home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ហេតុអីពេទ្យហាមម៉ាក់​ៗសម្រាលកូនរួច ​មិនឲ្យញ៉ាំហឹរ និងក្រៀមក្រោះ?

ហេតុអីពេទ្យហាមម៉ាក់​ៗសម្រាលកូនរួច ​មិនឲ្យញ៉ាំហឹរ និងក្រៀមក្រោះ?

បើតាម​ចំណាំ ​ចាស់​ៗ​បុរាណ​តែង​តែ​ឲ្យ​ស្រីៗសម្រាល​កូន​រួច​ញ៉ាំ​អាហារ​ហឹរ​ៗ ជាពិសេស​ឆា​ខ្ញី ខដាក់ម្រេច និង​សាច់​អាំង ​ចៀនប្រឡាក់ម្រេច​បែប​ក្រៀមក្រោះ ព្រោះ​ក្រោយ​ញ៉ាំ​រួច ប្រាកដ​ជា​ត្រូវការ​ផឹក​ទឹក​ច្រើន ហើយ​ការ​ផឹក​ទឹក​ច្រើន​នេះ​ធ្វើឲ្យ​សម្បូរ​ទឹកដោះ​ទៅ​បំបៅ​កូន ឯអាហារហឹរធ្វើឲ្យ​​សរសៃសសូង​ឆាប់រឹង។ តែ​ទង្វើ​បែប​នេះ គ្រូពេទ្យ​មិន​ឯកភាព​នោះ​ទេ។

លោក​ជំទាវ​វេជ្ជបណ្ឌិត គ្រុយ លាងស៊ីម អនុ​រដ្ឋលេខាធិការក្រសួង​សុខាភិបាល និង​ជា​ទីប្រឹក្សា​​ផ្នែក​សម្ភពនៅ​មន្ទីរពេទ្យ​កាល់ម៉ែត បាន​ពន្យល់​ថា អាហារ​ហឹរ និង​ក្រៀមក្រោះ​នេះ ​មិន​ល្អ​ចំពោះ​ម៉ាក់​ៗ​ទេ ដោយសារ​គ្មាន​ជីវជាតិ​ច្រើន។ ម្យ៉ាង​ទៀត ​​ទើប​សម្រាល​កូន​រួច​ ម្តាយ​ត្រូវ​ការ​វីតាមីន និង​សារធាតុ​ចិញ្ចឹម​គ្រប់​មុខ​ពី​​​បន្លែ​ ជាពិសេស​ម៉ាក់​ៗ​ត្រូវ​ការ​ជាតិ​ទឹក​ជា​ចាំបាច់ ដូចនេះ​របប​អាហារ​គួរតែ​ជា​ប្រភេទ​សម្ល​មានទឹក ​គ្រឿង​ផ្សំសាច់ បន្លែ​ចម្រុះ។

វេជ្ជបណ្ឌិត​ខាង​លើ​បាន​បន្ថែម​ទៀត​ថា៖ “បាយ​ជា​អាហារ​ថាមពល និង​អាហារ​សាងសង់ដែល​ចាំបាច់​បំផុត ហើយ​បន្ថែម​ពី​នោះ​ រាងកាយ​ត្រូវការ​ជាតិ​ដែក កាល់ស្យូម ប្រូតេអ៊ីន ដែល​របស់​អស់​ហ្នឹង​មាន​នៅ​ក្នុង​បន្លែ សាច់ ត្រី ស៊ុត តែ​បើ​យើង​ញ៉ាំ​តែ​អាហារ​ក្រៀម វា​មិន​អាច​ផ្ដល់​ថាមពល​គ្រប់គ្រាន់​ដល់​រាងកាយ​ឡើយ ខណៈ​ដែល​ស្រីៗ​ទើប​ឆ្លង​ទន្លេ​រួច​ រឹតតែ​ត្រូវការ​លើស​ដើម”។

លោកជំទាវវេជ្ជបណ្ឌិត គ្រុយ លាងស៊ីម

លោកជំទាវ​វេជ្ជបណ្ឌិត គ្រុយ លាងស៊ីម បន្ត​ថា ដូច្នេះ​ហើយ​បាន​ជា​គេ​មាន​ក្បួនខ្នាត​សម្រាប់​ម៉ាក់​ៗ​ក្រោយ​សម្រាល​កូន​រួច​ ត្រូវ​ញ៉ាំ​អាហារ​ឲ្យ​បាន​សព្វមុខ។ ក្នុង​នោះ​ម្ហូប​មួយ​ពេល​របស់​ម៉ាក់​ៗ​ មានសាច់ និង​បន្លែ​ត្រូវ​ស្មើ​គ្នា បើ​សាច់ ២ ខាំ បន្លែ​ក៏ ២ ខាំ​ដែរ ហើយ​បាន​មាន​ដាក់​ស៊ុត​មួយ​គ្រាប់ ត្រូវ​បន្ថយ​សាច់​មក​ត្រឹម ១ ខាំ​បាន​ហើយ ចំណែកបាយ​ក្នុង​កម្រិត​តិច​ល្មម។

ក្រៅ​ពី​អាហារ ៣ ពេល ម៉ាក់​ៗ​អាច​ញ៉ាំ​ទឹក​ផ្លែឈើ​ផ្សេង​ៗ ឬ​ទឹក​សណ្ដែក ដើម្បី​បំពេញ​ជីវជាតិ​ឲ្យ​បាន​គ្រប់​មុខ និង​ធ្វើឲ្យ​រាងកាយ​មាន​ថាមពល​ពេញលេញ សម្បូរ​ទឹកដោះ​ឲ្យ​កូន​ម៉ឹម។

អត្ថបទ​ពាក់ព័ន្ធ៖ពេទ្យ​ថា​ស្រីៗសម្រាល​កូនរួចកុំអាំងភ្លើង​ តែ​មាន​ថ្នាំ​អាច​ជួយ​ឲ្យ​ឆាប់​រឹងមាំ​វិញ​បាន

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ ទ្រី រ៉ាវី
កែ 23/05/2019
x