ពេលពពោះអ័រម៉ូនប្រែប្រួល ធ្វើឲ្យកើតមានអាការៈផ្សេង បូករួមទាំងអារម្មណ៍ផ្លាស់ប្តូរមួយចំនួន។ ខាងក្រោមនេះជាអាការៈ និងអារម្មណ៍ប្រែប្រួលពេលពពោះដែលម៉ាក់ៗថ្មីថ្មោង ពិសេសបុរសជាស្វាមីត្រូវដឹង។
១- អារម្មណ៍ប្រែប្រួល
អ័រម៉ូនប្រែប្រួលពេលពពោះ ធ្វើឲ្យម៉ាក់ប្រែប្រួលអារម្មណ៍ទៅតាមនោះដែរ ពេលខ្លះឆេវឆាវ ឆាប់ខឹងមួរម៉ៅ ពិសេសអំឡុងត្រីមាសទី១។ ដើម្បីកាត់បន្ថយភាពតានតឹងទាំងនោះ ស្រីៗគ្នាយើងត្រូវចេះបន្ធូរអារម្មណ៍ ឬជ្រើសរើសយកវិធីសមាធិ។
អត្ថបទពាក់ព័ន្ធ៖ តិចនិកហាត់ប្រាណសម្រាប់ស្រីៗពពោះត្រីមាសដំបូង
២- ឧស្សាហ៍អស់កម្លាំង
ពេលពោះនៅត្រីមាសដំបូងស្រីៗយើងមានអារម្មណ៍ហត់ និងអស់កម្លាំងដោយសារតែរាងកាយធ្វើការខ្លាំងជាងមុនដើម្បីទៅចិញ្ចឹមកូន។ ដូច្នេះហើយស្រីៗមានផ្ទៃពោះតម្រូវឲ្យសម្រាក និងគេងឲ្យបានគ្រប់គ្រាប់ ញ៉ាំឲ្យបានច្រើន និងញឹកញាប់។
អត្ថបទពាក់ព័ន្ធ៖ ស្រីៗពពោះគេងប៉ុន្មានម៉ោង ទើបល្អទាំងម៉ាក់ៗ ទាំងគភ៌?
៣- ឃ្លានគ្រប់ពេល
ស្រីៗពពោះច្បាស់ជាឃ្លាននេះឃ្លាននោះគ្រប់ពេលមិនខាន (លើកលែងតែមានអាការៈចាញ់កូន) ដើម្បីរក្សាថាមពលក្នុងខ្លួន និងយកទៅចិញ្ចឹមកូនក្នុងពោះ។ ដូច្នេះម៉ាក់់ៗចាំបាច់ត្រូវញ៉ាំអាហារដែលសម្បូរជីវជាតិ ចម្រុះគ្នាមានបន្លែ ត្រី សាច់ ស៊ុត និងផ្លែឈើឲ្យបានច្រើន។
៤- រាងកាយប្រែប្រួល ស្បែកខ្មៅស្រអាប់
អំឡុងពពោះ រាងកាយស្រីៗប្រែប្រួល ១០០ នាក់ ទាំង ១០០ រូបរាងប្រែជាធាត់ដោយសារតែការបំប៉នចំណីអាហារ និងទម្ងន់កូន ឯស្បែកវិញក៏ប្រែជាខ្មៅស្រអាប់ដែរ ពិសេសនៅពេលជិតសម្រាលកូន។
៥- សុខភាពចុះខ្សោយ
គ្រាប់ឈាមក្រហមចុះថយ ដោយសារតែមនុស្ស២នាក់ ចំណីអាហារ អ្វីៗទាំងអស់ត្រូវចែកឲ្យកូន ចំណែកអង់ទីគ័រក៏ត្រូវចុះខ្សោយ ងាយប្រឈមនឹងជំងឺផ្សេងៗ។ ទាំងប្រព័ន្ធឈាមរត់ ទាំងប្រព័ន្ធការពារចុះខ្សោយ តម្រូវឲ្យម៉ាក់ៗយកចិត្តទុកដាក់លើរបបអាហារ លេបថ្នាំវីតាមីន និងជាតិដែកឲ្យបានគ្រប់គ្រាន់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
