បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ពពោះ? សាកតិចនិកញ៉ាំអាហារប៉ុន្មានចំណុចនេះ ធានាល្អទាំងម៉ាក់ៗ និងបេប៊ី

ពិតណាស់ អំឡុងពេលពពោះ គ្នាយើងភាគច្រើន ញ៉ាំអីក៏មិនបានមែន ចាញ់នុ៎ះចាញ់! ប៉ុន្តែយ៉ាងណាត្រូវតែញ៉ាំ ព្រោះបើមិនញ៉ាំ អាចប៉ះពាល់ទាំងយើង និងគភ៌ក្នុងផ្ទៃ។ អត្ថនេះ “Hello គ្រូពេទ្យ’ នឹងណែនាំស្រីៗគ្នាយើង តិចនិកញ៉ាំអាហារខ្លះៗអំឡុងពេលពពោះ ធានាថា ល្អទាំងម៉ាក់ និងបេប៊ី។

១- កុំភ្លេចញ៉ាំអាហារព្រឹក

– ព្យាយាមញ៉ាំអាហារព្រឹកតាមអាចធ្វើបាន ដូចជាញ៉ាំផ្លែឈើ និងធញ្ញជាតិចម្រុះ Cereals គឺល្អចំពោះសុខភាព ព្រោះ Cereals មានផ្ទុកសារធាតុចញ្ចឹមជាច្រើន ពិសេសជាតិកាល់ស្យូមដែលរាងកាយយើងត្រូវការចាំបាច់អំឡុងពេលពពោះ។

– បើមានអារម្មណ៍ចាញ់ខ្លាំង មិនស្រួលខ្លួន អាចញ៉ាំរបស់ក្រៀមៗដូចជានំបុ័ងស្រូវសាលីក៏បាន បន្ទាប់មក ត្រូវញ៉ាំអាហារផ្សេងទៀតឲ្យបានច្រើននៅពេលព្រឹក។

២- ញ៉ាំអាហារមានជាតិសរសៃ

– ញ៉ាំអាហារចម្រុះឲ្យបានច្រើន គឺល្អសម្រាប់ស្រីៗពពោះ ដូចជាការ៉ុត បន្លែបៃតងចម្អិនរួច ចេក និងត្រសក់ស្រូវ។

– ញ៉ាំសណ្តែក និងគ្រាប់ធញ្ញជាតិទាំងមូល ឬអាចសាកល្បងអង្ករសម្រូប ឬអូដមៀល (oatmeal) ក៏ល្អដែរ។

៣- ជ្រើសរើសអាហារសម្រន់ល្អសម្រាប់សុខភាព

– អាចញ៉ាំយ៉ាអូរមានជាតិខ្លាញ់ទាប ឬគ្មានជាតិខ្លាញ់តែម្តង។

– អាចញ៉ាំនំគ្រាប់ធញ្ញជាតិ និងឈីសគ្មានជាតិខ្លាញ់បាន។

៤- ញ៉ាំវីតាមីន មានផ្ទុកជាតិដែក និងអាស៊ីដហ្វូលីករៀងរាល់ថ្ងៃ

ញ៉ាំពពួកវីតាមីនបំប៉នមានផ្ទុកសារធាតុទាំងពីរនេះរៀងរាល់ថ្ងៃ គឺល្អខ្លាំង និងចាំបាច់អំឡុងពេលពពោះ ព្រោះជាតិដែក ជួយឲ្យគ្រាប់ឈាមក្រហម ហើយមានសុខភាពល្អ ខណៈអាស៊ីដហ្វូលីក ជួយការពារគភ៌ពីបញ្ហាពិការពីកំណើត។

អត្ថបទពាក់ព័ន្ធ៖

៥- ញ៉ាំសាច់ត្រី ឬសត្វសមុទ្រមានសំបក

ក្នុងមួយសប្តាហ៍ ស្រីៗពពោះគួរញ៉ាំអាហារដូចជា ញ៉ាំសាច់ត្រី ឬសត្វសមុទ្រមានសំបក ឲ្យបានយ៉ាងហោចណាស់ ៣៤០ក្រាម ឬច្រើនជាងនេះ។

– អាហារញ៉ាំសាច់ត្រី ឬសត្វសមុទ្រមានសំបកមួយពេល តិចបំផុត ត្រូវឲ្យបាន ៨៥ក្រាម។

– ចៀសវាងសាច់ត្រី ឬសត្វសមុទ្រមានសំបកមានជាតិបារតខ្ពស់ ដូចជា ត្រីឆ្លាម ត្រីដាវ ស្តេចត្រីស្បៃកា និងត្រី Tilefish។

– បើញ៉ាំត្រីធូណា ត្រូវញ៉ាំសាច់ត្រីធូណាស ដែលច្រកកំប៉ុងរួច ព្រោះត្រីធូណាស (Albacore (white) tuna ) មានជាតិបារតខ្ពស់។

– បង្គា ត្រីសាល់ម៉ុន និងអំបូរត្រី catfish (សន្តានដូចត្រីអណ្តែង) គួរញ៉ាំឲ្យបានច្រើន ព្រោះមានជាតិបារតទាប។

អត្ថបទពាក់ព័ន្ធ៖

៦- អាហារថ្ងៃត្រង់ កុំញ៉ាំពពួកឈីសទន់ និងសាច់សុទ្ធ

អាហារមួយចំនួន មានផ្ទុកបាក់តេរី ដែលអាចនាំឲ្យប៉ះពាល់អូនៗក្នុងផ្ទៃ ហេតុនេះមិនត្រូវញ៉ាំនោះទេ ដូចជា៖

– ឈីសទន់ មាន Feta, Brie និង Goat cheese ជាដើម។

– សាច់សត្វ ឬសាច់ត្រី ឆៅ និងចម្អិនមិនឆ្អិនល្អ (Sushi)

– បើញ៉ាំអាហារថ្ងៃត្រង់មានសាច់ និងសាច់ក្រក ត្រូវប្រាកដថា ត្រូវចំហុយឆ្អិនល្អ។

៧- កំណត់ការផឹកកាហ្វេ និងកុំផឹកគ្រឿងស្រវឹង

– ត្រូវផឹកកាហ្វេ ឬតែ គ្មានផ្ទុកជាតិកាហ្វេអ៊ីន។

– ផឹកទឹកឲ្យបានច្រើន កុំផឹកទឹកក្រូច។

– កុំផឹកជាតិអាល់កុល។

ត្រួតពិនិត្យដោយ Editor HK

អត្ថបទដោយ សន សុភា · កែ 20/01/2021

ពពោះ? សាក​តិចនិក​ញ៉ាំ​អាហារ​ប៉ុន្មាន​ចំណុច​នេះ ធានា​ល្អ​ទាំង​ម៉ាក់ៗ និង​បេប៊ី

១- កុំ​ភ្លេច​ញ៉ាំ​អាហារ​ព្រឹក

២- ញ៉ាំ​អាហារ​មាន​ជាតិ​សរសៃ

៣- ជ្រើស​រើស​អាហារ​សម្រន់​ល្អ​សម្រាប់​សុខភាព

៤- ញ៉ាំ​វីតាមីន មាន​ផ្ទុក​ជាតិ​ដែក និង​អាស៊ីដ​ហ្វូលីក​រៀង​រាល់​ថ្ងៃ

៥- ញ៉ាំ​សាច់​ត្រី ឬ​សត្វ​សមុទ្រ​មាន​សំបក​

៦- អាហារ​ថ្ងៃ​ត្រង់ កុំ​ញ៉ាំ​ពពួក​ឈីស​ទន់ និង​សាច់​សុទ្ធ

៧- កំណត់​ការ​ផឹក​កាហ្វេ និង​កុំ​ផឹក​គ្រឿង​ស្រវឹង