ស្រ្តីកំពុងពពោះប្រហែលជា ២០ ភាគរយនៃស្រ្តីពោះទាំងអស់អាចមានការហូរឈាមតិចៗ ហើយញឹកញាប់។ ការហូរឈាមនេះអាចធ្វើឲ្យស្រីៗយើងខ្លះមានភាពតក់ស្លុត តែអាការៈនេះមិនគួរឲ្យបារម្ភទេ ស្រ្តីពពោះភាគច្រើនមានអាការៈនេះហើយកូនក្នុងផ្ទៃ និងម្ដាយមានសុខភាពធម្មតា។ ចុះហេតុអ្វីបានជាមានការហូរឈាមនេះ? ពិតទេថាការហូរឈាមមិនប៉ះពាល់សុវត្ថិភាពរបស់ប៊េប៊ី?
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
យើងគួរធ្វើម៉េចខ្លះ ដើម្បីកែលម្អបញ្ហានេះ?
អត្ថបទនេះមានកំហុស ព័ត៌មាន ឬតួលេខមិនត្រឹមត្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
អត្ថបទនេះមានព័ត៌មានមិនគ្រប់គ្រាន់
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ហមមម... ខ្ញុំមានចម្ងល់ពីបញ្ហាសុខភាពខ្លះចង់សាកសួរ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
អំឡុងពេលពពោះ មានហូរឈាមតាមទ្វារមាសតិចៗ គួរឲ្យបារម្ភអត់?
១- អ្វីទៅជាការហូរឈាមឬធ្លាក់ឈាមតិចៗកំឡុងពេលពពោះ?
ការហូរឈាមតិចៗតាមទ្វារមាសនេះមានពណ៌ត្នោត ឬពណ៌ផ្កាឈូក ដូចទៅនឹងការហូរមកនៃឈាមរដូវទើបមកថ្ងៃដំបូង ឬថ្ងៃចុងក្រោយដែរ។ ជាធម្មតាការហូរឈាមបែបនេះមានតែពីរ ទៅបីដំណក់តែប៉ុណ្ណោះ។
អត្ថបទពាក់ព័ន្ធ៖ ស្រីៗពេលពពោះចេះតែរមួលក្រពើ តើត្រូវដោះស្រាយតាមវិធីណា?
២- មូលហេតុ
យើងមិនអាចសន្មត់ថាអាការៈហូរឈាមនេះមកពីហេតុអ្វីឲ្យប្រាកដនោះទេ តែមូលហេតុចំបងៗរួមមាន៖
– ការរួមភេទពេលកំពុងពពោះ
ស្រីៗកំពុងពពោះអាចនឹងមានការហូរឈាមតាមទ្វារមាសបើសិនជាមានការប៉ះទង្គិចលើកស្បូនខ្លាំង។ ពេលពពោះនេះ ឈាមនឹងទៅតំបន់អាងត្រគៀកច្រើនជាងមុន ហើយពេលខ្លះការរួមភេទអាចធ្វើឲ្យដាច់សរសៃឈាមតូចនៅត្រង់នោះ ហើយក៏បណ្តាលឲ្យមានការហូរឈាមនេះឯង។
– ការបង្ករោគនៅនឹងកស្បូន
ការបង្ករោគនៅនឹងទ្វារមាស ឬជំងឺកាមរោគ ដែលជាជំងឺមិនពាក់ព័ន្ធនឹងការពពោះអាចធ្វើឲ្យមានការហូរឈាមនៅទ្វារមាស ដោយអាចមានការរលាក កស្បូនហើយធ្វើឲ្យហូរឈាមតិចៗ។
– ការរលូត ឬកូនក្រៅស្បូន
កូនក្រៅស្បូនជាលក្ខខណ្ឌដែលទារកបង្កកំណើតនៅក្រៅតួស្បូនរបស់ម្តាយ។ ការហូរឈាមព្រមជាមួយនឹងការចុកពោះ គឺជាសញ្ញាដំបូងនៃការរលូត ឬកូនក្រៅស្បូន។ កូនក្រៅស្បូនអាចប៉ះពាល់ដល់ជីវិតម្ដាយបាន។ ដូចនេះគួរទៅពិគ្រោះជាមួយគ្រូពេទ្យនៅពេលមានការហូរឈាម និងចុកពោះរួមជាមួយគ្នា។
៣- ពេលណាដែលត្រូវបារម្ភ?
ការហូរឈាមពេលពពោះជារឿងដែលកើតមានញឹកញាប់ តែកម្រនឹងហូរឈាមមកក្នុងបរិមាណច្រើនណាស់។ ស្រីៗយើងគួរបារម្ភនៅពេលដែល៖
– ឈាមពណ៌ក្រហមស្រស់
– ហូរឈាមហើយឈឺ។ លើសពីការរលូត និងកូនក្រៅស្បូន ក៏អាចជាសញ្ញានៃការរបើកទងសុកចេញពីតួស្បូនដែរ។
៤- តើគួរធ្វើយ៉ាងណាបើមានការហូរឈាមខុសធម្មតា?
ដោយសារការហូរឈាមអំឡុងពេលពពោះអាចជាសញ្ញានៃបញ្ហាធ្ងន់ធ្ងរ ស្រីៗយើងគួរតាមដានមើលពីបរិមាណនៃឈាមដែលហូរមក និងពណ៌របស់ឈាម ហើយទៅរកគ្រូពេទ្យឲ្យបានឆាប់បំផុត។ គ្រូពេទ្យអាចនឹងសុំធ្វើការពិនិត្យពោះដោយអេកូ ដើម្បីរកមូលហេតុនៃការហូរឈាមនេះ។
ត្រូវទៅជួបគ្រូពេទ្យជាបន្ទាន់បើសិនជាយើងមានអាការៈដូចខាងក្រោម៖
– ចុកពោះ (ម្តុំលើថ្ងាស) ខ្លាំង
– វិលមុខ ឬសន្លប់
– មានដុំសាច់ ឬរបស់អ្វីប្លែកធ្លាក់ចេញពីទ្វារមាស
– រងារញាក់
បើសិនជាស្រីៗយើងមានហូរឈាមត្រង់ណា គួរតែប្រាប់គ្រូពេទ្យឲ្យបានដឹងទោះបីការហូរឈាមនោះបាត់ទៅវិញហើយក៏ដោយ។ អាការៈនេះអាចថាជារឿងតូចតាច តែក៏អាចក្លាយជាបញ្ហាធ្ងន់ធ្ងរផងដែរ។ ដូចនេះដើម្បីសុវត្ថិភាពម៉ាក់ៗ និងទារកក្នុងពោះ គប្បីតាមដានអាការៈនេះដោយប្រុងប្រយ័ត្ន។
អត្ថបទពាក់ព័ន្ធ៖
- អាកាសធាតុក្ដៅ! ស្រីៗកំពុងពពោះគួរដឹងតិចនិកហាត់ប្រាណ និងរបៀបស្លៀកពាក់
- អ្នកម៉ាក់សម័យថ្មីពេលមានផ្ទៃពោះ ច្រើនតែធ្វើរឿង ៥ នេះ
- តិចនិកងាយៗ អាចជួយស្រីៗកាត់បន្ថយស្ត្រេសពេលពពោះ
- គុណសម្បត្តិ-គុណវិបត្តិ នៃការសម្រាលកូនដោយធម្មជាតិ និងវះកាត់
- ធ្ងាប់ឆ្ងល់អត់ម៉េចបានស្រីៗក្រោយសម្រាល អារម្មណ៍ឆាប់ប្រែប្រួល នៅសុខៗយំក៏មាន?
ក្នុងករណីមានសំណួរឬមន្ទិលសង្ស័យជុំវិញសុខភាពអ្នកជម្រើសល្អបំផុតសូមពិគ្រោះនិងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬការព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Vaginal bleeding or spotting during pregnancy. http://www.babycenter.com/0_vaginal-bleeding-or-spotting-during-pregnancy_3081.bc. Accessed August 21, 2016.
Spotting in Late Pregnancy. http://www.newkidscenter.com/Spotting-in-Late-Pregnancy.html. Accessed August 21, 2016.
