អំឡុងត្រីមាសទី១ នៃគភ៌ ស្ត្រីអាចជួបប្រទះអាការៈធ្លាក់ឈាម ដែលអាចជាករណីធម្មតា និងមិនធម្មតា អាស្រ័យលើបរិមាណធ្លាក់ឈាម (គប្បីតាមដានជាមួយពេទ្យ)។ បើធ្លាក់ឈាមនៅត្រីមាសទី២ ឬទី៣ រឹតតែត្រូវពិគ្រោះជាមួយគ្រូពេទ្យភ្លាម ព្រោះអាចជាសញ្ញាគ្រោះថ្នាក់។ “Hello គ្រូពេទ្យ’ នឹងបកស្រាយខាងក្រោម។
១- មូលហេតុធ្លាក់ឈាមពេលពពោះ
មានមូលហេតុច្រើន អាចធ្វើឲ្យស្រីៗពពោះ ជួបអាការៈធ្លាក់ឈាម ដូចជា៖
– ឈាមកកំណើត (Implantation bleeding)៖ បញ្ហានេះ ជាបញ្ហាកើតឡើងទូទៅបំផុត នាំឲ្យធ្លាក់ឈាមតាមទ្វារមាស ពេលពពោះដំបូង។ ឈាមកកំណើត (Implantation Bleeding) អាចកើតឡើង ដោយសារការភ្ជាប់ខុសពងបង្កកំណើត (Fertilized Egg) ទៅនឹងស្រទាប់ស្បូន។ ករណីធ្លាក់ឈាមនេះ អាចកើតមាន មុនពេលដឹងថាមានកូន ហើយមានត្រឹមតែ ២-៣ ថ្ងៃប៉ុណ្ណោះ នឹងបាត់ទៅវិញ។
– មានបង្ករោគ៖ បញ្ហារលាកលើប្រហោងឆ្អឹងត្រគាកមួយចំនួន (Pelvic Cavity) ឬការបង្ករោគលើបំពង់បង្ហួរនោម អាចជាហេតុនាំឲ្យធ្លាក់ឈាមតាមទ្វាមាស។ ការបង្ករោគលើទ្វាមាស ដូចជា បញ្ហារលាកទ្វាមាសដោយសារបាក់តេរី (Bacterial Vaginosis) ឬការបង្ករោគដោយផ្សិត ក៏អាចធ្វើឲ្យធ្លាក់ឈាម ពេលពពោះដែរ។ ស្រីៗពពោះរួមភេទដោយមិនបានការពារ អាចប្រឈមធ្លាក់ឈាម ដោយសារជំងឺកាមរោគ ដូចជា រើម មេរោគទ្រីកូមីណាស់ ជំងឺប្រមេះបាយ ឬ ប្រមេះទឹកថ្លា ។ បញ្ហាទាំងនេះ អាចធ្វើឲ្យទ្វារមាសរលាក និងរមាស់។
– សកម្មភាពរួមភេទ៖ រួមភេទពេលពពោះ គ្មានផលប៉ះពាល់អវិជ្ជមានលើសុខភាពស្រីៗយើង និងគភ៌នោះទេ ក៏មិនអាចបង្កឲ្យរលូតកូននោះដែរ។ ប៉ុន្តែ រួមភេទពេលពពោះ អាចនាំឲ្យមានបញ្ហាមួយចំនួន ដូចជា មានធ្លាក់ឈាម ជាដើម។ អំឡុងពេលពពោះ អវយវៈភេទស្រីៗ ងាយប្រតិកម្មណាស់ ងាយដាច់របួសជាងធម្មតា។ បើយើងសម្គាល់ឃើញ មានធ្លាក់ឈាមពីទ្វារមាស ត្រូវឈប់រួមភេទ ហើយរកជំនួយពីពេទ្យជំនាញភ្លាម។
– ដាច់សុកចេញពីជញ្ជាំងស្បូន (Placental abruption)៖ បញ្ហានេះជាធម្មតាកើតឡើងអំឡុងពេល ១២ សប្ដាហ៍ចុងក្រោយនៃការពពោះ។ មុន ឬអំឡុងពេលសម្រាល យើងអាចសម្គាល់ឃើញ មានធ្លាក់ឈាមតាមទ្វារមាស ដោយសារការដាច់សុកចេញពីជញ្ជាំងស្បូន។ បញ្ហាកម្រនេះ អាចកើតមានត្រឹម ១ ភាគរយប៉ុណ្ណោះក្នុងចំណោមស្រីៗពពោះទាំងអស់។
– សម្រាលមុនកំណត់៖ ២-៣ សប្ដាហ៍មុនដល់ថ្ងៃសម្រាល ទឹករំអិលសន្ទះស្បូន (Mucus plug) ចាប់ផ្ដើមឆ្លងកាត់ នឹងធ្វើឲ្យទ្វារមាសធ្លាក់ឈាម។ បើប្រទះឃើញបញ្ហានេះកើតឡើងមុនអំឡុងពេល ២-៣ សប្ដាហ៍មុនដល់ថ្ងៃសម្រាល នោះជារឿងគ្រោះថ្នាក់ ត្រូវទៅជួបពេទ្យជាបន្ទាន់។
– រលូតកូន៖ ករណីរលូតកូន ជាញឹកញាប់ចាប់ផ្ដើមដោយការធ្លាក់ឈាម។ ទោះយ៉ាងនេះក្ដី ធ្លាក់ឈាមមិនមែនត្រឹមជាសញ្ញាពិតប្រាកដនោះទេ ហើយពាក់កណ្ដាលនៃករណីធ្លាក់ឈាម ក៏មិននាំឲ្យរលូតកូននោះទេ។
អត្ថបទពាក់ព័ន្ធ៖
- ក្បាលទារកធំជាងអាងត្រគាក គួរឲ្យបារម្ភអត់?
- ផឹកថ្នាំខ្មែរផ្តេសផ្តាសពេលពពោះ ទាំងម៉ាក់ទាំងកូនជួបរឿងគ្រោះថ្នាក់ទាំងនេះ
២- វិធីបង្ការ និងទប់ស្កាត់ការធ្លាក់ឈាមពេលពពោះ
[embed-health-tool-pregnancy-weight-gain]
