ការឆ្លុះមើលអេកូ អំឡុងពេលពពោះជាវិធីសាស្ត្រមានប្រសិទ្ធភាពមួយដែលអាចឲ្យយើងដឹងពីសុខភាពអាអូនក្នុងផ្ទៃបានច្បាស់ថា កូនលូតលាស់ប្រក្រតីឬក៏អត់។ ចុះពេលទៅពិនិត្យអេកូមួយលើកៗនោះ យើងត្រូវពិនិត្យមើលអ្វីខ្លះ?
ម៉ាក់ៗដឹងអត់ ពេលអេកូទាំង៥លើក គ្រូពេទ្យពិនិត្យសុខភាពគភ៌លើបញ្ហាអ្វីខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ស្ត្រីពពោះត្រូវពិនិត្យអេកូឲ្យបាន៥ដង ទៅតាមការណាត់ជួបរបស់គ្រូពេទ្យ ប៉ុន្តែក្នុងករណីណាមួយមិនធម្មតា ម៉ាក់ៗត្រូវពិនិត្យបន្ថែមទៀតទៅតាមស្ថានភាពជាក់ស្ដែង។ ការឆ្លុះអេកូ មិនមានផលប៉ះពាល់អ្វីឡើយដល់កូនក្នុងផ្ទៃ និងម៉ាក់ៗ ទោះបីម៉ាក់ៗឆ្លុះមើលច្រើនដងក៏ដោយ។ នេះបើតាមការឲ្យដឹងរបស់លោកវេជ្ជបណ្ឌិត សឿ ច័ន្ទវិសាល ឯកទេសសម្ភព និងរោគស្ត្រី។
ម៉ាក់ៗត្រូវដឹងថា ការពិនិត្យអេកូសាស្ត្រឲ្យបាន៥ដងនេះ មានសារៈសំខាន់ទៅតាមអាយុ និងការវិវត្តរបស់អាអូនក្នុងផ្ទៃដូច៖
លើកទី១ (នៅពេលបាត់រដូវ)
– តើកូនស្ថិតនៅក្នុង ឬក្រៅស្បូន
– ទារកកំពុងវិវត្ត ឬឈប់វិវត្ត
លើកទី២ (១២-១៥សប្ដាហ៍)
– កូនតែមួយ ឬភ្លោះ
– ដើម្បីកំណត់ថ្ងៃបង្កកំណើត និងថ្ងៃគ្រប់ខែ
– វាស់កម្រាស់កញ្ចឹងកកូន និងពិនិត្យ trisomie 21
– ភាពមិនប្រក្រតីរបស់ទារក
– សន្ទះទ្រូងចំហ
– ពោះវៀនចេញក្រៅ
– ទារកអត់លលាដ៍ក្បាល
- តើជាកូនពង ឬកូនធម្មតា
លើកទី៣ (២៣-២សប្ដាហ៍)
ជាអំឡុងពេលដែលអេកូសាស្ត្រមើលលម្អិត នូវគ្រប់សរីរាង្គរបស់ទារក៖
– ខួរក្បាល (មានទឹកក្នុងខួរក្បាល…)
– មុខ មាត់ ភ្នែក ច្រមុះ ត្រចៀក ក្រអូមមាត់ (មាត់ឆែប…)
– បេះដូង (បេះដូងប្រហោង…)
– សរីរាង្គខាងក្នុងអាអូនពេញលក្ខណៈ (សួត ពោះវៀន ថ្លើម…)
- ឆ្អឹងខ្នង សន្ទះទ្រូង
– អវយវៈ (លើស ឬខ្វះ)
លើកទី៤ (៣៣-៣៥សប្ដាហ៍)
– ការលូតលាស់ និងសុខភាពទារក
– ទម្រង់ និងទម្ងន់កូន
– ទីតាំងសុក
– បរិមាណទឹកភ្លោះ
– បញ្ហាផ្សេងៗទៀតដែលអាចកើតលើទារក
លើកទី៥ (ដល់ថ្ងៃកំណត់សម្រាលហើយ មិនឈឺពោះសម្រាល)
– តាមដានសុខភាពកូន (កូនខ្សោយ។ល។)
– តាមដានទឹកភ្លោះ (អស់ទឹកភ្លោះ ទឹកភ្លោះតិច ឬច្រើនពេក។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម