ដើម្បីឲ្យគភ៌លូតលាស់បានល្អ គឺត្រូវការម្តាយម្នាក់ដែលមានសុខភាពល្អ និងអាហារូបត្ថម្ភល្អផងដែរ នេះបើតាមការលើកឡើងរបស់លោកស្រីវេជ្ជបណ្ឌិត ប្រាក់ សោភណ្ឌនារី អនុរដ្ឋលេខាធិការ ក្រសួងសុខាភិបាល។ ខាងក្រោមនេះជាគន្លឹះសំខាន់ៗក្នុងការថែទាំសុខភាពម្តាយពេលមានផ្ទៃពោះ និងរបបអាហារចាំបាច់ ដែលជួយឲ្យកូនក្នុងផ្ទៃលូតលាស់បានល្អ។
ទារកក្នុងផ្ទៃលូតលាស់បានល្អ អាស្រ័យលើកត្តាសំខាន់២នេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ម្តាយមានសុខភាពល្អ
កាលណាម្តាយមានសុខភាពល្អ គ្មានជំងឺដង្កាត់អ្វី កូនក្នុងផ្ទៃក៏មានសុខភាពល្អដូចគ្នា អ៊ីចឹងហើយស្រីៗមានផ្ទៃពោះត្រូវតែប្រយ័ត្នប្រយែង និងពិនិត្យសុខភាពឲ្យបានទៀងទាត់។
រឿងគួរធ្វើ៖
– ទៅពិនិត្យសុខភាពឲ្យបានទៀងទាត់ ហោចណាស់ឲ្យបាន ៤ដង
– ត្រូវចាក់ថ្នាំតេតាណុស
– ត្រូវលេបថ្នាំគ្រាប់ជាតិដែកឲ្យបានយ៉ាងតិច ៩០ គ្រាប់
– ញ៉ាំថ្នាំទម្លាក់ព្រូន ឬសត្វល្អិត
– សម្រាកឲ្យបានគ្រប់គ្រាន់
– ញ៉ាំអាហារចម្រុះមុខ។
ប្រការគួរចៀសវាង៖
– ការងារធ្ងន់ៗ
– កុំស្ត្រេសខ្លាំងពេក។
អត្ថបទពាក់ព័ន្ធ៖ មានរឿងអ្វីក៏ដោយ ពេលពពោះម៉ាក់ៗមិនត្រូវស្មុគស្មាញទេ ប៉ះពាល់កូនខ្លាំងណាស់
២. អាហារូបត្ថម្ភគ្រប់គ្រាន់
អំឡុងពពោះម្តាយត្រូវការអាហារូបត្ថម្ភទ្វេដង ដើម្បីចិញ្ចឹមខ្លួនឯងផង និងកូនក្នុងផ្ទៃពោះ។ ក្រៅពីញ៉ាំឲ្យច្រើន ម៉ាក់ៗក៏ត្រូវចេះជ្រើសរើសអាហារដែលមានប្រយោជន៍ចំពោះសុខភាពដែរ។
រឿងគួរធ្វើ៖
– ត្រូវញ៉ាំអាហារឲ្យបាន៥ពេល/ថ្ងៃ អាហារចម្បង៣ពេល និងអាហារសម្រន់ ២ពេល
– ញ៉ាំអាហារចម្រុះមុខ មាន ត្រី សាច់ ស៊ុត បន្លែ ផ្លែឈើ
– ញ៉ាំទឹកដោះគោ។
ប្រការគួរចៀសវាង៖
– ស្រា
– បារី
– កាត់បន្ថយ ឬឈប់ផឹកកាហ្វេ
– អាហារក្រៀមក្រោះ
– អាហារឆៅ ឬចម្អិនមិនបានឆ្អិនល្អ
– ត្រីសមុទ្រធំៗ ដែលសម្បូរជាតិបារ៉តខ្ពស់
– អាហារផ្អាប់ ប្រៃ ផ្អែមខ្លាំង និងអាហារខ្លាញ់ខ្លាំង
អត្ថបទពាក់ព័ន្ធ៖ ពេលពពោះគួរចៀសអាហារទាំងនេះ ទើបម្តាយ និងកូនមានសុខភាពល្អ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម