ស្ត្រីមានផ្ទៃពោះគ្រប់រូបច្បាស់ជាព្រួយបារម្ភហើយរឿងសង្វារនៅលើពោះ ខា្លចលែងស្អាត កើតកូនហើយពោះមានសង្វារខ្លាំងពិបាកមើល។ ដូចនេះមានម៉ាក់ៗខ្លះ លាបឡេផ្តេសផ្តាសទៅលើពោះ ដើម្បីការពារកុំឲ្យកើតសង្វារខ្លាំង ដោយមិនដឹងថា វាមានប៉ះពាល់ដល់កូន ឬក៏អត់។
ចំពោះបញ្ហាមួយនេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យមិត្តភាពកម្ពុជា-ចិន បានបកស្រាយឲ្យដឹងថា ផលិតផលដែលជួយការពារសង្វារអំឡុងពេលពពោះមានខ្លះមិនប៉ះពាល់ ហើយក៏មានមួយចំនួនដែលអាចប៉ះពាល់ដល់កូនក្នុងផ្ទៃបានដែរ។ ផលិតផលដែលមានផលប៉ះពាល់ទាំងនោះអាច ជ្រាបតាមស្បែកចូលទៅសរសៃឈាម ហើយជាតិគីមីមាននៅក្នុងផលិតផលនោះអាចបណ្តាលឲ្យប៉ះពាល់ដល់កូន។
អត្ថបទពាក់ព័ន្ធ៖ ស្រីៗចែកតិចនិកងាយៗ បង្ការសង្វារពេលពពោះ និងសម្រាលកូន
លោកវេជ្ជបណ្ឌិត បានបញ្ជាក់ថា ឡេ ឬគ្រីមទាំងនោះអាចបណ្តាលឲ្យទារកមានបញ្ហាប្រឈមខាងក្រោមនេះ៖
– កើតមកមិនគ្រប់លក្ខណៈ
– កើតមុនខែ
– រលូត
– ឆែបមាត់ ក្រអូមមាត់
– កើតមិនគ្រប់គីឡូ
– ប៉ះពាល់ដល់ប្រាជ្ញាស្មារតីជាដើម។
ស្របគ្នានេះដែរ លោកវេជ្ជបណ្ឌិត បានណែនាំទៀតថា យកល្អមិនគួរប្រើពពួកឡេ ឬគ្រីមដែលការពារសង្វារក្នុងពេលពពោះទេ ព្រោះមិនត្រឹមតែផ្តល់ផលប៉ះពាល់ទេ វាមិនប្រាកដទេថា ផលិតផលអស់នោះពិតជាជួយការពារ ឬបំបាត់សង្វារបានមែន ឬយ៉ាងណា។ បើមិនចង់កើតសង្វារខ្លាំង ស្រ្តីពពោះៗ គួរញ៉ាំអាហារឲ្យបានត្រឹមត្រូវ ហាត់ប្រាណ រក្សាទម្ងន់តាមការណែនាំ និងរក្សាស្បែកឲ្យមានសំណើម តាមក្បួនធម្មជាតិទាំងនេះវិញទើបមិនគួរឲ្យបារម្ភ។
អត្ថបទពាក់ព័ន្ធ៖
- ទើបកើតកូនហើយ មិនចង់ឃើញស្នាមសង្វារ មានអីពិបាក
- បញ្ហានេះទាំងនេះស្រីៗពពោះជួបប្រទះដូចគ្នាទេ កុំយំតូចចិត្តខ្លួនឯងអី
- ពេលពពោះ ម៉ាក់ៗចេះតែរមាស់ពោះ មកពីកូនដុះសក់ ឬមកពីអ្វីផ្សេង?
- ពោះគ្មានស្នាមសង្វារ បើម៉ាក់ៗធ្វើរឿងទាំងនេះ
- ពេលប្រពន្ធពពោះ ប្ដីល្អមិនគួររំលងរឿងកំប៉ិកកំប៉ុកទាំងនេះឡើយ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
