home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

សប្តាហ៍ទី ២៥៖ បេប៊ីស្តាប់សំឡេងម៉ាក់ប៉ាបានកាន់តែច្បាស់

ការលូតលាស់គភ៌|បម្រែបម្រួលរាងកាយ|ការជួបជាមួយគ្រូពេទ្យ|សុខភាព និងសុវត្ថិភាព
សប្តាហ៍ទី ២៥៖ បេប៊ីស្តាប់សំឡេងម៉ាក់ប៉ាបានកាន់តែច្បាស់

ការលូតលាស់គភ៌

មានដឹង​អត់​អាអូននៅ​សប្តាហ៍ទី ២៥ នេះ​ប្លែក​អ្វី​ខ្លះ? លឿន​មែន​ទែន បេប៊ី​មាន​ទម្ងន់​ប្រហែល​ ៦៨០ ក្រាម ​និងមាន​ប្រវែង​ប្រមាណ ៣៧,៦ សង់ទីម៉ែត្រ។ ពេលនេះ​អាអូន​នឹង​ក្រោក​តែ​មួយភ្លែត​​ប៉ុណ្ណោះ​ហើយ​នឹង​គេង​សឹង​តែ​គ្រប់​ពេល។

ការ​កំរើក​របស់អាអូន​នឹង​ងាយ​ដឹង​នៅ​ពេល​យើងនៅ​ស្ងៀមស្ងាត់​។ ម៉ាក់​ប៉ា​ពិត​ជា​រំភើប ព្រោះ​បេប៊ី​ចាប់​ផ្តើម​វិវត្ត​​កាន់​តែ​ល្អ​ អាច​ស្តាប់​សំឡេង​យើង​កាន់​តែ​ច្បាស់ ដូច្នេះ​ព្យាយាម​និយាយ​ជាមួយ​អាអូន​​កាន់​តែ​ច្រើន កាន់​តែ​ល្អ។

បម្រែបម្រួលរាងកាយ

១- រាងកាយប្រែប្រួលអីខ្លះ?

សប្តាហ៍​នេះ​ម៉ាក់ៗកាន់​តែ​ពិបាក ដោយសារ​ការ​រំលាយ​អាហារ​មិន​បាន​ល្អ អ័រម៉ូន​ប្រូសេស្តេរ៉ូន​មិន​ត្រឹមធ្វើ​ឲ្យ​ក្រពះ​ទទេ​នោះ​ទេ ថែម​ទាំង​ធ្វើ​ឲ្យ​សន្ទះ​បិទ​បើក​ក្រពះរលា ​នាំឲ្យបិទ​មិន​បាន​ល្អ​ធ្វើ​ឲ្យ​ទឹក​អាស៊ីដ​ច្រាល់​ចេញ​ពី​ក្រពះ​ទៅ​បំពង់​អាហារ ដែល​យើង​គ្រប់​គ្នា​ស្គាល់​ថា​ភើរ ធ្វើឲ្យយើងលែងចង់​ញ៉ាំ​អ្វី​ទៀត។ ឯស្បូនវិញ​កាន់​តែ​ធំ សង្កត់​ទៅលើ​ក្រពះ​កាន់​តែ​ខ្លាំង​នៅ​ក្នុង​អំឡុង ២ ទៅ ៣ ខែ​ចុង​ក្រោយ​នេះ។ អ្វីដែល​យើង​គួរ​ធ្វើ​នៅ​ពេល​នេះ​ ​ញ៉ាំ​តិចៗ​តែ​ច្រើន​ដង​វិញ និង​ជៀសវាង​អាហារ​ហឹរ និង​ខ្លាញ់។

ចំណុចអីខ្លះគួរបារម្ភ?

ការ​អស់​កម្លាំង​ក្នុង​ត្រី​មាស​ទី១​ នឹង​បន្តមក​ដល់​ត្រីមាស​ទី២ ដូច្នេះ​ការ​ផ្តល់​អាហារ​ថាមពល​កាន់​តែ​ច្រើន យើង​​នឹង​មាន​អារម្មណ៍​កាន់​តែប្រសើរ។ ប៉ុន្តែ​នៅ​ក្នុង​ត្រីមាស​ចុង​ក្រោយ​នៃ​ការ​ពពោះ ស្រីៗ​យើង​ចាប់​ផ្តើម​ធ្ងន់ពោះ ​ចង់​តែ​សម្រាក និងគេង​ទៅ​លើ​សាឡុង​តែ​ប៉ុណ្ណោះ។ ដូចរាល់ដង​ការ​អស់​កម្លាំង​គឺ​ជា​សញ្ញា​ដែល​ត្រូវយក​ចិត្ត​ទុក​ដាក់ ដូច្នេះយើង​គួរ​តែ​ធ្វើ​លំហាត់​ប្រាណ​ណា​ដែល​អាចទៅ​រួច​សម្រាប់​សុខភាព​យើង និង​រក្សា​កម្រិត​ជាតិ​ស្ករ​ក្នុង​ឈាម​ជាមួយនឹង​អាហារ​សម្រន់​ដែល​ល្អ​សម្រាប់​សុខភាព។

ការជួបជាមួយគ្រូពេទ្យ

២- ប្រាប់អីខ្លះទៅពេទ្យ?

កង្វល់​របស់​ស្រីៗ​គ្នា​យើង គឺ​ការ​ចេញ​សង្វារ និង​រមាស់​ជុំវិញ​ពោះ។ រមាស់​ភាគច្រើន​ដោយសារ​មាន​សង្វារ​នៅ​លើ​ពោះ ភ្លៅ និង​ដៃ។ មិន​បាច់​ព្រួយ​ខ្លាច​មាន​​ស្នាម​មិន​ស្អាត​នោះ​ទេ បើ​ជួប​បញ្ហា​នេះ​គ្រូពេទ្យ​នឹង​ណែនាំ​ឲ្យ​លាប​ក្រែម​បំបាត់​សង្វារ ដូចជា​ពពួក Calamine។

តេស្តអីខ្លះចាំបាច់?

ការ​ជួប​គ្រូពេទ្យ​ជា​ប្រចាំ​នឹង​ក្លាយ​ជា​ទម្លាប់។ ពេល​ខ្លះ​យើង​អាច​ស្នើ​សុំ​គ្រូពេទ្យ​ពិនិត្យ​នូវ​បញ្ហាមួយចំនួនទោះបី​ជា​ការ​ពិនិត្យ​អាស្រ័យ​ទៅ​តាម​ស្ថានភាព​ជាក់​ស្តែង និង​ទម្លាប់​របស់ពេទ្យក៏ដោយ។

– ថ្លឹង​ទម្ងន់ និង​វាស់​សម្ពាធ​ឈាម

– ពិនិត្យ​ទឹកនោម​មើល​ជាតិស្ករ និងប្រូតេអ៊ីន

– ពិនិត្យ​ចង្វាក់​បេះដូង​កូន

– វាស់​ទំហំ​ស្បូន​ពី​ខាង​ក្រៅ

– វាស់​កម្ពស់​ស្បូន

– មើល​ហើម​ដៃ​ជើង និង​សរសៃ​វ៉ែន​ជើង​រីក​ធំ

– មើល​ជាតិ​ស្ករ​ក្នុង​ឈាម

– តេស្ត​ឈាម​រក​មើលជំងឺ​ស្លេកស្លាំង

– ចាក់​វ៉ាក់​សាំង​ប្រឆាំងរោគខាន់ស្លាក់។

សុខភាព និងសុវត្ថិភាព

៣- យើងត្រូវដឹងពីអីខ្លះ?
ញ៉ាំ​បានៗ តែ​យើង​មិន​មែន​ចេះ​ញ៉ាំ​គ្មាន​ប្រណី ឡើង​រាង​ធាត់​ដូច​ជ្រូក​នោះ​ទេ ការ​ឡើង​ទម្ងន់​អំឡុង​មាន​ផ្ទៃពោះ​ត្រូវ​មាន​កំណត់ និង​មាន​ការ​យល់​ព្រម​ពី​គ្រូ​ពេទ្យ។ ​ជា​រឿង​ល្អ​បើ​យើងឡើង​ទម្ងន់​មិន​ខ្លាំង​ពេក ព្រោះ​អាច​ផ្តល់​ផល​ប្រយោជន៏​យ៉ាង​ច្រើន​បន្ទាប់​ពី​យើង​សម្រាល​អា​អូន​រួច។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Poppy seed to pumpkin: How big is your baby?

http://www.babycenter.com/slideshow-baby-size. Accessed March 30, 2015.

Pregnancy calendar week 25. http://kidshealth.org/parent/pregnancy_center/pregnancy_calendar/week25.html. Accessed March 30, 2015.

Your pregnancy: 25 weeks. http://www.babycenter.com/6_your-pregnancy-25-weeks_1114.bc. Accessed March 30, 2015.

 

រូបថត​របស់​អ្នក​និពន្ធbadge
ដោយ Oum Voutha កែសម្រួល​ចុងក្រោយ 25/02/2019
ត្រួតពិនិត្យដោយ វេជ្ជ. ចាន់ ស៊ីណេត