អំឡុងពពោះ និងសម្រាលកូន ជាពេលគ្រោះថ្នាក់បំផុត ស្រ្តីជាម្តាយអាចនឹងជួបហានិភ័យផ្សេងៗ ឈានដល់ស្លាប់។ ភាគច្រើននៃការស្លាប់អំឡុងពេលពពោះ និងសម្រាលកូនទាំងនេះ កើតឡើងនៅក្នុងសហគមន៍ក្រីក្រ តំបន់ដាច់ស្រយាលដូចជាទីជនបទជាដើម។ នេះបើតាមការឲ្យដឹងពីលោកវេជ្ជបណ្ឌិត ច័ន្ទ រស្មី ឯកទេសផ្នែកសម្ភព និងរោគស្ត្រី។

លោកវេជ្ជបណ្ឌិតបន្តថា ម៉ាក់ៗពពោះភាគច្រើនមានសុខភាពល្អ និងមិនមានបញ្ហាធ្ងន់ធ្ងរទេអំឡុងពេលពពោះ និងសម្រាលកូនក៏ពិតមែន ប៉ុន្តែ ស្រ្តីពពោះមួយចំនួនតូច នៅតែប្រឈមគ្រោះថ្នាក់នឹងការស្លាប់ជុំវិញបញ្ហាមានផ្ទៃពោះ និងការសម្រាលកូននេះ។

មូលហេតុផ្ទាល់ភាគច្រើននៃកាស្លាប់ពេលពពោះ និងពេលសម្រាល

១. កាធ្លាក់ឈាមច្រើនពេក

២. ការឆ្លងរោគ

៣. សម្ពាធឈាមខ្ពស់ (ក្រឡាភ្លើង)

៤. ការឈឺពោះសម្រាលអូសបន្លាយយូរ

ចំពោះករណីកាឈឺពោះសម្រាលកូនអូសបន្លាយយូរ កើតឡើងនៅពេលដែលទារកស្ថិតក្នុងទីតាំងទទឹងខ្លួននៅក្នុងស្បូន ឬទម្រង់ពិបាកដទៃផ្សេងៗទៀត ដែលទារកមិនអាចឆ្លងកាត់អាងត្រគាករបស់ម្ដាយបាន។

វេជ្ជបណ្ឌិតឯកទេសផ្នែកសម្ភព និងរោគស្ត្រីបានបន្ថែមថា ក្នុងអំឡុងពេលឈឺពោះសម្រាល និងពេលសម្រាល ស្ត្រីដែលមានសញ្ញាគ្រោះថ្នាក់ក្នុងពេលឈឺពោះសម្រាលត្រូវការបញ្ជូនទៅមន្ទីរពេទ្យ ក្នុងរយៈពេលក្រោម ២ម៉ោង បើមិនដូច្នោះទេ ម៉ាក់ៗ និងទារកអាចនឹងស្លាប់។

៤ មូលហេតុធំៗ បណ្ដាលឲ្យស្ត្រីស្លាប់ពេលពពោះ និងសម្រាលកូន

មូល​ហេតុ​ផ្ទាល់​ភាគច្រើន​នៃ​កា​ស្លាប់​​ពេល​ពពោះ និង​ពេល​សម្រាល

មូលហេតុផ្ទាល់ភាគច្រើននៃកាស្លាប់ពេលពពោះ និងពេលសម្រាល