ដ្បិតតែការពុលចំណីអាហារភាគច្រើនមានសភាពស្រាល ប៉ុន្តែវាក៏ធ្វើឲ្យយើងពិបាកនៅក្នុងខ្លួន មិនស្រណុកដែរ។ ខុសពីគ្នាយើងធម្មតា ស្ត្រីពពោះមានសុខភាពមិនរឹងមាំ ដូចនេះហើយបើទើបយើងត្រូវថ្នម ជាពិសេសត្រូវប្រយ័ត្នចំពោះចំណីអាហារដែលញ៉ាំចូលទៅ ចៀសវាងម៉ាក់ៗពុលចំណីអាហារ អាចប៉ះពាល់សុខភាពម៉ាក់ៗ និងកូនក្នុងផ្ទៃ។
ម៉ាក់ៗពពោះត្រូវប្រយ័ត្នអាហារញ៉ាំ ព្រោះបើពុលចំណីអាហារ អាចគ្រោះថ្នាក់ដល់គភ៌
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បើយើងពុលចំណីអាហារ មានន័យថា អាហារដែលយើងបានញ៉ាំនោះមានផ្ទុកមេរោគដូចជាពពួកបាក់តេរី វីរុស ឬប៉ារ៉ាស៊ីត ជាដើម។ល។ ប្រសិនបើម៉ាក់ៗពពោះ មានអាការៈពុលចំណីអាហារធ្ងន់ធ្ងរ វាអាចប៉ះពាល់ដល់អាអូនក្នុងផ្ទៃ ព្រោះអំឡុងពេលពពោះ ការប្រែប្រួលប្រព័ន្ធរំលាយអាហារ និងចលនាឈាមរត់អាចបង្កើនហានិភ័យនៃការពុលអាហារ។ នេះបើតាមការឲ្យដឹងរបស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន។
ប្រភេទនៃការពុលចំណីអាហារទូទៅទាំង៤ប្រភេទ និងផលពិបាករបស់វានីមួយៗ៖
Norovirus- អាចបង្កឲ្យមានបញ្ហាកង្វះអាហារូបត្ថម្ភក្នុងករណីកម្រមួយចំនួន
Listeria- អាចបណ្ដាលឲ្យមានបញ្ហាក្នុងការអភិវឌ្ឍន៍ប្រព័ន្ធសរសៃប្រសាទក្នុងរយៈពេលវែងរបស់ទារកក្នុងផ្ទៃ
E.coli- អាចបណ្ដាលឲ្យខូចសរសៃឈាម ឬខូចតម្រងនោម
Salmonella- អាចបង្កឲ្យមានជំងឺរលាកស្រោមខួរ រលាកសន្លាក់ និងឆ្លងមេរោគក្នុងឈាម (bacteremia)។
នៅក្នុងករណីធ្ងន់ធ្ងរខ្លះ ការពុលចំណីអាហារអាចបណ្ដាលឲ្យកូនស្លាប់ក្នុងពោះ ឬគំរាមរលូតបាន។ ដូចនេះហើយទើប វាសំខាន់សម្រាប់ស្ត្រីពពោះ ក្នុងការប្រុងប្រយ័ត្នចំពោះចំណីអាហារដែលម៉ាក់ៗញ៉ាំរាល់ថ្ងៃ។ លោកបន្តថា បើម៉ាក់ៗមានអារម្មណ៍ចង់ក្អួត ចង្អោរ ឬមានសញ្ញារួមផ្សំដូចជា ខ្សោះជាតិទឹក ឈឺក្បាល ក្ដៅខ្លួន ឈឺចុកពោះ ឬជុះមកមានឈាម ស្ត្រីពពោះត្រូវទៅជួបពិគ្រោះជាមួយគ្រូពេទ្យភ្លាម។
ម៉្យាងវិញទៀត ម៉ាក់ៗពពោះ អាចការពារខ្លួនពីការពុលចំណីអាហារ ដោយធ្វើតាមការណែនាំខាងក្រោមប៉ុន្មាននេះឲ្យបានខ្ជាប់ខ្ជួន នោះម៉ាក់ៗមិនចាំបាច់បារម្ភទៀតរួមមាន៖
– ដាក់អាហារឆៅ និងអាហារឆ្អិនឲ្យឆ្ងាយពីគ្នា
– ចៀសឲ្យផុតពីអាហារឆៅ ឬអាហារមិនបានសម្លាប់មេរោគ
– លាងបន្លែ ផ្លែឈើឲ្យបានស្អាត មុននឹងញ៉ាំ
– ពិនិត្យមើលថ្ងៃផុតកំណត់ឲ្យបានត្រឹមត្រូវ
– ចម្អិនអាហារឆៅឲ្យបានឆ្អិនល្អ សឹមញ៉ាំ(សាច់ បន្លែ…) ។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម