home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ប្រយ័ត្ន​បំផុត! ស្ត្រីពពោះ អាច​ប្រឈម​ជំងឺ​ដាច់​សរសៃឈាម​ខួរក្បាល

ប្រយ័ត្ន​បំផុត! ស្ត្រីពពោះ អាច​ប្រឈម​ជំងឺ​ដាច់​សរសៃឈាម​ខួរក្បាល

ជំងឺ​ដាច់​សរសៃ​ឈាម​ខួរ​ក្បាល លើសឈាម ​ទឹក​នោម​ផ្អែម ​សុទ្ធ​តែ​ជា​​បញ្ហា​សុខ​ភាព​ធំ​ជាង​គេ​ដែល​អាច​កើត​លើ​សុខភាព​ស្ត្រី​អំឡុង​ព​ពោះ​បាន។ តើ​បញ្ហា​ទាំង​នេះ អាច​ជះឥទ្ធិពល​ដល់​ម្ដាយ​ដែល​កំពុង​ពពោះ​អី​ខ្លះ? គួរ​ទប់ស្កាត់ ឬ​ដោះស្រាយ​យ៉ាង​ម៉េច? “Hello គ្រូពេទ្យ” នឹង​លម្អិត​ខាង​ក្រោម៖

១- ការមានផ្ទៃពោះ និងជំងឺដាច់សរសៃឈាមខួរក្បាល

ការ​ព្យាករ​បាន​បង្ហាញ​ថា​ ក្នុង​ចំណោម​ស្ត្រី ១០ ម៉ឺន​នាក់​ដែល​បាន​សម្រាល​កូន ​មាន ២ ទៅ ៧០ នាក់​ មាន​ជំងឺ​ដាច់​សរសៃ​ឈាម​ខួរ​ក្បាល។ ការ​ព្យាករ​នេះ​មើល​ទៅ​ដូច​ជា​តិច​តួច​ក៏​ពិត​មែន តែ​អាច​មាន ១០% នៃ​អ្នក​ជំងឺ​ដាច់​សរសៃ​ឈាម​ខួរ​ក្បាល​អាច​បណ្ដាល​ឲ្យ​ស្លាប់​បាន​ក្នុង​ពេល​មាន​ផ្ទៃ​ពោះ។ មិន​មែន​គ្រប់​ជំងឺ​ដាច់​សរសៃ​ឈាម​ខួរ​ក្បាល​កើត​លើ​ស្ត្រី​កំពុង​មាន​ផ្ទៃ​ពោះ​នោះ​ទេ​ មាន ១០% នៃ​ជំងឺ​នេះ កើត​ឡើង​មុន​ពេល​សម្រាល​កូន ឯ ៤០% ទៀត​កើត​ឡើង​ក្នុង​អំឡុង​ពេល​សម្រាល ​ហើយ ៥០% ផ្សេង​ទៀត​កើត​ក្នុង​អំឡុង​​រយៈ​ពេល ៦ សប្ដាហ៍​​បន្ទាប់​ពី​សម្រាល​កូន។

ឈឺចាប់ពេលពពោះ

២- រោគសញ្ញាគួរសង្កេត

រោគ​សញ្ញា​ទូទៅ​នៃ​ជំងឺ​ដាច់​សរសៃ​ឈាម​ខួរ​ក្បាល​មាន៖
– ការ​ធ្លាក់មុខ (វៀចមុខ)
– ដៃ​ខ្សោយ​គ្មាន​កម្លាំង
– ពិបាក​និយាយ។

ក្រៅ​ពី​ជំងឺ​ដាច់​សរសៃ​ឈាម​ខួរ​ក្បាល រោគ​សញ្ញា​ទាំង​នេះ​អាច​កើត​លើ​ស្ថាន​ភាព​សុខ​ភាព​ដទៃ​ទៀត​ ​ពេល​មាន​ផ្ទៃ​ពោះ ដូចជា ការ​ធ្លាក់​មុខ​អាច​ជា​សញ្ញា​នៃ​ជំងឺ Bell’s palsy ឬ​ការ​រលាក​សរសៃ​ប្រសាទ​លើ​ផ្ទៃ​មុខ។ ​ឯ​ការ​មាន​អារម្មណ៍​ថា​ស្ពឹក ឬ​ខ្សោយ​នៅ​ផ្នែក​ខាង​ក្នុង​នៃ​ដៃ អាច​បណ្ដាល​មក​ពី​ជំងឺ Carpal tunnel syndrome ដែល​អាច​កើត​មាន​ច្រើន​លើ​ស្ត្រី​មាន​ផ្ទៃ​ពោះ។

ជួន​កាល​ ក្រៅ​ពី​រោគ​សញ្ញា​ទាំង​នោះ រោគ​សញ្ញា​​ជំងឺ​ដាច់​សរសៃ​ឈាម​ខួរ​ក្បាល​អំឡុង​ពេល​មាន​ផ្ទៃ​ពោះ ​មាន ឈឺ​ក្បាលធ្ងន់ធ្ងរ ប្រកាច់ និង​ខ្សោយ​រាង​កាយ (ម្ខាង ឬ​ផ្នែក​ណា​មួយ)។ ពេលយើង​សម្គាល់​ឃើញ​ថា ​ខ្លួនយើង​មាន​សញ្ញា​ទាំង​នេះ​ ​ត្រូវ​ស្វែង​រក​ជំនួយ​ពី​គ្រូពេទ្យ​ជា​បន្ទាន់។

អត្ថបទពាក់ព័ន្ធ៖ ៨ចំណុច​សំខាន់ៗ ដែល​ស្ត្រី​មាន​ផ្ទៃ​ពោះគួរ​ដឹង កុំ​ចេះ​តែ​ធ្វើ​តគ្នា

៣- មូលហេតុ​ដាច់​សរសៃ​ឈាម​ខួរក្បាល​​អំឡុងពេល​ពពោះ

មាន​កត្តា​ហានិភ័យ​ជា​ច្រើន​ដែល​អាច​នាំ​ឲ្យ​មាន​ជំងឺ​ដាច់​សរសៃ​ឈាម​ខួរ​ក្បាល​​អំឡុង​ពេល​មាន​ផ្ទៃ​ពោះ។ ​អាច​បណ្ដាល​មក​ពី​ម្ដាយ​មាន​អាយុ​ច្រើន ​ធាត់ ឈឺ​ក្បាល​ប្រកាំង ជក់​បារី និង​ជំងឺ​សរសៃ​ឈាម​បេះ​ដូង ដូច​ជា​ ជំងឺ​បេះ​ដូង​ជា​ដើម។ ក្រៅ​ពី​កត្តា​ហានិភ័យ​ទូ​ទៅ នៅ​មាន​ជំងឺ​ទឹក​នោម​ផ្អែម​​អំឡុង​ពេល​ព​ពោះ ឡើង​សម្ពាធ​ឈាម​ខ្ពស់ ការ​ហូរ​ឈាម​ច្រើន​ក្រោយ​ពេល​សម្រាល​កូន។ លើស​ឈាម​ ​ជា​មូល​ហេតុ​ចម្បង​នៃ​ជំងឺ​ដាច់​សរសៃ​ឈាម​ខួរ​ក្បាល​ដែល​កើតមាន ១/៣ លើ​ស្ត្រី​មាន​ផ្ទៃ​ពោះ។

៤- កាត់​បន្ថយ​គ្រោះថ្នាក់

​ករណី​បើ​មាន​ហានិភ័យ​​កើត​ជំងឺ​ដាច់​សរសៃ​ឈាម​ខួរ​ក្បាល​អំឡុង​ពេល​ពពោះ យើង​ត្រូវ​អនុវត្ត​តាម​ការ​ណែនាំ​របស់​គ្រូ​ពេទ្យ ដូច​ជា​ ប្រើ​ថ្នាំ​ដើម្បី​គ្រប់​គ្រង​សម្ពាធ​ឈាម ឬ​កាត់​បន្ថយ​ការ​កក​ឈាម។

ពេល​រោគ​សញ្ញា​ជំងឺ​ដាច់​សរសៃ​ឈាម​ខួរ​ក្បាលមាន​ការ​វិវត្ត ​ត្រូវ​រាយ​ការ​ទៅ​កាន់​​គ្រូពេទ្យ​ភ្លាម។ បន្ទាប់​ពី​សម្រាល​កូន​រួច​ ​ត្រូវ​យក​ចិត្ត​ទុក​ដាក់​លើ​ស្ថាន​ភាព​សុខ​ភាព​របស់​ម្ដាយ​​ឲ្យ​បាន​ច្រើន ពី​ព្រោះ​ម្ដាយ​ថ្មី​តែង​ផ្ដោត​អារម្មណ៍​ខ្លាំង​លើ​កូន ហើយ​ភ្លេច​ខ្លួន​ឯង។ ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Watch for stroke symptoms when pregnant. http://www.utswmedicine.org/stories/articles/year-2015/stroke-pregnancy.html Accessed May 29, 2017.

រូបថត​របស់​អ្នក​និពន្ធ
ត្រួតពិនិត្យ​ដោយ គឹម កាណែល
អត្ថបទ​ដោយ ចាន់ សុខឡាង
កែ 10/05/2019
x