ពេលដឹងខ្លួនថាមានផ្ទៃពោះភ្លាម ម៉ាក់ៗប្រាកដជាមានអារម្មណ៍សប្បាយរីករាយ ហើយរឿងបន្ទាប់ត្រូវធ្វើគឺការទៅពិនិត្យអេកូ ដើម្បីឲ្យប្រាកដចិត្ត។ ចំពោះបញ្ហាមើលអេកូ ពេទ្យមិនបានហាមប្រាមរឿងនេះទេ តែប្រសិនបើគិតតាមក្បួនខ្នាតម៉ាក់ៗអាចអេកូបាន ៤-៥ ដង ទម្រាំដល់ថ្ងៃសម្រាល។ នេះបើតាមសម្ដីលោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត។
លម្អិតរឿងអេកូផ្ទៃពោះតាមត្រីមាសនីមួយៗ ម៉ាក់ៗកាន់តែមានទំនុកចិត្ត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តើការពិនិត្យពេលពពោះស្ថិតនៅក្នុងដំណាក់កាលណាខ្លះ? ដើម្បីអ្វីទៅ? សាស្ត្រាចារ្យរូបនេះបានបន្តទៀតថា ការពិនិត្យមើលអេកូចែកចេញជា ៤ ដំណាក់កាលដូចខាងក្រោម៖
១- ត្រីមាសទី១
ក្នុងអំឡុងពេលនេះ ការអេកូមានសារសំខាន់ណាស់ ព្រោះដើម្បីកំណត់គភ៌ថានៅក្នុង ឬក្រៅស្បូន។ ប្រសិនបើនៅក្នុងមិនអីទេ តែបើក្រៅ គឺត្រូវយកចេញទាន់នៅតូច ដើម្បីកុំឲ្យកូនវិវត្តធំទៅៗ ព្រោះកាន់តែធំ ម៉ាក់ៗអាចមានគ្រោះថ្នាក់។
២- ត្រីមាសទី២
នៅពេលកូនចូលមកដល់ក្នុងត្រីមាសទី២ នេះ គេតម្រូវឲ្យមើលអេកូដើម្បីចង់ដឹងថាកូនមានការវិវត្តគ្រប់លក្ខណៈឬក៏អត់ កូនប្រុស ឬស្រី។ ប្រសិនបើពិនិត្យឃើញថា អវយវៈមានមិនគ្រប់នោះវេជ្ជបណ្ឌិតនឹងផ្ដល់ជាដំបូន្មានខ្លះៗទាក់ទិននឹងការយកចេញ តែការសម្រេចចិត្តស្ថិតនៅលើម៉ាក់ប៉ា។ ក្នុងករណីនេះទៀតសោត គ្មានថ្នាំណាដែលអាចលេបទៅអាចបង្គ្រប់សរីរាង្គកូនក្នុងផ្ទៃបានហើយ។
៣- ត្រីមាសទី៣
ចូលមកដល់ត្រីមាសទី៣ ការពិនិត្យអេកូគឺធ្វើឡើង ដើម្បីចង់ដឹងថាកូនបង្វិលក្បាលហើយឬនៅ? មានសុករុំកអត់?
៤- ត្រៀមសម្រាល
មុនសម្រាលនេះក៏សំខាន់ដែរ គឺដើម្បីចង់ច្បាស់ថាកូនបង្វិលចំឬនៅ? ទឹកភ្លោះយ៉ាងម៉េចហើយ? តើអាចកើតដោយធម្មជាតិ ឬកើតដោយវះកាត់?
វេជ្ជបណ្ឌិត គាន់ អូន ក៏បន្ថែមទៀតថា សម្រាប់អ្នកដែលមានជីវភាពធូរធារអាចមកផ្ទៀងផ្ទាត់រាល់ខែ ព្រោះកាលណាដឹងលទ្ធផល ឬបញ្ហាមុនអាចជួយបានច្រើន ជាពិសេសក្នុងត្រីមាសទី១ និង២ ព្រោះពេលនោះកូននៅតូចបើមានភាពមិនប្រក្រតីរបស់គភ៌ ឬសុខភាពមិនល្អ គ្រូពេទ្យនឹងឲ្យដំបូន្មានទៅម្ដាយគួរតែបញ្ឈប់គភ៌។ តែប្រសិនបើទុកនៅរហូតដល់កូនធំហានិភ័យចំពោះម៉ាក់ៗមានច្រើន។ មួយវិញទៀត ប្រសិនបើគភ៌មានបញ្ហាមិនស្រួលណាមួយ តម្រូវឲ្យពិនិត្យអេកូកាន់តែញឹក ដើម្បីតាមដាន និងចង់ដឹងស្ថានភាពបន្ត។
អត្ថបទពាក់ព័ន្ធ៖ ពិនិត្យអេកូពេលពពោះ មានប្រយោជន៍ច្រើនណាស់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម