​៖

  • វីតាមីន​សំខាន់​ៗ ដូចជា​វីតាមីន​A, B2 B3, B6 និង​C
  • ជាតិ​សរសៃ​ធម្មជាតិ​ និង​មាន​ផ្ទុក​សារធាតុ​រ៉ែ​សំខាន់​ៗ​ ដូចជា​ប៉ូតាស្យូម​ ម៉ាញ៉េស្យូម​ ផូស្វ័រ​ ទង់ដែង​ និង​ជាតិ​ដែក​។
  • មាន​បរិមាណ​វីតាមីន​C​ខ្ពស់​
  • ផ្លែ​ផាសិន​ចំនួន​១០០ក្រាម​ផ្ទុក​កាឡូរី​៩៧​

១. ជួយ​ដល់​ការ​រំលាយ​អាហារ​

អំឡុង​ពេល​ពពោះ​ ស្រី​ៗ​យើង​តែងតែ​មាន​​អាការៈ​ចុក​ពោះ​ និង​ពិបាក​ក្នុង​ការ​រំលាយ​អាហារ​ ដោយ​សារ​តែ​មាន​ការ​ផ្លាស់ប្ដូរ​ភ្លាម​ៗ​នៅ​ក្នុង​រាងកាយ​។​ ផ្លែ​ផាសិន​សំបូរ​ទៅ​ដោយ​ជាតិ​សរសៃ​ ដែល​អាច​ជួយ​ដោះស្រាយ​បញ្ហា​​រំលាយ​អាហារ​​បាន​យ៉ាង​មាន​ប្រសិទ្ធភាព​។

២. ជួយ​ពង្រឹង​ប្រព័ន្ធ​ភាព​ស៊ាំ

ជាមួយ​គ្នា​នេះ​ដែរ​ ផ្លែ​ផាសិន​ក៏​ជា​ប្រភព​ដ៏​ល្អ​នៃ​វីតាមីន​C ​ដែល​ជា​សារធាតុ​ប្រឆាំង​​អុកស៊ីតកម្ម​ ព្រម​ទាំង​ជា​​រូបមន្ត​ធម្មជាតិ​ដ៏​ពិសេស​ក្នុង​ការ​បញ្ចៀស​ជំងឺ​ផ្សេង​ៗ​ ដោយ​ការ​ពង្រឹង​ប្រព័ន្ធ​ភាព​ស៊ាំ​។​ ផ្លែ​ផាសិន​ចំនួន​១០០​ក្រាម​ មាន​វីតាមីន​C​​ច្រើន​ជាង​៥០%​។

៣. ​ជួយ​ឲ្យ​ឆ្អឹង​រឹងមាំ​

​ដោយ​សារ​តែ​ផ្លែ​ឈើ​មួយ​ប្រភេទ​នេះ​សំបូរ​ទៅ​ដោយ​ជាតិ​រ៉ែ ដូចជា​ផូស្វ័រ​ និង​កាល់ស្យូម​ វា​អាច​ជួយ​​ការពារ​ឆ្អឹង​របស់​ម៉ាក់​ៗ​​កុំ​ឲ្យ​ទន់​ខ្សោយ​ នៅ​អំឡុង​ពេល​ពពោះ​​។

៤. កាត់បន្ថយ​ជំងឺ​គេង​មិន​លក់​

បន្ថែម​ពី​នេះ​ ផ្លែ​ផាសិន​ក៏​ផ្ទុក​ទៅ​ដោយ​​សារធាតុ​Alkaloid ​ដែល​អាច​ជួយ​កាត់​បន្ថយ​​ជំងឺ​គេង​មិន​លក់​ ថប់​បារម្ភ​ និង​ភាព​រសេះរសោះ ​ដែល​តែងតែ​កើត​​ជា​ទូទៅ​ចំពោះ​ស្ត្រី​មាន​គភ៌។​ ពិត​ណាស់​ អំឡុង​ពេល​ពពោះ​ ការ​គេង​ឲ្យ​បាន​គ្រប់គ្រាន់​ និង​ស្កប់ស្កល់​គឺ​ជា​រឿង​ដ៏​សំខាន់​មួយ​។

ផ្លែផាសិន២

៥. ផ្ដល់​អត្ថប្រយោជន៍​​ចំពោះ​ស្បែក​

អំឡុង​ពេល​ពពោះ​ ​ស្បែក​របស់​ម៉ាក់​ៗ​តែងតែ​កើត​មាន​បញ្ហា​មុន​ ដោយ​សារ​តែ​បម្រែបម្រួល​អ័រម៉ូន​។​ ផ្លែ​ផាសិន​សំបូរ​ទៅ​ដោយ​វីតាមីន​A ដែល​ល្អ​​សម្រាប់​ពណ៌​ស្បែក​ ដូច្នេះ​ហើយ​ វា​នឹង​ជួយ​ឲ្យ​ម៉ាក់​ៗ​មាន​ស្បែក​ស្រស់​ថ្លា​ និង​ភ្លឺ​រលោង​។

៦. ជា​អាហារ​បំប៉ន​ដល់​សុខភាព​ភ្នែក​

អត្ថប្រយោជន៍​មួយ​ទៀត​នៃ​វីតាមីន​A គឺ​ជួយ​ពង្រឹង​សុខភាព​ភ្នែក​។​ ​វា​ក៏​កាត់​បន្ថយ​ឱកាស​នៃ​ការ​កើត​ជំងឺ​ខ្វាក់​មាន់​​ និង​ជំងឺ​ភ្នែក​ឡើង​បាយ​ចំពោះ​ស្ត្រី​កំពុង​ពពោះ​ថែម​ទៀត​ផង​។

៧. គ្រប់គ្រង​សម្ពាធ​ឈាម​បាន​ល្អ​

ទន្ទឹម​នឹង​នេះ​ដែរ​ ផ្លែ​ផាសិន​ក៏​ជួយ​គ្រប់គ្រង​សម្ពាធ​ឈាម​បាន​ល្អ​ ដោយ​សារ​តែ​វា​មាន​ជាតិ​ប៉ូតាស្យូម​ខ្ពស់​ ដែល​ជា​សារធាតុ​រ៉ែ​ដ៏​ចាំបាច់​សម្រាប់​រាងកាយ​។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

ញ៉ាំ​ផ្លែ​ឈឺរី​​ ពេល​ពពោះផ្ដល់​ប្រយោជន៍​ច្រើន​ចំពោះ​ម្ដាយ​ និងកូន​​​​​​​​​​​​​​​​

ម៉ាក់​ៗ​ដឹង​អត់?​​ សារធាតុសៗជាប់ស្បែកទារកមានប្រយោជន៍​អ្វី​ខ្លះ​?

អត្ថប្រយោជន៍​ និង​ផល​ប៉ះពាល់​​នៃសារាយ​សមុទ្រ​ ស្ត្រី​ពពោះ​គួរ​ដឹង​​​​​​​​​​​​​​​​​​​​​​​​​​​​​​​​​​​​​​​​​​​​

ផ្លែ​សាវម៉ាវ​មាន​អត្ថប្រយោជន៍​ច្រើន​ ចំពោះ​ស្ត្រី​ពពោះ​ ​​​​​​​​​​​​​​​​​​​​​​​​​​​​​​​​​​​​​​​​​​​​​​

ពោត​មាន​គុណ​ប្រយោជន៍​ច្រើន​ ល្អ​សម្រាប់​ស្ត្រី​ពពោះ​ និង​គភ៌​​​​​​​​​​​​​​​​​

ម៉ាក់ៗឆ្លងកូវីដ-១៩ ពេលពពោះ កូនក្នុងផ្ទៃមានហានីភ័យអីខ្លះ?​

រមាស់​ស្បែក​ពេលពពោះ សាកដោះស្រាយ​តាម​វិធីទាំង​នេះ​​​​​​​​​​​​​​​​​​​​​​​​​​​​​​​​​​​​​​​


រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 05/05/2021
ត្រួតពិនិត្យដោយ វេជ្ជ. ចាន់ ស៊ីណេត