ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ប្រសិទ្ធភាពថ្នាំប្រឆាំងប្រតិកម្មម៉ាក់ម៉ាក់ (Anti-D)
ពេលអង់ទីហ្សែនកូនចូលទៅក្នុងខ្លួនម៉ាក់ អង់ទីករ ផលិតចេញពីកោសិកាចងចាំម៉ាក់ ក៏ផលិតឡើង ប៉ុន្តែសំណាងដែរ បើសិនជាបានចាក់ថ្នាំប្រឆាំងប្រតិកម្ម វានឹងចូលទៅបំផ្លាញអង់ទីហ្សែន ដែលកើតមានប្រតិកម្មក្នុងខ្លួនម៉ាក់ចោលទាំងអស់ ដូចនេះប្រតិកម្មនឹងគ្មាន ហើយការមានផ្ទៃពោះនឹងប្រព្រឹត្តទៅធម្មតា។
២- វិធីចាក់ថ្នាំប្រឆាំងប្រតិកម្ម
ជាទូទៅ គ្រូពេទ្យនឹងចាក់ថ្នាំប្រឆាំងប្រតិកម្មនៅឯសាច់ដុំដើមដៃ ក្នុងចន្លោះសប្ដាហ៍ទី២៨-៣៤ ឬ សប្តាហ៍ទី២៨-៣០។ បើសង្ស័យថា មានប្រតិកម្មប្រឆាំង អាចចាក់បាននៅចន្លោះពេល ៧២ ម៉ោង (មុនពេលសម្រាល)។ យ៉ាងណាមិញ ទោះជាប៉ា និងម៉ាក់ មានរ៉េស៊ីសអវិជ្ជមានទាំង ២ ដូចគ្នា ក៏មិនត្រូវប្រហែសដែរ គួរចាក់ការពារ ព្រោះខ្លាចអូនអូនមានរ៉េស៊ីសវិជ្ជមានកាន់តែវីវរធំមិនខាន។
៣- Anti-Dផលិតពីសារធាតុអ្វីខ្លះមានសុវត្ថិភាពអត់?
សារធាតុមាននៅក្នុងថ្នាំ Anti-D គេយកចេញពីក្នុងប្លាស្មានៃឈាមយើងហ្នឹងឯង។ ដើម្បីផ្ដល់ឈាមបង្កើតថ្នាំនេះបាន យើងត្រូវធ្វើតេស្តពិនិត្យយ៉ាងហោចណាស់ ២ ដងឲ្យប្រាកដថាគ្មានមេរោគ ហ៊ីវ រលាកថ្លើម B រលាកថ្លើម C និងមេរោគផ្សេងៗទៀត។
ធម្មតា ថ្នាំប្រភេទនេះមិនបង្កគ្រោះថ្នាក់ធ្ងន់ធ្ងរដល់បេប៊ី និងម៉ាក់ៗទេ លើកលែងតែគ្នាយើងខ្លះធ្លាប់មានប្រតិកម្មជាមួយ IgA (សារធាតុប្រូតេអ៊ីនមួយប្រភេទ) ចឹងហើយរាល់ពេល និងក្រោយចាក់ ត្រូវតាមដានយ៉ាងតិច ២០ នាទីនៅមន្ទីរពេទ្យ មុនត្រលប់ទៅផ្ទះ។
៤- ចុះអូនៗកើតហើយត្រូវធ្វើដូចម្ដេចទៀត?
បន្ទាប់ពីសម្រាល គ្រូពេទ្យនឹងយកឈាមចេញពីទងសុក ហើយបូមឈាមម៉ាក់ យកទៅពិនិត្យរកមើលរ៉េស៊ីស និងអង់ទីហ្សែន ព្រោះថា បើមានវត្តមានអង់ទីហ្សែនអាអូនក្នុងឈាមម៉ាក់ ការចាក់ថ្នាំប្រឆាំងប្រតិកម្ម នឹងត្រូវធ្វើក្នុងអំឡុង ៧២ ម៉ោងក្រោយកើត ហើយកម្រិតថ្នាំអាស្រ័យលើកម្រិតអង់ទីហ្សែននៅក្នុងឈាមម៉ាក់ដូចពេទ្យរកឃើញ។ យ៉ាងណា អាអូន និងម៉ាក់ម៉ាក់មានរ៉េស៊ីសអវិជ្ជមានដូចគ្នានោះ គឺមិនបាច់បារម្ភឡើយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ